Keep Calm and Carry On
Keep Calm and Carry On (azərb. Sakit qalın və davam edin) — Böyük Britaniyada 1939-cu ildə II Dünya Müharibəsinin əvvəlində hazırlanan təbliğat plakatı.
Tarixi redaktə
Plakat ilk olaraq 1939-cu ildə II Dünya Müharibəsinin əvvəlində Britaniya İnformasiya Nazirliyin (ing. Ministry of Information) tərəfindən düzəldilmişdir. İki milyon yarım nüsxə çap edilmişdi, lakin plakat geniş yayılmamışdı[1].
Bu seriyada daha iki plakat mövcuddur — 400 min nüsxəsi olan "Freedom Is In Peril. Defend It With All Your Might" (ing. "Azadlıq təhlükədədir. Bütün gücünüzlə onu müdafiə edin"), və 800 min nüsxəsi olan " Your Courage, Your Cheerfulness, Your Resolution Will Bring Us Victory " (ing."Sizin qıvraqlığınız, cəsarətiniz, qətiyyətiniz bizə qələbə qazandıracaqdır").
Müasir mədəniyyətdə redaktə
2000-ci ildə Barter Books ikinci əl kitab dükanında plakatın bir nüsxəsi tapılmışdır. İngiltərə hökuməti tərəfindən istehsal olunan bu cür əsərlərə verilən müəllif hüququ müddəti 50 il müddətində bitdiyi üçün şəkil ictimai mülkiyyət sayılır. Bu hal poster nüsxələri məhdudiyyətsiz miqdarda çap etməyi, eləcə də şüarı olan digər suvenirləri istehsal etməsini mümkünləşdirir[2] . Plakatın populyarlığı dəyişdirilmiş bir yazı və ya loqo ilə bir çox təqlidlərə da yol açdı.
2009-cu ildə Stereophonics qrupu posterin adıyla adlandırdığı albom buraxdı[3].
2011-ci ilin avqust ayında, "Keep Calm and Carry On Ltd" şüarını ticarət markası kimi qeydiyyata aldı və başqaların tərəfindən hazırlanan suvenir satışını dayandırmağı tələb etdi. Sonradan şüarın həddindən artıq geniş tanınması və məşhur olması əsasında qeydiyyatı ləğv edilməsi tələbi irəli sürüldü[4] .
İstinadlar redaktə
- ↑ "The greatest motivational poster ever?". BBC News. 02-04-2009. 2012-08-26 tarixində arxivləşdirilib.
- ↑ "What crisis?". Guardian.co.uk. 2012-08-26 tarixində arxivləşdirilib.
- ↑ "Stereophonics Keep Calm and Carry On Review". 2012-08-26 tarixində arxivləşdirilib.
- ↑ "Battle rages over 'Keep Calm and Carry On' souvenirs". The Telegraph. 2011-09-24. 2012-08-26 tarixində arxivləşdirilib.
Xarici keçidlər redaktə
