Kirsten Danst

Kirsten Karolin Danst (ing. Kirsten Caroline Dunst, d. 30 aprel 1982, Nyu-Cersi, ABŞ) — amerikalı aktrisa, model və müğənni. 12 yaşı olanda "Vampir ilə müsahibə" filmində oynadığı vampir Klaudia roluna görə geniş surətdə insanlar tərəfindən sevilməyə başlayıb və bu roluna görə aktrisa "Ən yaxşı ikinci dərəcəli aktrisa" adı ilə "Qızıl Qlobus" mükafatına layiq görülüb.

Kirsten Karolin Danst
ing. Kirsten Caroline Dunst
Doğum adı	Kirsten Caroline Dunst
Doğum tarixi	30 aprel 1982
Doğum yeri	Point Plezant, Nyu-Cersi, ABŞ
Milliyyəti	alman
Vətəndaşlığı	ABŞ Almaniya
Uşağı	2
Partnyorları	Ceyk Cillenhol (2002–2004)
Fəaliyyəti	aktrisa, müğənni, model
Fəaliyyət illəri	1989-indiyədək
Boyu	170 sm
Mükafatları
IMDb	ID 0000379
kirsten-dunst.org
Vikianbarda əlaqəli mediafayllar

Həyatı

Kirsten Karolin Danst 30 aprel 1982-ci ildə Amerikada, Nyu-Cersi ştatının Point Plezant qəsəbəsində anadan olub. Kinoaktrisanın atası – əslən Hamburqdan olan Klaus Danst bir tibb şirkətində çalışmış, anası İnez isə əvvəllər Lufthansada stüardessa işləmiş, daha sonra rəssam olmuş, incəsənət qalereyasının təsisçisi və sahibəsi olmuşdur. 1986-cı ildə Kirstenin Kristian adında bir qardaşı dünyaya gəlir. Aktrisa doqquz yaşınadək ailəsi ilə birlikdə Point Plezantda yaşayır. Valideynlərinin boşanmasından sonra Kirsten qardaşı və anası ilə birlikdə Cənubi Karolinaya köçür.

Karyerası

Kirsten Danstın kino karyerasındakı debütü 1989-cu ildə baş tutur. O, Vudi Allenin "Nyu-York hekayələri" filmində bir epizoda çəkilir. Amma 1994-cü ildə ekranlara çıxan "Vampir ilə müsahibə" filmi onun həyatında dönüş nöqtəsi olur. Çəkilişlər zamanı o, Tom Kruz, Bred Pitt və Antonio Banderas kimi aktyorlarla birlikdə çalışır. Bu filmdəki roluna görə aktrisa "MTV Movie Awards" mükafatı, "Qızıl Qlobus" nominasiyası, eləcə də Elmi fantastika, Fentezi və Dəhşət filmləri Akademiyasının gənc aktrisalar üçün təsis etdiyi "Saturn" mükafatına layiq görülür. Aktrisaya uğur gətirən digər layihələrdən biri də məzəli "Cumanci" filmi olur. 1995-ci ildə "People" dərgisi Kirsten Danstı dünyanın ən gözəl 50 adamının siyahısına salır. Aktrisa eyni zamanda Kiki ləqəbi ilə də tanınır.

Seçilmiş filmoqrafiya

• Hörümçək-adam
• Anastasiya