Lotu Hikmət

Azərbaycanlı kriminal avtoritet, qanuni oğru

Hikmət Məmmədqulu oğlu Muxtarov (rus. Хикмет Мамедгули оглы Мухтаров; 3 noyabr 1956, Sabirabad rayonu7 aprel 2006, Moskva) — Sabirabadlı Hikmət və ya Lotu Hikmət ləqəbli azərbaycanlı kriminal avtoritet, qanuni oğru. Bir vaxtlar ən nüfuzlu kriminal avtoritetlərdən biri.

Lotu Hikmət
Hikmət Məmmədqulu oğlu Muxtarov
Lotu Hikmət.jpg
Doğum tarixi
Doğum yeri Kürkəndi, Sabirabad rayonu, Azərbaycan SSR, SSRİ
Vəfat tarixi (49 yaşında)
Vəfat yeri Moskva, Mərkəz Federal Dairəsi, Rusiya Federasiyası
Vəfat səbəbi Atışma nəticəsində qətlə yetirilib.
Vətəndaşlığı
Uşaqları 1 oğlu və 1 qızı
Atası Məmmədqulu Muxtarov
Milliyyəti azərbaycanlı
Təhsili ADİU
Fəaliyyəti qanuni oğru
Fəaliyyət illəri 1974-2006

HəyatıRedaktə

Lotu Hikmət 1956-cı il noyabrın 3-də Sabirabad rayonunun Kürkəndi kəndində anadan olub. 1974-cü ildə Xalq Təsərrüfatı İnstitutunda təhsil alarkən Bakı şəhər Prokurorluğunun müstəntiqinin oğlu ilə dalaşıb və ilk məhkumluğunu yaşayıb. Üç il azadlıqdan məhrum edilib. Cəzasını Bakıda 5 saylı İslah Əmək Koloniyasında və Xələc düşərgəsində çəkib.

1981-ci ildə yenidən həbs olunub. Sabirabadda bir nəfəri camaatı incitdiyinə görə cəzalandırdığı üçün 7 il azadlıqdan məhrum edilib. Rostov düşərgəsində Mixail "Kotovski", Kolya "Lebed"lə tanış olub və ən qatı "otritsalovka"lardan birinə çevrilib. Üç nəfər oğru ponyatkalı dustaq zonu "qara"ya çeviriblər. Bununla barışmayan düşərgə rəhbərliyi onu dörd dəfə ardıcıl olaraq on beş sutkalıq karserlə cəzalandırıb.

Dördüncü cəzalanma müddətində aclıq aksiyasına başlayıb və düşərgədəki bütün dustaqların ona qoşulması işinin üstünə 3 il əlavə olunması ilə nəticələnib.

"Böyük qardaş" ləqəbi ilə Novoçerkassk qapalı həbsxanasına göndərilib. Sankt-Peterburq "Kresti" kiçmanında və Vorkuta həbsxanalarında cəza çəkib.

1997-ci ildə Bakıda həbs olunub və iki gün sonra azadlığa buraxılıb.

2001-ci ildə cibindən narkotik vasitə heroin "tapılıb" və 8 il azadlıqdan məhrum edilib.

Bir il üç aydan sonra əməlində cinayət tərkibi tapılmadığından həbsdən azad edilib. SSRİ-də sayılıb-seçilən klassik "Vor"lardan biri olub.

Lotu Bəxtiyar, "Yetim" Hüseyn, "Donbalan" Tofiq, "Malış" Söhbət, "Padişah" Tahir, Viktor Yulyeviç Nikiforov "Kalina", Otari Kvantrşvili-Paşa, "Sirul", Slavik, "Ded" Olim və sair qanuni oğrularla dostluq edib. "XX əsrin ən məşhur oğruları" kitabında 169-cu sırada (əlifbaya uyğun) yer alıb.

Lotu Hikmət 2006-cı il aprel ayının 7-də Moskvadakı Leninqrad prospektinə qətlə yetirilib. Qatillər o ofisdən çıxıb binanın yanında duran Mercedes-500 markalı maşının minmək istərkən ona avtomat və tapançadan atəş açıblar. 11 apreldə onun meyiti təyyarə ilə Azərbaycana göndərilib. Bakıdan meyiti Sabirabad rayonunun doğma Kürkəndi kəndinə gətirilib və buradakı qəbiristanlıqda dəfn edilib. Onunla vidalaşmağa 1,5 — 2 min adam gəlib[1].

Lotu Hikmətin bir oğlu və bir qızı qalıb. Dostlarının dediyinə görə Lotu Hikmət tez-tez bu sözləri təkrar edirmiş: "Hərənin öz həyatı var. Mənim də bəxtimə belə bir tale düşüb. Bilirəm ki, bu yolun axırı yoxdur, amma mənim geriyə də yolum qalmayıb".

İstinadlarRedaktə

  1. РАФАЭЛЬ Ъ-МУСТАФАЕВ. "Полиция простилась с авторитетом по понятиям". Газета "Коммерсантъ". 12.04.2006. 2013-02-05 tarixində arxivləşdirilib. İstifadə tarixi: 2015-08-16.

MənbəRedaktə

Xarici keçidlərRedaktə