Keyti Bouman

Keyti Bouman (ing. Katie Bouman, 9 may 1989, West Lafayette^[d], İndiana) — kompüter mühəndisi, Massaçusets Texnologiya İnstitutunun magistrı, Kaliforniya Universitetinin dosenti. Onun 3 il üzərində işlədiyi alqoritm sayəsində dünyanın 8 fərqli nöqtəsindəki teleskopların əldə etdiyi məlumatlar bir araya gətirilərək ilk dəfə olaraq Qara Dəliyin şəkili çəkilmişdir.

Keyti Bouman
ing. Katherine Bouman
Doğum adı	Katherine Bouman
Doğum tarixi	9 may 1989(1989-05-09) (35 yaş)
Doğum yeri	West Lafayette[d], İndiana, ABŞ
Elm sahələri	Kompüter görünüşü, maşın öyrənmə
Elmi dərəcəsi	fəlsəfə doktoru
Elmi adı	dosent
İş yerləri	Kaliforniya Texnologiya İnstitutu (2019–), Harvard Universiteti (2018–)
Təhsili	Massaçusets Texnologiya İnstitutu (–2018), Miçiqan Universiteti (–2011), Massaçusets Texnologiya İnstitutu (–2013)
people.csail.mit.edu/klb… users.cms.caltech.edu/~k…
Vikianbarda əlaqəli mediafayllar

Həyatı

Keyti Bouman uşaqlığını ABŞ-də İndiana ştatının Vest Lafayette şəhərində keçirmişdir. O, 2011-ci ildə Miçiqan Universitetində elektrik mühəndisliyi təhsilini tamamladıqdan sonra Massaçusets Texnologiya İnstitutunda (MIT) elektrik mühəndisliyi və kompüter elmləri sahəsində magistr (2013) və doktor (2017) dərəcələrini almışdır.

Fəaliyyəti

Kayti Bouman ilk qara dəlik şəklinin çəkilməsinə səbəb olan alqoritmi hələ magistr təhsili aldığı zaman hazırlamağa başlamışdı. Daha sonra o, qara dəliyin fotosunu çəkmək üçün hazırlanmış beynəlxalq "Event Horizon Telescope" (EHT) qrupuna daxil olmuşdur. Boumanın yazdığı alqoritm sayəsində dünyanın fərqli bölgələrindəki səkkiz teleskopdan əldə edilən göstəricilər bir araya gətirilərək qara dəliyin görüntüsü ortaya çıxarılmışdır.