Lindjo

Lindjo (tələffüz edilir [lǐːndʑɔ]) — Xorvatiyada Dubrovnik şəhərinin və bütövlükdə Dubrovnik regionunun məşhur rəqsi.

Nova Pazovada 24 dekabr, 2005-ci ildə keçirilən Lindjo tədbirindən görüntü.

Haqqında

Lindjo cənubi Dalmasiyaya aid lijeriki adlı qədimi üç simli musiqi alətinin sədaları altında oynanılır. Bu rəqs növü XVIII əsr sonlarında Şərq Aralıq Dənizindən gəlmiş və XIX əsrdə Adriatik dənizi sahillərində yayılmışdır. Hal-hazırda o Dubrovnikin sahilboyu regionunda, Konavle ərazisində, Peljeşac yarımadasında, Mljet və Lastovo adalarında, Dubrovnikin qərb sahillərində, həmçinin Hersoqovinada geniş şəkildə ifa edilir.

Lindjo rəqsi

Keçmişdə bu rəqs körük alətinin müşayiəti ilə ifa olunurdu. Rəqsin rəhbəri sol dizinə lijerikanı qoyaraq oturaqlı vəziyyətdə oynayır. Bu zaman da sağ ayağı ilə yerə vuraraq rəqs edənlər üçün ritmi tənzimləyir. Rəqqaslar rəqsin rəhbəri ətrafında dairə üzrə hərəkət edirlər. Rəqs rəhbəri həm də kimin kimlə rəqs edəcəyinə qərar verir və rəqs edənləri improvizasiyalarda yarışmağa təşviq etməklə yanaşı, rəqs fiqurlarının dəyişməsini də diktə edir.

Lindjo rəqsi ənənəsi Dubrovnikin Lindjo Folklor Ansamblı tərəfindən yaşadılır.

Həmçinin bax

• Xorvatiya
• Dubrovnik

Xarici keçidlər

https://www.lindjo.hr - Dubrovnikin Lindjo Folklor Ansamblının rəsmi veb saytı.