Konzum
Konzum — Xorvatiyanın ən böyük pərakəndə satış şirkəti. Şirkət hər gün 650 mindən çox insanın alış-veriş etdiyi 700 supermarket şəbəkəsinə (ərzaq və məişət əşyaları) malikdir[1]. Şirkət eyni zamanda Bosniya və Herseqovinada və Serbiyada pərakəndə satış şəbəkələrinə sahibdir. Bundan əlavə şirkət 72 aptek şəbəkəsinə və KOZMO markası altında fəaliyyət göstərən 1 aptek atomatına malikdir[2]. Pərakəndə satışdan əlavə, Konzum ərzaq və məişət məhsulları istehsal edir və supermarketlərdə «K Plus» markası ilə aşağı qiymət seqmentində satır.
| Konzum | |
|---|---|
 | |
 | |
| Ümumi məlumatlar | |
| Tipi | Supermarket |
| Sənaye | pərakəndə |
| Məhsulu | Müxtəlif məhsullar |
| Təsis tarixi | 1957 |
| Baş qərargahın yeri |
 : Zaqreb |
| Struktur | |
| İşçi sayı | 12 000 |
| Ana şirkət | Agrokor |
| konzum.hr | |
 Vikianbarda əlaqəli mediafayllar | |
Quruluşu və göstəriciləri
redaktəKonzum Xorvatiyanın ən böyük özəl şirkəti Agrokorun bir törəməsidir. Konzum Zaqreb Birjasında müstəqil bir siyahıya sahibdir və əsas CROBEX Xorvat birjasına daxil olan 25 şirkətdən biridir[3]. Qərargahı Zaqrebdə yerləşir. İşçilərin ümumi sayı 12 min nəfərdir.
2011-ci ildə şirkətin maliyyə göstəriciləri belə olmuşdur: cəmi gəlir - 13,359 milyard Xorvatiya kunası (1.83 milyard avro), xərcləri - 12.913 milyard kuna (1.77 milyard avro), əməliyyat mənfəəti - 446 milyon kuna (61 milyon avro), xalis mənfəət - 345 milyon kuna (47 milyon avro)[4]. Şirkət ölkənin pərakəndə bazarının 30% -dən çoxunu tutur. Halbuki digər bazar oyunçularının hər birinin payı isə 10% -i keçmir[5].
Tarixi
redaktəİlk Konzum mağazası 1957-ci ildə Zaqrebdə açıldı (1995-ci ilə qədər mağazalar Unikonzum adlanırdı). 1994-cü ildə Konzum Aqrokor şirkətlər qrupunun törəmə şirkəti olur. 2002-ci ildə Xorvat pərakəndə Alastor şirkəti ilə anlaşmanı tamamlayır, bundan sonra milli bazarda mübahisəsiz lider olur. 2003-cü ildə şirkət səhmlərlə Zaqreb Birjasına daxil olur.
Coğrafiyası
redaktəKonzum supermarketləri Xorvatiya, Bosniya və Herseqovina və Serbiyada yerləşir. Xorvatiyada mağazalar Konzum (supermarket), Konzum Maxi və Super Konzum (hipermarket) markaları altında, Bosniya və Herseqovinada Velpro markası altında (bu markanın bir sıra mağazaları Xorvatiya və Serbiyada da var)[6], Serbiyada isə Idea[7] markası altında fəaliyyət göstərir.
İstinadlar
redaktə- ↑ "Сайт компании". 2012-12-18 tarixində arxivləşdirilib. İstifadə tarixi: 2012-12-07.
- ↑ "kozmo.hr". 2012-12-09 tarixində arxivləşdirilib. İstifadə tarixi: 2012-12-07.
- ↑ "Zaqreb fond birjasınn saytı". 2013-02-18 tarixində orijinalından arxivləşdirilib. İstifadə tarixi: 2020-05-09.
- ↑ "Godišnje izvješće 1Y., revidirano, nekonsolidirano, 2011. godina". 2012-06-02 tarixində orijinalından arxivləşdirilib. İstifadə tarixi: 2020-05-09.
- ↑ "Konzum with 30 percent of the market". 2023-07-25 tarixində arxivləşdirilib. İstifadə tarixi: 2020-05-09.
- ↑ "velpro.hr". 2020-04-10 tarixində orijinalından arxivləşdirilib. İstifadə tarixi: 2020-05-09.
- ↑ "idea.rs". 2014-07-07 tarixində orijinalından arxivləşdirilib. İstifadə tarixi: 2020-05-09.