Kiyev Madonnası
Kiyev Madonnası (ukr. Мадонна Київська) — 2022-ci ildə Rusiya Federasiyası Silahlı Qüvvələri tərəfindən Ukraynanın paytaxtı Kiyev şəhərinin bombalanması zamanı hücumdan qorunmaq üçün Kiyev metrosuna sığınan uşağı əmizdirən qadının simvolik təsviri. Jurnalist Andraş Földesin çəkdiyi fotoşəkil internetdə məşhurlaşmışdır. Bu, həm humanitar böhranın, həm də ədalətsiz müharibənin illüstrasiyasına çevrilmişdir. Təsvir İtaliyanın Munyano-di-Napoli kommunasında yerləşən katolik kilsəsində nümayiş etdirilən, müqavimət və ümidin bədii simvoluna çevrilən ikona üçün ilham mənbəyi olmuşdur.
| Kiyev Madonnası | |
|---|---|
| | |
| Tarixi | 26 fevral 2022 |
| Üslubu | dini incəsənət[d] |
Tarixi
redaktəRusiyanın Ukraynada apardığı müharibənin ilk günlərində Rusiya Federasiyası Silahlı Qüvvələri tərəfindən Kiyev şəhərinin bombalanması zamanı hücumdan qorunmaq üçün Kiyev metrosunun tunellərinə sığınan 27 yaşlı Tatyana Blijniyakın üç aylıq qızı Mariçikanı əmizdirdiyi görüntüsü Macarıstan jurnalisti Andraş Földesin diqqətini çəkmişdir və o, bunu kortəbii şəkildə lentə alınmışdır.[1] Qadın əri və uşağı ilə birlikdə 25 fevral 2022-ci ildən metroya sığınmışdır. Onlar 26 fevralda təxliyə edilməli olsalar da, döyüşlər səbəbindən sığındıqları tuneldən çıxa bilməmişdilər.[2]
Foto viral olmuş və hətta Vatikanın rəsmi saytı tərəfindən paylaşılmışdır. Onu görənlər arasında Dneprdən olan ukraynalı rəssam Marina Solomennikova da olmuşdur. O, qadının ikonik obrazını körpəsini əmizdirən Məryəm portreti üçün ilham mənbəyi kimi istifadə etmişdir. Şəkildə ukraynalı qadının baş örtüyü Məryəmin çadrası kimi istifadə edilmiş,[1] onun başı metro xəritəsinin qarşısında təsvir edilmişdir.[3] 5 mart 2020-ci ildə rəssam yaratdığı portreti internetə yerləşdirmişdir.[2]
Yezuit keşişi Viaçeslav Okunun xahişi ilə "Metrodan Madonna" adlı portretin[4] kətan surəti keşişin xidmət edəcəyi yerdə saxlanılmaq üçün İtaliyaya göndərilmişdir.[1] Müqəddəs Cümə axşamı günü Neapol arxiyepiskopu rəsm əsərini ibadət obyekti kimi təqdis etmişdir.[4] İkona Munyano-di-Napoli kommunasında yerləşən, "Kiyev Madonnası" ləqəbini almış İsanın müqəddəs ürəyi kilsəsində nümayiş etdirilmişdir. İkona 25 mart 2022-ci ildə Papa Fransisk tərəfindən təqdis edilmişdir.[3]
Mənası
redaktəTəsvir həm humanitar böhranın və ədalətsiz müharibənin illüstrasiyasına,[5] həm də ukraynalıların ümid və səssiz müqavimətinin simvoluna çevrilmişdir.[1] Portret öz növbəsində Böyük İrodun təhlükəsindən sığınan Nazaretli İsanın anası kimi[5] bu gün müharibənin şiddətindən sığınan və körpəsini onun kimi bəsləyən müasir Məryəm simvolu kimi qəbul edilmişdir.[1]
İstinadlar
redaktə- ↑ 1 2 3 4 5 Toma, Mihai; „Madona din Kiev”. Poza cu o ucraineancă alăptându-și copilul într-un adăpost de la metrou, ajunsă icoană într-o biserică din Italia Arxivləşdirilib 2022-07-07 at the Wayback Machine; Libertatea, 30 aprilie 2022; accesat la 30 aprilie 2022
- ↑ 1 2 3 (ing.) Community;"Madonna of Kyiv" icon depicted in one of the churches of Naples Arxivləşdirilib 2022-11-29 at the Wayback Machine; Religious Information Service of Ukraine, April 20 2022; accesat la 1 mai 2022
- ↑ 1 2 (ing.) Ukrainian mother breastfeeding during war becomes Marian icon Arxivləşdirilib 2022-07-03 at the Wayback Machine; Alteia, 28 martie 2022; accesat la 30 aprilie 2022
- ↑ 1 2 Marcu, Nina; Madona del Metro la Napoli Arxivləşdirilib 2023-03-01 at the Wayback Machine; Puterea, 25 aprilie 2022; accesat la 30 aprilie 2022
- ↑ 1 2 (ital.) Pietrarosa, Emma; Madonna di Kiev: la donna ucraina che allatta diventa un simbolo di culto Arxivləşdirilib 2022-12-08 at the Wayback Machine; Roba da Donne, 24 aprilie 2022; accesat la 30 aprilie 2022