Kombinasiyalı məntiq
Bu məqalə qaralama halındadır. |
Kombinasiyalı məntiq — Kombinasiyalı məntiqi dövrələrin dizaynı problemlərin ifadəsi ilə başlayıb, məntiqi dövrənin layihələndirilməsi ilə başa çatır. Kombinasiyalı məntiqi dövrələrin dizaynına aid məntiqi addımlar aşağıdakı kimi xülasə edilə bilər:
- Problem müəyyənləşdirilir.
- Giriş dəyişkənlərinin və tələb olunan çıxış dəyişkənlərinin sayı müəyyən edilir.
- Giriş və çıxış kimi istifadə olunan dəyişkənlər adlandırılır.
- Giriş və çıxış dəyişkənləri arasındakı əlaqəni müəyyən edən bir həqiqət cədvəli qurulur.
- Hər bir çıxış üçün müvafiq Boolean funksiyasını yazılır.
- Əldə edilən Boole funksiyaları sadələşdirilir.
- Məntiqi dövrə tərtib edilir.
Dizayn və layihələndimə prosesinin məntiqi addımları içərisində ən çox diqqət edilməsi lazım olan addım sözlərlə çərçivəsini çəkdiyimiz əməliyyatların həqiqilik cədvəli halına gətirilməsidir. Çünki bu mərhələdə ediləcək bir səhv, daha sonrakı bütün addımlarda səhv əməliyyat edilməsi nəticəsini yaradır. Həqiqilik cədvəlindən əldə edilən çıxış funksiyasını sadələşdirmək üçün, sadələşdirmə üsullarından uyğun olan üsuldan istifadə edilə bilər. Sadələşdirilmiş funksiyanın aşağıdakı xüsusiyyətləri daşınması tələb olunur:
- Ən az sayda məntiq elementlərini ehtiva etməsi.
- Hər qapının (yəni məntiq elementinin) ən az sayda girişə sahib olması.
- Dövrənin minimum geçikmə zamanına sahib olması.
- Dövrədə minimum sayda birlməşmənin olması.
Buradakı bütün meyarların eyni anda təmin edilməsi mümkün olmaya bilər. Bu vəziyyətdə, meyarlar arasından hazırlanan dövrənin axtarılan xüsusiyyətlərə görə seçim aparılır.