Klaudia Faniello

Klaudia Faniello (ing. Claudia Faniello; d. 25 fevral 1988, Kaura, Malta) — Malta müğənnisi. O, Maltanı 2017 Avroviziya Mahnı Müsabiqəsində təmsil etmişdir.

Klaudia Faniello
ing. Claudia Faniello
Claudia Faniello Kyiv 2017.jpg
Klaudia Faniello 2017-ci ildə
Ümumi məlumatlar
Doğum adı Klaudia Faniello
ing. Claudia Faniello
Doğum tarixi (33 yaş)
Doğum yeri Kaura, Malta
Vətəndaşlığı Malta Malta
Musiqiçi məlumatları
Fəaliyyəti müğənni
Fəaliyyət illəri 2000–h.h.
Janr
Əlaqəsi Fabritsio Faniello
Commons-logo.svg Vikianbarda əlaqəli mediafayllar

HəyatıRedaktə

Klaudia Faniello 25 fevral 1988-ci ildə Maltanın Kaura şəhərində anadan olmuş və orada qardaşı Fabritsio və bacısı Miriana lə birlikdə böyümüşdür. Onun atası italyandır.

Musiqi karyerasıRedaktə

Klaudia Faniello 12 yaşından bir çox televiziya şoularında çıxış etmiş və müxtəlif festivallarda iştirak edərək, yüksək nəticələr əldə etmişdir. O 2001-ci ildə Maltada keçirilən Talentissimi Juniors yarışmasında qələbə qazanmışdır. Bir il sonra Klaudia Malta milli orkestrinin müşaiyəti ilə Malta universitetində kimsəsiz uşaqlar üçün keçirilən konsertdə çıxış etmişdir. 2003-cü ildə müğənni qardaşı Fabritsio Faniello ilə birlikdə Aralıq dənizi festivalında çıxış etmişdir. Klaudia 2006-cı ildə "Ma Nafx" mahnısı ilə Maltanın Kanzunetta Indipendenza festivalında qələbə qazanmışdır. Müğənni daha sonra 2006-cı ildən 2014-cü ilədək hər il Maltanın PBS telekanalının Avroviziya Mahnı Müsabiqəsi üçün təşkil etdiyi milli seçim turunda iştirak etmiş, lakin Klaudianın heç bir cəhdi ona həvəsində olduğu uğuru qazandıra bilməmişdir. Müğənni müxtəlif illərdə seçim turuna hətta iki mahnı ilə də qatılmışdır. Ən yaxşı nəticəsi 20082012-ci illərdə qazandığı 2-ci yer olmuşdur.

Üç illik fasilədən sonra Klaudia Faniello 2017-ci ildə yenidən Maltanın Avroviziya üçün milli seçim turuna qatılmışdır. Müğənni seçim turunda ifa etdiyi "Breathlessly" mahnısı ilə qalibiyyət əldə edərək, həmin mahnı ilə ölkəsini Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır[1]. Klaudia 11 may tarixində baş tutan müsabiqənin ikinci yarımfinal mərhələsində 4-cü səhnə almışdır. Nəticədə isə o yarımfinalda 55 xalla 16-cı yeri tutaraq, finala adlaya bilməmişdir.

Klaudia Faniellonun Maltanın Avroviziya üçün Milli seçim turundakı iştirakı
İl Mahnı Yer
2006 "High Alert" 12-ci
2007 "L-Imħabba Għamja" 7-ci
2008 "Caravaggio" 2-ci
2008 "Sunrise" 3-cü
2009 "Midas Touch" -
2009 "Blue Sonata" 4-cü
2010 "Samsara" 8-ci
2011 "Movie in my Mind" 9-cu
2012 "Pure" 2-ci
2013 "When it's Time" 7-ci
2017 "Breathlessly" 1-ci

İstinadlarRedaktə

  1. "Breathless Claudia Faniello heads for Eurovision". Times of Malta. İstifadə tarixi: 18 fevral 2017.
Əvvəlki:
İra Losko
"Walk on Water"
Malta Avroviziya Mahnı Müsabiqəsində
 

2017
Sonrakı:
Kristabel
"Taboo"

Xarici keçidlərRedaktə