Koreya zirinci
Koreya zirinci (lat. Berberis koreana) — bitkilər aləminin qaymaqçiçəklilər dəstəsinin zirinckimilər fəsiləsinin zirinc cinsinə aid bitki növü.
Koreya zirinci | ||||||||
---|---|---|---|---|---|---|---|---|
Elmi təsnifat | ||||||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Koreya zirinci |
||||||||
Beynəlxalq elmi adı | ||||||||
|
||||||||
|
Təbii yayılması redaktə
Koreyada geniş əraziləri əhatə edir.
Botaniki təsviri redaktə
Boyu 1,5 m olan koldur. Budaqları düz, tünd-qonur, qısa, tək iynəlidir. Cavan budaqları yaşıldır. Çətiri tikanlıdır. Yarpaqları iri, çox möhkəm, yarımdərili, yumurtaşəkilli, kənarları xırda dişli, uzunluğu 7 sm-ə qədər, bir az qırışlı, tünd-yaşıl rənglidir. Payızda qırmızı rəngdə olurlar. İyunun əvvəlində sarı rəngli çiçəklər açır. 10-25 ədəd çiçəyi möhkəm salxımlara yığılmışdır. Meyvələri oval, al-qırmızıdır (qonur çalarlı), uzun müddət budaqlarda qalır, sentyabr-oktyabrda yetişir. 5 yaşından başlayaraq hər il çiçəkləyir və meyvə verir. Toxumlarla və bəzən yaşıl qələmlərlə çoxaldır.
Ekologiyası redaktə
Quraqlığa və qışadavamlıdır. Yaxşı işıqlı yerlərdə bitməyə üstünlük verir, torpağa tələbkar deyil. Çox budanmanı yaxşı keçirir.
Azərbaycanda yayılması redaktə
Azərbaycanda park və bağlarda mədəni şəraitdə becərilir.
İstifadəsi redaktə
Çiçəkləmə və meyvəvermə dövründə çox gözəl olur. Tək əkinlərdə, qazonda, dekorativ qruplarda, canlı çəpərlər salınmasında çox effektlidir.