Vikipediya

Lui Adamik

Lui Adamik(23 mart 1898[1] – 4 sentyabr 1951[2][3] və ya 1951[4]) — Sloven əsilli amerikalı yazıçı və tərcüməçi.

Lui Adamik
Doğum tarixi 23 mart 1898(1898-03-23)[1]
Vəfat tarixi 4 sentyabr 1951(1951-09-04)[2][3] (53 yaşında) və ya 1951[4]
Fəaliyyəti yazıçı, jurnalist, romançı, tərcüməçi
Vikianbarın loqosu Vikianbarda əlaqəli mediafayllar

Bioqrafiyası

redaktə

Adamik müasir Sloveniya ərazisində, Qrosuple şəhərində anadan olub.[5] Kəndli ailəsinin böyük oğlu olduğu üçün şəhər məktəbində düzgün təhsil almayıb. 1909-cu ildə Lyublyanada tam orta məktəbə daxil olub. [6] Təhsilinin üçüncü ilində gizli bir cəmiyyətə qoşulmuşdu.Bu cəmiyyət Avstriya-Macarıstanın Cənubi Slavyan bölgələrində geniş yayılmış Yuqoslaviya millətçi hərəkatı ilə bağlı yaradılmış bir cəmiyyət idi. 1913-cü ilin noyabrında Adamik nümayişdə iştirak etdi, həbs olundu və məktəbdən qovuldu.Bununla da onun imperiyanın hər hansı ali təhsil müəssisəsinə daxil olması da qadağan edilmişdi. Yazıçı, Lyublyana Cizvit Məktəbinə təyin olundu, lakin o, heç vaxt bu məktəbə gedə bilmədi.[7][8] Adamik 31 dekabr 1913-cü ildə 14 yaşında olarkən ABŞ-a mühacirət etdi. O, əvvəlcə Kaliforniyanın San Pedro şəhəri yaxınlığındakı Xorvatiya kommunasında məskunlaşdı. Daha sonra 1918-ci ildə vətəndaşlıq aldı. Əvvəlcə fəhləlik etməyə başladı, sonra Nyu-Yorkda çıxan Sloveniyanın “Millətin səsi” qəzetinə işə daxil oldu. Birinci Dünya Müharibəsində Qərb Cəbhəsində Amerika Ordusunun tərkibində döyüşdü. Müharibədən sonra isə jurnalist kimi çalışmağa və yazmağa başladı.[9] Adamikin əsərlərinin mövzusu Sloveniyadakı kəndli həyatından, eləcə də onun ABŞ-da fəhlə həyatı ilə bağlı təəssüratlarından qaynaqlanır. Yazıçı 1934-cü ildə nəşr olunan "Doğmaların qayıdışı" əsəri ilə Amerikada tanınmağa başladı. Qısa zamanda bestsellerə çevrilən və Yuqoslaviya kralı I Aleksandrın rejiminə ünvanlanmış bu kitabı yazıçıya böyük şöhrət qazandırdı. 1932-ci ildə o, nüfuzlu bir qrant aldı. İkinci Dünya Müharibəsi illərində yazıçı Yuqoslaviya azadlıq hərəkatını dəstəkləmişdi. 1949-cu ildən Sloveniya Elmlər və İncəsənət Akademiyasının müxbir üzvü idi. 1940-cı illərdən başlayaraq Adamik jurnal redaktoru vəzifəsində çalışıb.[10]


Ölümü

redaktə

Getdikcə pisləşən səhhətindən yorulan Adamik 4 sentyabr 1951-ci ildə Milfordda, Nyu Cersidəki evində özünü güllələdi. Onun ölümü Yuqoslaviya tarixində siyasi gərgin bir dövrdə baş vermişdi.[11] Ona görə də mətbuatda onun ölümünün Balkan ekstremistləri tərəfindən təşkil oluna biləcəyi ilə bağlı fərziyyələr irəli sürüldü, lakin bu şayiələrin təsdiqi dərc olunmadı.[12]

Biblioqrafiyası

redaktə
  • Dynamite: The Story of Class Violence in America (1931)
  • Laughing in the Jungle: The Autobiography of an Immigrant in America (1932)
  • The Native’s Return: An American Immigrant Visits Yugoslavia and Discovers His Old Country (1934)
  • Grandsons: A Story of American Lives (1935)
  • Cradle of Life: The Story of One Man’s Beginnings (1936)
  • The House in Antigua (1937)
  • My America (1938)
  • Two-Way Passage (1941)
  • My Native Land (1943)
  • Dinner at the White House (1946)
  • The Eagle and the Root (1950)

İstinadlar

redaktə
  1. ↑ 1 2 Slovenska biografija (sloven.). Znanstvenoraziskovalni center Slovenske akademije znanosti in umetnosti. ISSN 2350-5370
  2. ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
  3. ↑ 1 2 Louis Adamič (Adamic) // Proleksis enciklopedija, Opća i nacionalna enciklopedija (xorv.). 2009.
  4. ↑ 1 2 Adamic, Louis // Çex Milli Hakimiyyət Məlumat bazası.
  5. ↑ Taufbuch. Žalna. 1846–1900. səh. 219. November 26, 2022 tarixində arxivləşdirilib. İstifadə tarixi: November 26, 2022.
  6. ↑ Granatir Alexander, June. "Adamic, Louis". American National Biography. Oxford University Press. 2000. doi:10.1093/anb/9780198606697.article.1600006. İstifadə tarixi: August 22, 2022.
  7. ↑ Nutall, Dorothy. "The Librarian's Corner". The Pittsburgh Press. Pittsburgh, PA. August 16, 1936. səh. 32. October 26, 2021 tarixində arxivləşdirilib. İstifadə tarixi: October 26, 2021 – Newspapers.com vasitəsilə.
  8. ↑ Funk, C. E. (1936) What's the Name, Please? Arxivləşdirilib 2024-05-10 at the Wayback Machine: A guide to the correct pronunciation of current prominent names, Funk & Wagnalls Company, Digitized February 12, 2010
  9. ↑ "Unknown". Slavistična revija. Slavistično društvo v Ljubljani, Inštitut za slovenski jezik, Inštitut za literaturo, 1982. 30: 352. 1982.
  10. ↑ Adamič, France. Spomini in pričevanja o življenju in delu Louisa Adamiča [Memories and Testimonies about the Life and Work of Louis Adamic] (Slovenian). Ljubljana: Prešernova družba [Prešeren's Society]. 1983. səh. 19.
  11. ↑ Times, Meyer Berger Special To the New York. "Adamic Dies of Shot, Home Aflame; Suicide Verdict Studied in Jersey; LOUIS ADAMIC DIES, APPARENT SUICIDE". The New York Times (ingilis). 1951-09-05. ISSN 0362-4331. 2023-01-25 tarixində arxivləşdirilib. İstifadə tarixi: 2023-01-25.
  12. ↑ TIMES, Special to THE NEW YORK. "ADAMIC CALLED SUICIDE; Prosecutor Says Inquiries Back 'Tentative Conclusion'". The New York Times (ingilis). 1951-09-27. ISSN 0362-4331. 2023-01-25 tarixində arxivləşdirilib. İstifadə tarixi: 2023-01-25.
Mənbə — "https://az.wikipedia.org/w/index.php?title=Lui_Adamik&oldid=7624781"