Lənkəran Dövlət Universiteti

Lənkəran Dövlət Universiteti və ya qısaca LDU — Azərbaycan Respublikası Təhsil Nazirliyinin tabeliyində olan ali təhsil müəssisəsi.

Lənkəran Dövlət Universiteti LDU
Əsası qoyulub	23 iyul 1992-ci il
Tip	Dövlət
Rektor	professor Natiq İbrahimov
Tələbə sayı	6692 nəfər
Bakalavr sayı	6276
Magistrant sayı	416
Şəhər	Lənkəran
Ölkə	Azərbaycan
Ünvan	General Həzi Aslanov xiyabanı - 50
Sayt	lsu.edu.az/index_en.html

Tarixi

Lənkəran Dövlət Universiteti 1991-ci ildə Bakı Dövlət Universitetinin filialı kimi fəaliyyətə başlamış, 1992-ci ildə isə müstəqil dövlət universitetinə çevrilmişdir.

32 il ərzində universiteti 11 mindən çox məzun bitirmişdir.

Hazırda universitetdə bakalavr və magistratura üzrə 6692 nəfər tələbə, doktorantura səviyyəsi üzrə 18 nəfər təhsil alır, 400-ə yaxın professor-müəllim və inzibati heyət çalışır.

Universitetdə mütəmadi olaraq Beynəlxalq və Respublika elmi konfransları keçirilir.

Tələbə və müəllimlərimiz Respublika və Beynəlxalq bilik müsabiqələrinə, idman yarışlarına da fəal qatılır, həmçinin bir sıra sosial-siyasi və mədəni tədbirlərin təşəbbüskarı kimi çıxış edirlər.

LDU Xəzəryanı Ölkələrin Dövlət Universitetlərinin, Avrasya Universitetləri, Azərbaycan-Rusiya Ali Təhsil Müəssisələri Assosiasiyalarının, Qafqaz Universitetləri Birliyinin üzvüdür, 50-dən artıq xarici ölkələrin ali təhsil müəssisələri ilə akademik əməkdaşlıq qurmuş və ikitərəfli müqavilələr imzalamışdır.

Lənkəran Dövlət Universiteti ERASMUS+, Mevlana, HORİZON-2020 və digər beynəlxalq layihələrinin iştirak-çısıdır. Bu layihələr çərçivəsində universitetimiz bir çox xarici universitetlərlə tələbə və müəllim mübadiləsi həyata keçirmiş, “QS Rankings”ə qoşulmuş, həm xarici, həm də respublika ali təhsil müəssisələri ilə ikili diplom müqavilələri imzalamışdır.

Hazırda təhsil və tədqiqat işləri 6 fakültə və 14 kafedrada həyata keçirilir:

FAKÜLTƏLƏR

Aqrar və mühəndislik fakültəsi

Baytarlıq fakültəsi

Filologiya və ibtidai təhsil fakültəsi

İqtisadiyyat və idarəetmə fakültəsi

Tarix-coğrafiya və incəsənət fakültəsi

Təbiyyat fakültəsi

KAFEDRALAR

Aqrar elmlər

Texnologiya və texniki elmlər

Baytarlıq və zoomühəndislik

Azərbaycan dili və  ədəbiyyat

İbtidai təhsil və məktəbəqədər təlim

Xarici dillər və tərcümə

İqtisadiyyat və innovativ idarəetmə

Maliyyə idarəetməsi və audit

Coğrafiya və onun  tədrisi metodikası

Tarix və onun tədrisi metodikası

Pedaqogika, psixologiya və incəsənət

Biologiya və ekologiya

Kimya və fizika

Riyaziyyat və informatika

BAKALAVR İXTİSASLARI

1.   Azərbaycan dili və ədəbiyyatı müəllimliyi

2.   Biologiya müəllimliyi

3.   Coğrafiya müəllimliyi

4.   Fizika müəllimliyi

5.   İbtidai sinif müəllimliyi

6.   Kimya müəllimliyi

7.   Kimya və biologiya müəllimliyi

8.   Məktəbəqədər təhsil

9.   Musiqi müəllimliyi

10. Riyaziyyat müəllimliyi

11. Riyaziyyat və informatika müəllimliyi

12. Tarix müəllimliyi

13. Tarix və coğrafiya müəllimliyi

14. Təhsildə sosial-psixoloji xidmət

15. Təsviri incəsənət müəllimliyi

16. Texnologiya müəllimliyi

17. Xarici dil müəllimliyi (ingilis dili üzrə)

18. Muzey, arxiv işi və abidələrin qorunması

19. Biznesin idarə edilməsi

20. Dövlət və bələdiyyə idarəetməsi

21. İqtisadiyyat

22. Maliyyə

23. Marketinq

24. Menecment

25. Mühasibat

26. Ekologiya

27. Aqromühəndislik

28. İnformasiya təhlükəsizliyi

29. İnformasiya texnologiyaları

30. Kompüter mühəndisliyi

31. Qida mühəndisliyi

32. Aqronomluq

33. Bağçılıq və tərəvəzçilik

34. Baytarlıq təbabəti

35. Meşəçilik

36. Şərabçılıq

37. Torpaqşünaslıq və aqrokimya

38. Zoomühəndislik

39. Sosial iş

40. Turizm bələdçiliyi

41. Turizm işinin təşkili

MAGİSTR İXTİSASLARI

1.   Azərbaycan dili və ədəbiyyatının tədrisi metodikası və metodologiyası

2.   İngilis dilinin tədrisi metodikası və metodologiyası

3.   Fizika fənninin tədrisi metodikası və metodologiyası

4.   Riyaziyyatın tədrisi metodikası və metodologiyası

5.   Texnologiya fənninin tədrisi metodikası və metodologiyası

6.   Musiqi fənninin tədrisi metodikası və metodologiyası

7.   Biologiya fənninin tədrisi metodikası və metodologiyası

8.   Kimya fənninin tədrisi metodikası və metodologiyası

9.   Tarix fənninin tədrisi metodikası və metodologiyası

10. Coğrafiya fənninin tədrisi metodikası və metodologiyası

11. İnformatika fənninin tədrisi metodikası və metodologiyası

12. Təsviri incəsənət fənninin tədrisi metodikası və metodologiyası

13. İbtidai sinifdə tədrisin metodikası və metodologiyası

14. Məktəbəqədər təlim və tərbiyənin metodikası və metodologiyası

15. Pedaqogika nəzəriyyəsi və tarixi

16. Təhsildə qiymətləndirmə və monitorinq

17. Muzeyşünaslıq

18. İstehsal sferasında mühasibat uçotu və audit

19. Maliyyə menecmenti

20. İqtisadiyyatın tənzimlənməsi

21. Marketinq (sahələr üzrə)

22. Biznesin təşkili və idarə edilməsi

23. Ətraf mühitin mühafizə metodları və bərpası

24. Kompüter sistemləri və şəbəkələri

25. İnformasiya texnologiyaları və telekommunikasiya sistemləri

26. Qida təhlükəsizliyi

27. Aqrokimya

28. Meyvəçilik

29. Bitki anatomiyası və morfologiyası

30. Mamalıq, ginekologiya və süni mayalanma

31. Meşə quruluşu

32. Sosial-mədəni sahələrdə xidmətlərin təşkili

33. Otelçilik

MBA (Master of Business Administration) proqramı üzrə

34. (MBA) Biznesin təşkili və idarə edilməsi (aqrobiznes üzrə)

35. (MBA) Biznesin təşkili və idarə edilməsi (qida sahəsi üzrə)

36. (MBA) Biznesin təşkili və idarə edilməsi (sosial xidmət sahələri üzrə)

DOKTORANTURA İXTİSASLARI

1.   Daxili fiskal siyasət və dövlət maliyyəsi

2.   Vətən tarixi

3.   Sosial pedaqogika

4.   Diferensial tənliklər

5.   Fiziki coğrafiya və biocoğrafiya, torpaq coğrafiyası, landşaftların geofizikası və geokimyası

6.   Molekulyar biologiya

7.   Ümumi psixologiya

8.   Təhsilin təşkili və planlaşdırılması

9.   Təlim və tərbiyənin nəzəriyyəsi və metodikası

10. Regional coğrafiya

11. Müqayisəli tarix və müqayisəli tipoloji dilçilik

Maddi-texniki bazası

Lənkəran Dövlət Universitetinin infrastrukturuna 4 tədris binası, 10 laboratoriya, aqrar təcrübə sahəsi, istixanalar, turizm təcrübə mərkəzi, İngilis dili mərkəzi, linqofon kabineti, idman zalı, iki kiçik və bir böyük futbol meydançası, fitness zalı, konfrans zalları, elmi kitabxana (elektron), elmi kitabxananın nəzdində internet şəbəkəyə çıxışı olan 5 oxu zalı (üç oxu zalı tədris korpuslarındadır), müasir standartlara cavab verən TV, internet və s. ilə təchiz olunmuş oğlanlar və qızlar üçün ayrı-ayrı yataqxanalar, professor-müəllim heyəti üçün xidməti mənzillər, yeməkxanalar və mətbəə daxildir. Universitetin elektronlaşdırılması məqsədi ilə "Elektron Universitet" layihəsi işlənib hazırlanmış və layihə uğurla tətbiq edilməkdədir.

“Turizm və Otelçilik” və “Qida məhsulları mühəndisliyi” ixtisası üzrə mütəxəssis hazırlığının aparılması məqsədi ilə Turizm tədris-təcrübə bazası, Qida texnologiyası, Qida təhlükəsizliyi laboratoriyaları fəaliyyət göstərir. Universitetin ərazisində 3 hektar sahədə sitrus bitkiləri və kənd təsərrüfatı məhsulları becərəlir. Hər bir tədris binasının ətrafında tələbələrin asudə vaxtlarını səmərəli keçirməsi üçün yeməkxanalar, yaşıllıqlarla əhatə olunmuş parklar mövcuddur.

Tədris müəssisəmizdə Respublika və Beynəlxalq elmi konfranslar, mədəni-kütləvi tədbirlərin keçirilməsi üçün müasir tələblərə cavab verən böyük konfrans zalı vardır. Universitet auditoriyaları interaktiv lövhələr, kompüterlər, proyektorlar və digər tədris yönlü avadanlıqlarla təchiz olunmuşdur.

Tərkibi

Kolleclər

• Lənkəran Dövlət Universitetinin nəzdində Sosial və Aqrar-Texnoloji Kollec fəaliyyət göstərir.

Rektorları

• Hacıbaba Əzimov; (1992–1997)
• Mirzə Ağa Bağırov; (1997–2005)
• Asəf İskəndərov; (7 aprel 2005 – 28 mart 2016) rektor olmuşdur.
• Natiq İbrahimov; LDU-nun hazırkı rektorudur.

Beynəlxalq əlaqələri

Lənkəran Dövlət Universitetinin (LDU) Beynəlxalq Əməkdaşlıq Şöbəsində xarici universitetlərlə ikitərəfli əməkdaşlığın istiqamətləri, tələbə və professor-müəllim heyətinin mübadiləsi proqramları, beynəlxalq təhsil proqramlarında iştirakı, universitetə əcnəbi tələbələrin qəbulu, müvafiq beynəlxalq təşkilatlarla əməkdaşlığı və s. həyata keçirilir.

LDU-da xarici universitetlərlə əməkdaşlığı, tələbə və akademik heyətin mübadiləsi, birgə Yay Məktəbləri və İkili Diplom proqramlarının həyata keçirilməsi, birgə elmi konfrans və seminarların təşkilini və qarşılıqlı faydalı təcrübənin keçirilməsi nəzərə alınır.

Lənkəran Dövlət Universiteti ölkəmizdə fəaliyyət göstərən ERASMUS+, Mövlana (Türkiyə) və digər beynəlxalq təşkilatlarla layihələr həyata keçirir və onlarla əməkdaşlıq edir.

Bu layihələr çərçivəsində Ukraynanın (Xarkov Milli Radioelektronika Universiteti), Çexiyanın (Mendel Universiteti), İspaniyanın (Leon Universiteti), Polşanın ( Varmia və Mazuri Universiteti, Rzsezov Universiteti), Macarıstanın (Kaposvar Universiteti, Debrecen Universiteti), Rumıniya (Qalati Universiteti), Türkiyə (Marmara Universiteti, İstanbul universiteti, Ankara Universiteti, Ege Universiteti, Qazi Universiteti və s.) və digər ölkələrin bir sıra universitetləri ilə əlaqələr qurulmuş, akademik heyət və tələbələrin uyğun universitetlərin təlimlərində iştirakı həyata keçirilmişdir.

LDU Xəzəryanı Ölkələrin Dövlət Universitetlərinin, Avrasiya Universitetlərinin, Azərbaycan-Rusiya Ali Təhsil Müəssisələrinin və Qafqaz Universitetinin üzvüdür. Bu birliklərlə yanaşı, LDU dünyanın 100-ə yaxın universiteti və akademik institutu ilə elmi və təhsil əlaqələrini inkişaf etdirir və müvafiq ikitərəfli müqavilələr imzalanır.

Hazırda bir sıra beynəlxalq layihələrdə tərəfdaş universitet kimi fəal iştirak edilir və LDU-nun professor-müəllim və tələbələri Avropanın müxtəlif universitetlərində olmuşlar. Onlar Erasmus+KA171, Erasmus+ KA2 proqramı (Ali təhsildə potensialın gücləndirilməsi) çərçivəsində Avropa ölkələrinin universitetlərində mühazirələr oxumuş və təlimlərdə  iştirakı təmin edilmişdir.

Universitetin ISSN indeksli “Scientific News” jurnalı ildə iki dəfə riyaziyyat, təbiət elmləri və humanitar elmlər seriyasından ibarətdir.

Universitetimiz dünyanın nüfuzlu ali təhsil reytinqləri “QS World University Rankings” və “Webometrics” siyahısına qoşulub və hazırda reytinqlərin zirvəsinə yüksəlməyi hədəfləyir.

2024-cü ildən Lənkəran Dövlət Universiteti  dünyanın ən nüfuzlu reytinq təşkilatlarından olan QS stars reytinq sistemində iştirak etməyə başlamışdır.  QS Stars-də məlumatları yeniləmək və Beynəlxalq Əməkdaşlıq Şöbəsində bir neçə əsas fəaliyyətə diqqət yetirilmişdir. Xüsusilə LDU-nun Websaytında məlumatların yenilənməsi və QS Stars meyarlarına uyğunlaşdırmaq üçün LDU-nun siyasəti yenilənmişdir. 

QS World University Rankings-də (WUR) mövqeyimizi yaxşılaşdırmaq üçün Beynəlxalq Əməkdaşlıq Şöbəsində bir neçə əsas fəaliyyətə diqqət yetirilmişdir. Xüsusilə tədqiqat nəticəsi, fakültə performansı və tələbə cəlbi kimi sahələrdə WUR meyarlarına uyğunlaşdırmaq üçün LDU-nun siyasəti yenilənmişdir. Fakültənin nailiyyətləri, tədqiqata təsiri və beynəlxalq əməkdaşlıqlar haqqında dəqiq və əlçatan məlumatı təmin etmək üçün kafedraların veb-saytı yenilənmişdir. Həmçinin WUR portalına tədqiqat nəticələri, fakültə/tələbə nisbətləri, işçilərin sayı, tələbə və müxtəliflik daxil olmaqla ətraflı və sübuta əsaslanan məlumatları daxil edilmişdir. Universitetin vebsaytında fakültə nailiyyətlərini və WUR meyarlarını dəqiq vurğulamaq üçün mühüm yeniləmələr edilmişdir.  

Xarici keçidlər

• https://lsu.edu.az/new/index.php - Lənkəran Dövlət Universiteti