Lətif Ağayev

Lətif Xeyrulla oğlu Ağayev (2 aprel 1974, Züvüc, Lerik rayonu – 9 mart 1993, Məlikli, Ağdam rayonu) — Birinci Qarabağ müharibəsində şəhid olmuşdur.

Lətif Ağayev
Lətif Xeyrulla oğlu Ağayev
Şəxsi məlumatlar
Ləqəbi	Dağ Qartalı
Doğum tarixi	2 aprel 1974(1974-04-02)
Doğum yeri	Züvüc, Lerik rayonu, Azərbaycan SSR, SSRİ
Vəfat tarixi	9 mart 1993(1993-03-09) (18 yaşında)
Vəfat yeri	Məlikli, Ağdam rayonu, Azərbaycan
Vəfat səbəbi	Şəhid
Dəfn yeri	Züvüc
Vətəndaşlığı	Azərbaycan
Milliyyəti	Azərbaycanlı
Atası	Xeyrulla
Hərbi fəaliyyəti
Qoşun növü	Azərbaycan ordusu
Xidmət illəri	1992–1993
Rütbəsi	Əsgər
Döyüşlər	• Ağdam döyüşləri  • Ağdərə döyüşləri

Həyatı

Ağayev Lətif Xeyrulla oğlu 1974-cü il may ayının 2-də Lerik rayonunun Züvüç kəndində anadan olub.

Təhsili

Ağayev Lətif Xeyrulla oğlu –1981-ci ildə Lerik rayon Züvüç kənd orta məktəbinin birinci sinfinə daxil olub, 1991-ci ildə adıçəkilən orta məktəbin onuncu sinfini bitirib.

Hərbi xidməti

1992-ci ilin aprel ayında Lerik rayon Hərbi komissarlığı tərəfindən həqiqi hərbi xidmətə çağrılaraq Milli ordu sıralarına yola salınır. Xidmət dövrünün ilk üç ayını Daxili qoşunların Hacıqabul rayonunda yerləşən hissəsində çəkir, sonra isə Qarabağ cəbhəsinə göndərilir. Vətənpərvərliyi və qorxmazlığı ilə seçilən bu igid qəhrəman Ağdam və Ağdərə uğrunda gedən döyüşlərdə iştirak edir, döyüşçülər arasında öz döyüş bacarığı ilə seçilir. Əsgərlər arasında "Dağ Qartalı" adı ilə tanınan Lətif Xeyrulla oğlu Ağayev dəfələrlə döyüş əməliyyatlarında iştirak edərək düşmənə sarsıdıcı zərbələr endirir. Vətənin qəhrəman oğlu Lətif Xeyrulla oğlu Ağayev 1993-cü il mart ayının 9-da Ağdərənin Manikli kəndi uğrunda gedən döyüşlərdə qəhrəmancasına şəhid olur. Şəhidin üç rəngli bayrağa bürünmüş cənazəsi doğulduğu Züvüç kəndinə gətirilərək torpağa tapşırılır.