Kenquru Beynəlxalq Riyaziyyat Müsabiqəsi

Kenquru Beynəlxalq Riyaziyyat Müsabiqəsi^[1] (ing. International Mathematical Kangaroo) — məktəblilər arasında riyaziyyat fənni üzrə keçirilən beynəlxalq müsabiqə^[1].

Tarixi

Kenquru Beynəlxalq Riyaziyyat Müsabiqəsi 1994-cü ildən, ildə bir dəfə olmaqla keçirilir^[1].

Məqsəd

Müsabiqənin keçirilməsində əsas məqsəd istedadlı şagirdlərin aşkar edilməsi, onların elmi potensiallarının inkişaf etdirilməsi və şagirdlərdə fənlərə olan marağın artırılmasına nail olmaqdan ibarətdir^[1].

Dərsliklərdə verilmiş riyazi formulaların əzbərlənərək istifadə edilməsindən daha artığını, hər yaşa uyğun biliklərin məntiqi düşüncə sayəsində sınanması da qarşıya qoyulan əsas məqsədlərdəndir^[2]. Yəni burada şagird hansısa əzbərlədiyi formulanı yada salmağa çalışmaqdan daha çox məsələyə fərqli yönlərdən baxmağa, beynini məşq etdirməyə, məntiqini işə salmağa məcburdur ki, sualları cavablasın^[2].

Müsabiqə "Öyrənək, əylənək və həll edək!" şüarı ilə keçirilir^[1].

İştirakçıları

Bu müsabiqə müxtəlif səviyyələrdə riyazi biliyə malik olan 1-2-3-4-5-6-7-8

sinif şagirdlərini əhatə edir və şagirdlərin iştirakı qeydiyyat haqqını ödəməklə könüllülük prinsipi daşıyır.

2024-cü ildə müsabiqədə dünyanın 80-dən çox ölkəsindən 6 milyondan çox şagird iştirak etmişdir^[1].

1-ci yer :

-Məhəmməd Fətullayev Rafis Oğlu

-Maksimal bal=120

-Topladığı bal=30

Təşkilatçılar

Müsabiqənin qurucu və idarəçilərindən bir neçəsi eyni zamanda Beynəlxalq Riyaziyyat Olimpiadasının təşkilatçı və idarəçiləri arasında da təmsil olunurlar^[1].

Azərbaycanda ilk dəfə keçirilməsi 18 mart 2018-ci ildə pilot layihə kimi nəzərdə tutulan bu müsabiqə Azərbaycan Respublikasının Təhsil İnstitutunun Təhsil Texnologiyaları Mərkəzinin təşəbbüsü və mərkəzi Fransada olan Sərhədsiz Kenquru Assosiasiyasının razılığı ilə həyata keçirilir^[1].

Format

Müsabiqənin idarə heyətinin müxtəlif ölkələrdən olan üzvləri ildə bir dəfə bir araya gələrək növbəti il üçün fərqli ölkələrdən təqdim edilən suallar arasından seçim edir və yekun sualları müəyyənləşdirirlər^[1]. Qaydalara əsasən tapşırıqlar 2, 3–4, 5–6, 7–8, 9–10-cu sinif şagirdləri üçün 5 fərqli kateqoriya üzrə qapalı test formatında və 3 səviyyədə — asan, orta, çətin olmaqla tərtib edilir. Müsabiqə dünyanın bütün ölkələrində mart ayının üçüncü həftəsi təşkil edilir^[1].

Müsabiqədə verilən suallar məntiq əsaslıdır^[2].

İstinadlar

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Azərbaycanda ilk dəfə beynəlxalq riyaziyyat müsabiqəsi keçiriləcək (arxiv linki). arti.edu.az, 05.03.2018 (az.)
↑ ¹ ² ³ Azərbaycanda Kenquru olimpiadası: İlk dəfə, özü də 5 manata… Arxivləşdirilib 2018-10-25 at the Wayback Machine virtualaz.org, 14.03.2018 (az.)

Xarici keçidlər

mathkang.org — Rəsmi saytı
Kenquru Beynəlxalq Riyaziyyat Müsabiqəsi (az.)

[arti.edu.az-1] ¹ ² ³ ⁴ ⁵ ⁶ ⁷ ⁸ ⁹ ¹⁰ Azərbaycanda ilk dəfə beynəlxalq riyaziyyat müsabiqəsi keçiriləcək (arxiv linki). arti.edu.az, 05.03.2018 (az.)

[virtualaz.org-2] ¹ ² ³ Azərbaycanda Kenquru olimpiadası: İlk dəfə, özü də 5 manata… Arxivləşdirilib 2018-10-25 at the Wayback Machine virtualaz.org, 14.03.2018 (az.)

[1]

[2]