Levent Uysal
Levent Uysal (1968, Mersin ili) — pedaqoq, iş adamı və siyasətçi; Türkiyə Böyük Millət Məclisinin 28-ci çağırışının deputatı.[1]
| Levent Uysal | |
|---|---|
Türkiyə Böyük Millət Məclisinin 28-ci çağırışının deputatı | |
Vəzifədədir | |
| 2 iyun 2023-cü ildən | |
| Seçki dairəsi | 2023 — Mərsin |
| Şəxsi məlumatlar | |
| Doğum tarixi | 1968 |
| Doğum yeri | |
| Vətəndaşlığı |
 Türkiyə |
| Partiya | |
| Təhsili | |
Həyatı redaktə
Levent Uysal 1968-cı ildə Mərsin ilində anadan olub. İbtidai, orta və lisey təhsilini Mersində alıb. İstanbul Universitetinin İş İqtisadiyyatı İnstitutunun Turizm Bölməsindən məzun olub. İngiltərənin Aston Universitetində magistr, Azteca Universitetində isə PhD dərəcələri alıb.[1]
Birləşmiş Ştatların Harvard Universitetində “Laboratoriyadan Bazara Texnologiya” və Massaçusets Texnologiya İnstitutunda isə “Təhsil müəssisələrində İnnovasiyaların Təşəbbüsü” mövzularında təlimlər alıb.[1]
Uzun illər aparıcı texnologiya firmalarında rəhbər vəzifələrdə çalışıb. 2010-cu ildə Nişantaşı Təhsil Vəqfini təsis edib. İstanbul Nişantaşı Universitetinin qurucusu olub.[1]
2021-ci ildə Beynəlxalq GUSI Sülh ödülünü alıb. Təhsil sahəsinə qoyduğu sərmayələrə görə Milli Təhsil Nazirliyi, Səhiyyə Nazirliyi, BMT Uşaq Fondu (UNICEF), İstanbul Ticarət Palatası, Borsa İstanbul, TÜSİAD tərəfindən ödüllər alıb. Kitabları, məqalələri dərc olunub. “+1: Özünə dəyər qatmaq” və “5.0: İrəlidən başlamaq” adlı əsərlərin müəllifidir.[1]
2023-cü ildə MHP namizədi olaraq Mərsin ilindən Türkiyə Böyük Millət Məclisinin 28-ci çağırışının deputatı seçilib. TBMM Rəqəmsal Media Komissiyasının üzvü vəzifəsində təmsil olunub.[1]
Evli və 2 uşaq atasıdır.[1]
İstinadlar redaktə
- ↑ 1 2 3 4 5 6 7 TBMM. "Levent UYSAL". www.tbmm.gov.tr (türk). 10.01.2024. 2024-02-02 tarixində arxivləşdirilib. İstifadə tarixi: 10.01.2024.