Latviyanın Milli Botanika Bağı

Milli botanika bağı (latış. Nacionālais botāniskais dārzs‎) — Latviyanın Salaspils şəhərində yerləşən botanika bağı. Bağ Pribaltika ərazisində ən böyük bağlardan biri hesab olunur.

Milli Botanika Bağı
latış. Nacionālais botāniskais dārzs
Sahəsi 129 ha
Yaradılma tarixi 1956
Yerləşməsi
56°51′50″ şm. e. 24°21′30″ ş. u.
Ölkə  Latviya
nbd.gov.lv
Milli Botanika Bağı xəritədə
Milli Botanika Bağı
Milli Botanika Bağı
Vikianbarın loqosu Vikianbarda əlaqəli mediafayllar

Tarixi redaktə

Bağın yaranma tarixi 1836-cı ildir. Riqalı Annoy Hertrud Verman tərəfindən dəvət edilmiş alman bağban Kristian Vilhelm Şox Riqa şəhərində bağçılıq şirkəti yaratdı. Şirkət daxilində həm də şitillik fəaliyyət göstərirdi. Ştillik şəhər kənarında, Hanibu Dambis küçəsində yerləşirdi. 1898-ci ildə ştilliyin sahəsi böyüdükdən sonra onu Salaspils şəhərinə köçürdülər. İkinci Dünya müharibəsinə kimi ştillik Baltikyanı ölkələrdə ən böyük idi[1].

1944-cü ildə Salaspilsdə Dövlət meyvə və giləmeyvə ağacları bağı yaradıldı. Burada həmçinin dekorativ bitkilər də yetişdirilirdi. 1947-ci ildə bağın adı dəyişdirilərək Bağçılıq təcrübə stansiyası adlandırıldl. Latviya alimlərinin təşəbbüsü ilə 1 sentyabr 1956-cı ildə bağda 2000 dən çox bitki növü cəmləndi. Bu bağın bazası əsasında Latviya SSR Elmlər Akademiyasının Botanika bağı yaradıldı. 1968-ci ildə bağa elmi-araşdırma institutu statusu verildi. Latviyanın müstəqilliyindən sonra bağa 1992-ci ildə Milli Botanika Bağı statusu verildi. Bağ dövlət əhəmiyyətli mədəni, elmi əhəmiyyətli obyek hesab olunur[1].

23 aprel 2015-ci ildə Latviya prezidenti Andrisa Berzinşa və ekologiya naziri Kaspar Herhardsanın iştirakı ilə botanika bağının yeni sahəsinin açılışı olmuş. Ümumi sahəsi 3300 m² olan ərazidə ekzotik bitkilər, eləcə də qiymətli otaq və istisevər bitkilər becərilir[2].

Ümumi məlumat redaktə

Botanika bağının ümumi sahəsi 129 hektardır. Bağda 14 000 növ və sort bitki qorunur. Bunlardan 5000 növü ağacdır. 1400 növ istisevər bitkidir. Elmi araşdırma mərkəzi olan bu bağ həm də şəhər əhalisinin sevimli istirahət məkanıdır[3].

İstinadlar redaktə

  1. 1,0 1,1 "Vēsture" (latış). Nacionālā botāniskā dārza. 2019-05-28 tarixində arxivləşdirilib. İstifadə tarixi: 2019-05-28.
  2. "Prezidents Andris Bērziņš: Lai labi aug viss, kas iestādīts!" (latış). Salaspils. 2015-04-24. 2019-05-28 tarixində orijinalından arxivləşdirilib. İstifadə tarixi: 2019-05-28.
  3. "Nacionālais botāniskais dārzs". Slaspils tūrisma portāls (latış). 2019-05-28 tarixində orijinalından arxivləşdirilib. İstifadə tarixi: 2019-05-28.