Koçno daşı (ing. Cochno Stone) — Şotlandiyada Koçno ferması (Vest Danbartonşir dairəsi) yaxınlığında tapılmış müəmmalı daş plitə.[1]

Koçno daşının üzərindəki təsvirlər

Daş 1887-ci ildə şotlandiyalı arxeoloq Ceyms Harvi Klaydbank şəhəri yaxınlığındakı fermada tapılmışdır, ölçüləri 9x18 metrdir.

Qısa müddət sonra bu daş bütün dünyanın bir çox alimlərinin marağına səbəb oldu. Çünki daşın üzərində məzmunu məlum olmayan petroqliflər çizilmişdi. Tədqiqatçılar hələ də dairə, xətt və spiral formasında olan sirli simvolları oxuya bilməyiblər. Amma daş plitənin 5 min il əvvələ aid olduğu üzə çıxıb.

Zaman keçdikcə Koçno daşı təkcə alimlərin yox, həm də çoxsaylı turistlərin marağına səbəb oldu. Amma turistlərin marağı daşın məhv olması ilə nəticələnə biləcəyi üçün 1965-ci ildə yerli idarəetmə orqanları daşı torpağa basdırdılar və gələcək nəsillər üçün saxladılar. Ehtimal edilirdi ki, petroqliflər gələcəkdə oxuna bilər.

2015-ci ildə müasir tədqiqat layihəsi çərçivəsində Koçno daşının kiçik bir hissəsinin üzəri Qlazqo Universitetinin tədqiqatçıları tərəfindən 3 günlük açıldı.[2] 2016-cı ildə isə daha geniş tədqiqat layihəsi üçün daşın üzəri tamamilə açıldı və alimlər daş plitənin 3D-surətini çıxardılar.[3]

İstinadlar redaktə

  1. "Koçno daşının sirri: Ulduz xəritəsi, yoxsa? - FOTO". Oxu.az (az.). 2019-07-28 tarixində arxivləşdirilib. İstifadə tarixi: 28 iyul 2019.
  2. Historic Cochno Stone uncovered by archaeologists Arxivləşdirilib 2021-12-04 at the Wayback Machine — Clydebank Post
  3. REVEALING THE COCHNO STONE, 2016 Arxivləşdirilib 2021-12-18 at the Wayback Machine — Factum Foundation