Leonidas Xristakis

Leonidas Xristakis — yunan əsilli rəssam, şair, yazıçı və redaktor.

Leonidas Xristakis

1928-ci ildə Saloniki şəhərində anadan olub, 29 aprel, 2009-cu ildə Afinada dünyasını dəyişib. Radikal anarxist baxışlara malik olan Xristakis bir neçə populyar jurnal təsis edib.

Bioqrafiya

Leonidas Xristakis 1928-ci ildə Saloniki şəhərində anadan olub. Əvvəlcə təhsilini "Pedaqoji Akademiyada", sonra isə "Afina İncəsənət Akademiyasında" alıb. 1941–1944-cü illərdə Yunanıstanda "Milli Müqavimət Hərəkatının" fəal iştirakçısı olub.

Solçu siyasi baxışlarına və anarxist olduğuna görə uzun müddət təzyiqlərə məruz qalıb, dəfələrlə həbs həyatı yaşayıb. 1950-ci illərdə bir neçə ədəbi-mədəni jurnallar təsis edib.

Üç dəfə ailə qurub, Nikolas Xristakis və Aleksis Xristakis adlı iki oğlu var. 29 aprel, 2009-cu ildə Afinada dünyasını dəyişib.