Konor Makqreqor
Konor Entoni Makqreqor (irl. Conchúr Antóin Mac Gréagóir;[2] d. 14 iyul, 1988) — İrlandiyalı Qarışıq döyüş növləri döyüşçüsü və boksçu. Keçmiş Qəfəs döyüşləri yarım-yüngül və yüngül çəki çempionu.
| Konor Makqreqor | |
|---|---|
| Conor Anthony McGregor | |
 Makqreqor, 2017-ci il | |
| Şəxsi məlumatlar | |
| Tam adı | Konor Antoni Makqreqor |
| Doğum adı | Conor Anthony McGregor[1] |
| Ləqəbi | Notorious |
| Vətəndaşlığı |
 İrlandiya |
| Milliyəti | İrland |
| Doğum tarixi | |
| Doğum yeri | Kramlin, Dublin, İrlandiya |
| Boyu | 175 m |
| Çəkisi | 70.1 kq |
| İdman növü | Boks MMA |
| Karyera illəri | 2008 – İndiyə qədər |
| Məşqçisi | Con Kavana: Baş məşqçi Ouen Roddi: Boks Serqey Pikulskiy: Güləş Con Konnor: S&C Corc Lokxart: Qidalanma |
| Ağırlıq dərəcəsi | Tükçəki/Yarım-yüngül(Featherweightt), Yüngülçəki(Lighweight), Yarım-orta(Welterweight) |
| Bacarıqları | Əsasən boks ama ciu citsu üzrədə qara kəmər sahibi |
| Komandası | SBG Ireland |
| Rəsmi saytı | |
 Vikianbarda əlaqəli mediafayllar | |
2013-cü ildə qəfəs döyüşlərinin təşkilatçılığı altında yarım-yüngül və yüngül çəkidə çempionu olarkən UFC ilə razılaşır. 2015-ci ilin dekabr ayında yarım-yüngül çəki çempionu Xose Aldonu 53saniyədə nokaut edərək UFC yarım-yüngül çəki çempionu olur. Bu qalibiyyətlə o, UFC döyüş tarixində ən sürətli nokaut olaraq tarixə keçir. 2016-cı ilin noyabr ayında yüngül çəki çempionu olan Eddi Alvarezi məğlub edir və UFC tarixində eyni anda 2 fərqli çəkidə çempion olan ilk döyüşçü olaraq bir ilkə imza atır.
2017-ci ildə professional boks karyerasının ilk döyüşündə Floyd Meyvezer ilə qarşı-qarşıya gəlir və döyüşü məğlub olaraq bitirir. Bu döyüşdən Makqreqor, yayım hüquqlarından 4,3 milyon əldə edərək Şimali Amerikada ikinci ən yüksək satış rəqəminə çatır.
Makqreqor, adını qarışıq döyüş sənətləri tarixinin ən populyar isimləri sırsasında ən başa yazdırır. Yayım hüquqlarından ən çox gəlir əldə edilən 6 qarışıq döyüş sənətləri tədbirlərinin 5-i Makqreqorun əsas döyüşlərdə yer aldığı tədbirlərdir.
UFC versiyası üzrə dünyanın ən populyar və güclü idmançılarından hesab edilən irlandiyalı Konor Makqreqor isə 24 döyüşün 21-də qalib gəlib. O, ilk dəfə 2015-ci ildə UFC çempionu adını qazanıb.
Gərgin şəraitində keçən qarşılaşma 30 yaşlı qaydasız döyüşçü rusiyalı Həbib Nurməhəmmədovun qələbəsi ilə başa çatıb. Həbib beşinci raundda hakimlərin yekdil qərarı ilə Konor Makqreqor üzərində qələbə qazanıb.
Bu, Nurməhəmmədovun karyerası ərzində qazandığı iyirmi yeddi döyüşdə 27-ci qələbəsidir. Həbib 2017-ci ildə amerikalı döyüşçü El Yakvintanı məğlub edərək yüngül çəkidə çempion adı qazanmışdı.
Nurməhəmmədovun bu döyüşdən əldə etdiyi qonorarı 2 milyon dollar təşkil edib.
Qonorarların məbləğinə ödənişli teleyayımdan gələn faiz daxil deyil.
Rusiyalı idmançının agenti Əli Abdel-Əziz avqustda bəyan etmişdi ki, Nurməhəmmədov Makqrerorla döyüşə görə 10 milyon dollardan çox pul alacaq.
Döyüşün sonunda Nurməhəmmədovla Makqreqorun məşqçiləri arasında dava düşdüyündən, oktaqondan kənarda ara qarışıb. Hətta Makqreqoru da oktaqona daxil olub vuran olub.
Nəticədə hər iki idmançı zaldan çıxarılıb və kəmər Nurməhəmmədova təqdim edilməyib. Bununla belə, məhz Həbib Nurməhəmmədov qalib elan olunub.
Həbib Nurməhəmmədov 20 sentyabr 1988-ci ildə Dağıstanın Sumandin rayonunun Sildi kəndində anadan olub. Milliyyətcə avardır.
Həyatı
redaktəKonor Makqreqor, 14 iyul 1988-ci ildə Dublinin Kramlin bölgəsində Toni və Marqaret Makqreqorun oğlu olaraq anadan olub. Kramlində böyüyən Makqreqor, ibtidai və orta təhsilini bu şəhərdə alır. Kiçik yaşlarından idmana marağı olan Makqreqor, idmana ilk addımlarını Luders Seltik Futbol klubunda futbol oynayaraq atdı. 12 yaşında Makqreqor, Krumlin Boks Klubunda boksla tanış olur və həyatına bu idmanla davam etməyə başlayır.
2006-cı ildə Makqreqor ailəsi ilə birlikdə Dublin şəhərinin Lukan bölgəsinə köçür. Lukan'da olarkən gələcək UFC döyüşçüsü Tom Eqanla tanış olur və qısa müddətdə birlikdə qarışıq döyüş sənətləri (MMA) məşqlərinə başlayırlar.
Həvəskar qarışıq döyüş sənətləri karyerası
redaktə2007-ci il fevralın 17-də 18 yaşlı Makqreqor, ilk həvəskar qarışıq döyüş sənətləri döyüşünə çıxır. Kiran Kempbell ilə döyüşən Makqreqor, döyüşü texniki nokautla ilk raundda qazanır. Bu döyüşdən sonra professional karyeraya keçir və Irish Cage of Truth təşkilatı ilə müqavilə imzalayır. 2008-ci ildə Makqreqor, Con Kavananın rəhbərliyi ilə Dublindəki Straight Blast Gym-da məşqlərə başlayır.
Peşəkar qarışıq döyüş sənətləri karyerası
redaktəErkən karyera (2008-2013)
redaktə2008-ci il martın 9-da professional qarışıq döyüş sənətləri karyerasının ilk döyüşündə yüngül çəkidə Qeri Morris ilə qarşılaşır. Döyüşü 2-ci raundda texniki nokautla qazanır. İkinci döyüşündə Mo Teyloru məğlub edən Makqreqor, üçüncü döyüş üçün çəkisini azaldaraq yarım-yüngül çəkisinə enir. Yarım-yüngül çəkidə ilk döyüşündə Artemiy Sitenkov ilə qarşılaşan Makqreqor ilk məğlubiyyətini alır. İlk məğlubiyyətindən sonra yarım-yüngül çəkidə növbə ilə Stiven Beylini və Konnor Dillonu məğlub edir. Altıncı döyüşündə yüngül çəkiyə geri dönən Makqreqor, Cozef Daffi ilə qarşı-qarşıya gəlir və ikinci məğlubiyyətini alır. 2011 və 2012-ci ildə 8 oyunluq qalibiyyət seriyası ilə Makqreqor, Cage Warriors təşkilatçılığı altında həm yarım-yüngül, həm də yüngül çəki çempionluğu yaşayır. 2013-cü ilin fevral ayında UFC prezidenti Dana Vaytın Dublin səfərində Makqreqor haqqında eşitdikləri, Makqreqorun UFC ilə müqavilə imzalamasına səbəb olur.
Ultimate Fighting Championship (2013-cari)
redaktə2013
redaktəUFC'də debütü
redaktə2013-cü ilin fevral ayında UFC ilə müqavilə bağlayan Makqreqor, dostu Tom İqandan sonra UFC'də döyüşən ikinci İrlandiyalı oldu. 2013-cü il aprelin 6-da UFC'də ilk döyüşündə Markus Brimajı birinci raundda texniki nokautla məğlub edir. Makqreqorun 17 Avqust 2013-cü ildə 26-cı UFC döyüş gecəsində Andy Ogle ilə qarşılaşacağı gözlənilsə də, Oql zədələndiyi üçün Maks Xolloueylə qarşı-qarşıya gəlir. Üç raundun sonunda rəqibini xal hesabı ilə məğlub edir (30–27, 30–27, and 30–26). Döyüş əsnasında ön çapraz bağları yırtılaraq zədələnir. Bu zədə onu 10 ay müddətində qəfəs döyüşlərindən uzaq tutur.
2014
redaktəZədə sonrası dönüş
redaktəZədə sonrası geri dönüş görüşü öz şəhəri Dublində 19 iyul 2014-cu ildə 46-cı UFC döyüş gecəsi Koul Millerlə gözlənilsə də, Miller məşq sırasında baş barmağının zədələndiyini iddia edərək döyüşdən çəkilir və Makqreqorun yeni rəqibi Dieqo Brandao olur. Makqreqor 9500 tamaşaçı önündə Dieqo Brandao ilə qarşılaşır. Birinci raundun 4:05-ci dəqiqəsində baş hakim Leon Robertsin döyüşü dayandırması ilə Makqreqor texniki nokautla mübarizədən qalib ayrılır. Qalibiyyət Makqreqora ilk dəfə "gecənin performansı" mükafatını qazandırır. Bu qalibiyyətin ardından UFC-nin ortaqlarından olan Lorenzo Fertitta ilə yeni müqavilə imzalayan Makqreqor növbəti dəfə 27 sentyabr 2014-cü ildə UFC 178-də Dastin Puare ilə qarşılaşır. Mübarizədə birinci raundun 1:46-cı dəqiqəsində Makqreqor rəqibini nokaut edərək erkən zəfər əldə etməyi bacarır. Bu döyüşdə Puare ilk dəfə nokautla məğlub olmaqla yanaşı, Makqreqor ikinci dəfə "gecənin performansı" mükafatını qazanır.
2015
redaktəÇempionluq addımları
redaktəMakqreqor 18 yanvar 2015-ci ildə 59-cu UFC döyüş gecəsində Dennis Siver ilə qarşılaşır. Mübarizənin ikinci raundunda Siveri texniki nokautla məğlub edir və üçüncü dəfə "gecənin performansı" mükafatını qazanır.
Müvəqqəti yarım-yüngül çəki çempionluğu
redaktə
30 yanvar 2015-ci ildə Makqreqorun, yarım-yüngül çəki çempionu Braziliyalı Xose Aldo ilə gürüşəcəyi açıqlanır. Qarşılaşma 11 iyul 2015-ci ildə, UFC-nin ənənəvi beynəlxalq döyüş həftəsində baş tutacaqdı. Döyüş Nevada ştatının Las Veqasdakı MGM Grand Garden Arenada baş tutacaqdı. UFC bu döyüşün tanıtımı üçün böyük büdcə ayırmışdı. Makqreqor Aldo ilə birlikdə 12 günlük dünya turuna başladılar. Bu müddət ərzində Aldo'nun vətəni Braziliya (Rio de Janeiro) və Makqreqorun doğma şəhəri Dublin də daxil olmaqla beş ölkədəki 8 şəhər ziyarət edilir. Tur martın 20-də Rio de Janeyroda başlamış və 31 martda Dublində başa çatmışdır. Lakin 23 iyun tarixində Aldonun qabırğa sınığı olduğu və bunun nəticəsində döyüşdən çıxdığı bildirilir. Aldonun yerini Çad Mendes alır. Müvəqqəti yarım-yüngül çəki çempionluğu titulu uğrunda gedən döyüşdə Mendesi ikinci raundda texniki nokautla məğlub edən Makqreqor, müvəqqəti titulun sahibi olur.
Döyüşdən sonra UFC'nin The Ultimate Fighter adlı reality şou proqramında Uriya Faber komandasına məşqçilik edir. Faber komandasının üzvü Rayan Xoll yarışda qalib gəlir.
Yarım-yüngül çəki çempionluğu
redaktəAvqustun 10-da tədbirin 12 dekabrda baş tutacağı və Makqreqorun yarım-yüngül çəki çempionluğu üçün Aldo ilə qarşılaşacağı bildirildi. Tərəzidə həm Makqreqor, həm də Aldo 65 kiloqram çəki həddinə çatdığı təsdiqlənir. Makqreqor Aldonu nokaut edərək mübarizəni birinci raundun 13-cü saniyəsində bitirir UFC yarım-yüngül çəki çempionu olur. Bu qalibiyyətlə o, UFC döyüş tarixində ən sürətli nokaut olaraq tarixə keçir və "gecənin performansı" mükafatını qazanır.
2016
redaktəİlk UFC məğlubiyyəti
redaktəAldo üzərində sensasiyalı qələbədən sonra, UFC-nin ilk ikiqat çempionu olmaq istəyən Makqreqorun növbəti rəqibi Rafael dos Anos olur. Titul döyüşü martın 5-nə təyin olunsa da, fevralın 23-də təlim düşərgə əsnasında ayağını sındıran Dos Anosun döyüşdən çəkildiyi elan edilir. Fərqli çəki siniflərindən olan döyüşçülərə, az zaman qalmasına baxmayaraq Makqreqorla qarşılaşmaq üçün təkliflər edildi. Lakin bu döyüşə hazırlaşmaq üçün zamanın az olduğunu bildirən Xose Aldo təklifi rədd edir. Keçmiş yüngül çəki çempionu və yarım-yüngül çəkidə döyüşən Frenki Edqar isə qasıq nahiyəsində yaranan zəbə səbəbindən təklifi rədd edir. Bunun əvəzinə isə UFC 196-dan 13 gün əvvəl The Ultimate Fighter şousunun 5-ci sezonunun qalibi və keçmiş yüngül çəki çempionu Neyt Diaz Dos Anosu əvəzinə döyüşə çıxmaq istədiyini bildirir. Makqreqor Diazın bu qədər qısa müddətdə çəkisini 70 kq çəki həddinə endirə bilməyəcəyini və 77 kq çəki həddi olan yarım-orta çəkidə onunla döyüşmək istədiyini bildirir. 24 fevral 2016-cı ildə yeni döyüşün ictimaiyyətə bildirilməsi üçün mətbuat konfransı keçirilir. Hər iki döyüşçünün bir-birini təhqir etməsindən sonra Makqreqor Diaza yad cisimlər ataraq onu daha da qəzəbləndirir. UFC 196-da Makqreqor yayım hüquqlarından şəxsi rekordu olan 1,2 milyonu üstələyərək 1,3 milyon əldə edərək rekordunu yeniləyir. Döyüşə yaxşı başlasa da sonrakı dəqiqələrdə vəziyyətində problem olan Makqreqor, döyüşün ikinci raundunda Diazın boğucu fəndinə təslim olaraq məğlub olur. Hər iki döyüşçü "gecənin mübarizəsi" mükafatını qazanır. Makqreqor isə bu döyüşdən 1 milyon dollar alaraq şirkət tarixinin bir döyüşdə ən çox qazanc əldə edən döyüşçüsünə çevrilir.
Neyt Diazla revanş döyüşü
redaktəDiazla revanş döyüşü 9 iyul 2016-cı il tarixində UFC 200-ə təyin olunur. Lakin döyüş, Makqreqorun matçın təbliği ilə bağlı media öhdəlikləri mövzusunda UFC ilə fikir ayrılığına görə UFC 200 kartından çıxarılır. Növbəti ay yenidən UFC 202-də revanş döyüşü təyin olunur. Makqreqor xal hesabı ilə qazanır (48–47, 47–47 və 48–47). Baş tutan döyüş növbəti dəfə "gecənin mübarizəsi" mükafatına layiq görülür. Döyüş 1,65 milyon dollarlıq yayım hüquqlarından gəlir əldə etməklə UFC-nin ən çox satış edən tədbiri olur.
2-ci çempionluq
redaktəSentyabrın 27-də Makqreqorun növbəti döyüşünün noyabr 12-i UFC 205-də keçiriləcəyi rəsmi olaraq elan edilir. Rəqibinin isə UFC yüngül çempionu Eddi Alvares olacağı bildirilir. Qarışıq döyüş sənətinin Nyu York əyalətində yenidən qanuni olmasından sonra, ilk UFC tədbiri olduğundan böyük əhəmiyyətə malik olan UFC 205, tarixi Madison Square Garden’də keçirilir. Gecənin əsas döyüşündə UFC yüngül çəki çempionluğunu qazanmaq üçün Alvaresi ikinci raundda texniki nokavtla məğlub edən Makqreqor, eyni vaxtda iki fərqli çəkidə titul qazanan ilk UFC döyüşçüsü olur.
Yarım-yüngül çəki çempionluğunun geri alınması
redaktəEyni anda 2 fərqli çəkidə çempionluq qaydalara zidd olduğu üçün Makqreqor, yarım-yüngül çəki çempionluğu titulundan imtina edir və titul yenidən Aldoya verilir. Bunun əvəzinə isə UFC 205-də Eddi Alvaresi məğlub edərək qazandığı yüngül çəki çempionluq titulunu seçir.
2017
redaktəMMA fasiləsi və boks cəhdi
redaktəUFC 205-də yüngül çəki çempionluğunu qazandıqdan sonra Makqreqor, 2017-ci ildə ilk uşağının doğumunu gözləmək üçün döyüşlərə fasilə verəcəyini və ailəsinə zaman ayıracağını UFC-ə bildirir. 2017-ci ilin əvvəllərində Floyd Meyvezer ilə bir boks matçı şayiələri yaranır. Bir neçə ay davam edən danışıqlardan sonra hər iki döyüşçü nəhayət 14 iyun 2017-ci ildə razılığa gəlirlər və qarşılaşmanın 26 avqustda baş tutacağını elan edirlər. Baş tutan gərgin qarşılaşmada Meyvezer, 10-cu raundda texniki nokavtla qalib gəlir.
İstinadlar
redaktə- ↑ http://boxing.nv.gov/uploadedFiles/boxingnvgov/content/results/2014_Results/09-27-14MMA.pdf.
- ↑ "The most surprising stories behind Conor McGregor's incredible success". IrishCentral. 13 December 2016. 27 March 2019 tarixində arxivləşdirilib. İstifadə tarixi: 3 September 2017.