Loytaş kanyonu

Loytaş (alm. Leutaschklamm‎) ― Almaniyanın Bavariya vilayəti və Avstriyanın Tirol torpağının sərhəddi boyunca axan Loytaşer-Açe çayı üzərində kanyon. Ümumi uzunluğu 1 650 metr olan Loytaş şərqi Alp dağlarındakı ən uzun kanyondur.

Loytaş kanyonu
Ümumi məlumatlar
Sahəsi	50.000 m²
Yerləşməsi
47°25′41″ şm. e. 11°14′47″ ş. u.
ölkə	Almaniya Federativ Respublikası  Avstriya
Loytaş kanyonu
Vikianbarda əlaqəli mediafayllar

Kanyon olduqca dik divarlara sahibdir və 2006-cı ilə qədər turistlərə açılmamışdır. Kanyonun turizm üçün uyğun hala gətirilməsi üçün Aİ-nın da dəstəklədiyi, 1,4 milyon avro dəyərində Avstriya-Alman layihəsi həyata keçirilmiş və ərazidə 970 metr məsafədə polad keçidlər və körpülər inşa edilmişdir. Loştaş 24 may 2006-cı ildə turizm üçün açılmışdır.

Marketinq

Kanyon Koboldpfad ("Kobold yolu") ilə birlikdə Geisterklamm ("Ruh kanyonu") adlandırılan ailəvi istirahət mərkəzinə aiddir. Ərazidə mif, geologiya, flora və faunaya dair məlumatların olduğu 40 lövhə var. Piyada keçidləri mümkün olduğu yerlərdə üfüqi vəziyyətdədir və dırmaşma avadanlığı olmadan keçilə biləcək şəkildə tikilmişdir. Keçidin möhkəm dizaynı ilə kanyonun üstündən keçən piyada keçidində kanyonun divarları arasındakı hündürlük fərqinin 50 metrdən çox olmasından qaynaqlanan hər hansı bir narahatlığn qarşısı alınmışdır.

Bundan əlavə ərazidə kanyondakı kiçik bir şəlaləyə qısa yol var.

Loytaş kanyonu güclü qar yağması halları istisna olmaqla bütün il boyu açıqdır. Kayondan keçmək pulsuzdur, lakin şəlaləyə gedən yolun məsrəfi var.

Qəzalar

7 iyul 2007-ci ildə gəzinti zamanı birdən bir neçə yüz kiloqramdan ağır qaya parçası polad keçid üzərinə çırpıldı və qismən ziyan vurdu. Xəsarət alan olmadı, amma kanyon təmir işləri üçün iki həftə bağlandı.

Ederkanzel

Loytaş dərəsinin yuxarısındakı dağ silsiləsində yerləşən Ederkanzel restoranı (1 184 m) coğrafi və siyasi maraq doğurur. Belə ki, restoranın yemək otağı və tualetlər Almaniyada olsa da, restoranın terası Avstriya torpağındadır. Binanın xarici divarındakı terasın qapısında iki ölkə arasındakı sərhədi işarələyən rəsmi sərhəd daşı mövcuddur. Terasta təqdim olunan içkilər və yeməklər Almaniya vergi qanunlarına uyğun olaraq, Qarmiş-Partenkirhen və İnsburk üçün məsul olan iki maliyyə şöbəsi arasındakı razılaşma ilə satılır.

Qalereya

• 
  Loytaş kanyonu 1900-cu illərdə
• 
  Loytaş kanyonu 1900-cu illərdə
• 
  Loytaş kanyonu üzərindən köpünün fotosu
• 
• 
• 
• 
  Kanyonun sonundakı şəlalə