Leonid Kuravlyov

SSRİ və Rusiya aktyoru

Leonid Vyaçeslavoviç Kuravlyov (8 oktyabr 1936, Moskva, SSRİ30 yanvar 2022[1]) — aktyor.

Leonid Kuravlyov
Леонид Вячеславович Куравлёв
Kuravlev.jpg
Doğum tarixi 8 oktyabr 1936(1936-10-08)
Doğum yeri
Vəfat tarixi 30 yanvar 2022(2022-01-30)[1] (85 yaşında)
Vəfat səbəbi ağciyər iltihabı[2]
Dəfn yeri
Vətəndaşlığı
Fəaliyyəti Aktyor
Fəaliyyət illəri 1959-cu ildən indiyədək
Təhsili
Mükafatları "RSFSR əməkdar artisti" fəxri adı "RSFSR xalq artisti" fəxri adı
"Şərəf nişanı" ordeni
IMDb ID 0475610
Vikianbarın loqosu Vikianbarda əlaqəli mediafayllar

HəyatıRedaktə

Leonid Kuravlyov 8 oktyabr 1936-cı ildə Moskvada təyyarə zavodunun çilingəri Vyaçeslav Yakovleviç Kuravlyovun (1909–1979) ailəsində anadan olmuşdur[3]. 1941-ci ildə kiçik Leonidi anası gözəllik salonu işçisi Valentina Dmitriyevna Kuravlyova (1916–1993) ilə birlikdə[4] yanlış ittihama görə şimala, Murmansk vilayətindəki Zaşeyek qəsəbəsinə sürgün etdilər. Beləliklə, Leonidlə anası İmandra gölünün sahilində bir neçə il yaşadılar[5]. Sonradan Leonid sürgündə keçirdiyi illər həyatının "xoşbəxt illəri" adlandırmışdı.

Orta məktəbdə L.Kuravlyov dəqiq elmləri öyrənməkdə çətinlik çəkirdi. Buna görə əmisi qızı ona S. A. Gerasimov adına Dövlət Kinematoqrafiya İnstitutuna daxil olmağı məsləhət gördü, çünki burada texniki elmlər tələb olunmurdu. L.Kuravlyov ilk cəhddən olmasa da, orta məktəbi bitirdikdən iki il sonra bura daxil ola bildi. Əvvəlcə o digər tələbələrdən fərqlənmirdi, hətta dərsləri yaxşı oxuya bilmədiyi üçün oradan qovulmaq təhlükəsi də yaranmışdı. Lakin tədrisin sonuna yaxın o digər tələbələrdən parlaq yaradıcılıq bacarığı ilə seçilməyə başladı. Çoxları Kuravlyovu yalnız komediya rolları ilə əlaqələndirir, lakin onun karyerasında böyük sırf dramatik, ciddi rollar da var idi.

Aktyor cəmi bir dəfə evlənib, onun həyat yoldaşı ixtisasca müəllimə olan Nina idi. Birgə nikahdan onların üç övladı olub. Onların evliliyi təxminən 50 il, 2012-ci ildə Ninanın vəfatına qədər davam edib. Yoldaşının ölümündən qısa müddət sonra Kuravlyovun özü də filmlərdə çəkilməyi və ictimaiyyətə görünməyi dayandıraraq tənha bir həyat sürməyə başladı. 2022-ci ilin yanvarın 30-da Leonid Kuravlyov Moskvada vəfat edib.[6]

FilmoqrafiyaRedaktə

  1. İvan Vasilyeviç peşəsini dəyişir (film, 1973)
  2. Baharın on yeddi anı (film, 1973)
  3. Peterburqdan anonim adam (film, 1977)
  4. Görüş yerini dəyişmək olmaz (film, 1979)
  5. Həyat üçün təhlükəlidir! (film, 1985)
  6. Deribasovskda hava yaxşıdır və ya Brayton-Biçdə yenə yağışlar yağır (film, 1992)

İstinadlarRedaktə

  1. 1 2 https://lenta.ru/news/2022/01/30/kuravlev_rip/.
  2. Ушел из жизни выдающийся актер Леонид Куравлев.
  3. Ölülər mürgüləyən yer
  4. "KURAVLYOV Leonid Vyaçeslavoviç". 2008-01-20 tarixində orijinalından arxivləşdirilib. İstifadə tarixi: 2008-01-20.
  5. Leonid Kuravlyov İmandranın sahilində sürgündə
  6. Leonid Kuravlyov vəfat etdi

MənbəRedaktə

  • Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 222.