Lüdmila Qurçenko

Lüdmila Markovna Qurçenko (rus. Людмила Марковна Гурченко; 12 noyabr 1935, Xarkov30 mart 2011, Moskva) — əsl soyadı Qurçenkova[1] sovet-rus teatr və kino aktrisası, estrada müğənnisi. SSRİ xalq artisti (1983).[2]

Lüdmila Qurçenko
rus. Людмила Марковна Гурченко
Doğum adı Людмила Марківна Гурченко
Людмила Марковна Гурченко
Ljudmila Markovna Gurcsenko
Doğum tarixi
Doğum yeri SSRİ SSRİ, Ukrayna SSR, Xarkov
Vəfat tarixi (75 yaşında)
Vəfat yeri Rusiya Rusiya, Moskva
Vəfat səbəbi ürək-damar xəstəliyi[d]
Dəfn yeri
Vətəndaşlığı
Həyat yoldaşı
Atası Mark Qavriloviç Qurçenko
Anası Yelena Aleksandrovna Simonova-Qurçenko
Fəaliyyəti Aktrisa
Fəaliyyət illəri 1956—2011
Təhsili
Mükafatları "SSRİ xalq artisti" fəxri adı Vasilyev qardaşları adına RSFSR Dövlət mükafatı
"Qırmızı əmək bayrağı" ordeni
IMDb ID0348558
gurchenko.ru
Vikianbarın loqosu Vikianbarda əlaqəli mediafayllar

Həyatı redaktə

Lüdmila Qurçenko 1935-ci il noyabrın 12-də Ukraynanın Xarkov şəhərində anadan olub. Atası “Amerikanın köpək balığı” filminə baxandan sonra filmin qəhrəmanının şərəfinə qızının adını Lüdmila qoyub. 1943-cü ildə Lüdmila orta məktəbdə birinci sinifə gedir, eyni zamanda musiqi məktəbində təhsil almağa başlayır. 1953-cü ildə orta məktəbi bitirir, sənədlərini Moskva Dövlət Kinematoqrafiya İnstitutuna verir və tələbə adını qazanır.

İnstitutda həm yaxşı oxuduğuna, həm də yaxşı səsi olduğuna görə müəllimlərin sevimlisinə çevrilir. Üçüncü kursda F. Şillerin “Qaçaqlar”ında ilk rolunu oynayır. 1956-cı ildə Eldar RyazanovunKarnaval gecəsi”ndə oynadığı Lena Krılova rolu ona şöhrət gətirir.[3] 1958-ci ildə institutu bitirir. Həmin il rejissor Yan Fridin “Düzgünlük yolu” filminə və M. Faynsimmerin “Gitaralı qız” filminə çəkilir. Elə həmin ildə institutda təhsil alan, gələcəyin ssenarist və tarixçisi Boris Andronikaşvili ilə tanış olur. Bir müddət sonra onlar evlənirlər, 1959-cu ildə qızları Mariya dünyaya gəlir. Lakin bu nikah uzun sürmür və üç ildən sonra onlar ayrılırlar.

Ümumiyyətlə, sənətdəki uğurlarına baxmayaraq, Lüdmila Qurçenkonun şəxsi həyatı uğurlu alınmamışdı. 1962-ci ildə aktyor Aleksandr Fadayevlə, 1967-ci ildə müğənni İosif Kobzonla ailə həyatı qurur, amma hər ikisi ilə üç il yaşayır. 1973-cü ildə aktrisa “Köhnə divarlar” filmində Anna Smirnova roluna çəkilir. 1976-cı ildə bu roluna görə "Şöhrət" ordeninə layiq görülür. Bundan sonra o, “Ana”, “Səma qaranquşları”, “Küləşdən papaq”, “Mexanik Qavrilovun sevimli qadını” və s. filmlərə çəkilir. 1977-ci ildə aktrisa Konstantin Kuperveyslə ailə həyatı qurur və bu evlilik 18 il sürür. Konstantindən ayrılandan sonra aktrisa prodüser Sergey Seninlə nikah bağlayır və ömrünün axırınacan onunla birgə yaşayır. 1982-ci ildə rejissor Eldar Ryazanovunİki nəfərlik vağzal” filmində Vera Nefyodova roluna çəkilir. Film 1983-cü ildə Kann kinofestivalında nümayiş olunur, aktrisa isə SSRİ xalq artisti adına layiq görülür.

Lüdmila Qurçenko aktrisalıq istedadı ilə yanaşı, müğənni kimi də özünü sınayır, 1987-ci ildə ilk solo konsertini verir. 1998-ci ildə nəvəsinin, bir il sonra isə anasının vəfatı ilə depressiya keçirir, bir müddət sənətdən uzaq düşür. 2000-ci ildə Eldar Ryazanovun “Qoca yabılar” filmi ilə kinoya qayıdır və daha bir neçə ekran əsərinə çəkilir. Aktrisa 2011-ci ilin fevralında xəstələnir və martın 30-da ürəktutmasından vəfat edir.[4]

Filmoqrafiya redaktə

  1. Karnaval gecəsi (film, 1956)
  2. Gitaralı qız (film, 1958)
  3. İki nəfərlik vağzal (film, 1982)
  4. Alqışlar, alqışlar... (film, 1985)

İstinadlar redaktə

  1. "soyadını deyişmiş məşhurlar". İstifadə tarixi: 2023.09.04.
  2. "ГУРЧЕНКО ЛЮДМИЛА МАРКОВНА • Большая российская энциклопедия - электронная версия". old.bigenc.ru. İstifadə tarixi: 2023-09-04.
  3. Минаков, Станислав. "Людмила Гурченко: «Не называйте меня великой и прекрасной»". Русская народная линия (rus). 2020-11-27 tarixində arxivləşdirilib. İstifadə tarixi: 2023-09-04.
  4. "Qurçenkonun vəfat etməsi". lenta.ru. 2017-02-22 tarixində arxivləşdirilib. İstifadə tarixi: 2023.09.04.