Lyubotin dağı
Lyubotin dağı — Şar-Planin silsiləsinin ən hündür zirvəsi. Zirvə Makedoniya ilə qismən tanınmış Kosovo Respublikası arasında yerləşir. Lyubotin dağının maksimal hündürlüyü 2498 metrdir.
| Lyubotin dağı | |
|---|---|
| serb. Љуботен, mak. Љуботен, alb. Luboten | |
 | |
| Ümumi məlumatlar | |
| Mütləq hündürlüyü | 2498 m |
| Yerləşməsi | |
| 42°12,24′ şm. e. 21°7,10′ ş. u.HGYO | |
| Ölkə |
 Şimali Makedoniya |
|
|
|
 Vikianbarda əlaqəli mediafayllar | |
Zirvə piramida formasına malikdir. Bu əsrarəngiz görünüşü baxımından Şar-Planin silsiləsində seçilir. Şar-Planin silsiləsinin şərqində yerləşir və onun ən hündür nöqtəsidir. Eyni silsiləyə daxil olan zirvələrdən təcrid olunmuş formadadır. Belə ki, digər zirvələrdən kifayət qədər aralıdadır. Zirvə yerləşdiyi ərazinin dominant lanşaftı rolunu oynayır[1]. Zirvə uzaq məsafələrdən aydın şəkildə görünür. Məsələn:Skopye və Priştinadan.
Qismən tanınmış Kosovo Respublikası ərazisində zirvənin əhəmiyyətli hissəsi yerləşir: şimal, şimal-qərb və cənub-şərq ətəkləri. Makedoniya ərazisində zirvənin cənub ətəkləri yerləşir. Zirvənin şimal ətəklərinə yaxın Lepenas, cənub ətəklətinə yaxın isə Vardar çayının yatağı qərarlaşır. Şərq və cənub-şərq ətəkləri sıx meşələrlə örtülüdür. Meşə zonasından yuxarıda alp cəmənlikləri yerləşir. Bu çəmənliklər otlaq sahəsi kimi istifadə edilir. Zirvənin qərb ətəklərində Livadişi gölü qərarlaşır.
Dağ mezazoy erasına aid suxurlardan təşkil olunmuşdur[2]. Burada əsasən əhəng daşı üstünlük təşkil edir. Çoxlu sayda əhəng daşı və digər daşlıq sahələrə sahibdir. Bölgəyə xas bitkilər yayılmışdır. Burada ən çox rast gəlinən bitki Sideritis scardica adlanır. Əhəng daşı suxurlarının yayıldığı ərazilərdə nadir bənövşə növü olan Viola grisebachiana[3] yayılmışdır.
Lyubotin dağı avropalı alpinistlər üçün ən sevimli ərazilərdən biri hesab edilir[4]. Zirvənin Makedoniya hissəsində «Lyubotin» düşərgəsi yerləşir. Buraya Vratnisa kəndindən 2 saatlıq yol vardır. Düşərgə maydan noyabra qədər açıqdır.
Bir fərziyəyə görə Makedoniya Respublikasının gerbində təsvir edilən dağ məhs Lyubotindir[5]. Zirvənin şərəfinə Tetovo şəhərinin bir futbol klubu adlandırılmışdır. Zirvə Makedoniyanın şimalında, Kosovonun isə cənubunda yerləşir.
İstinadlar
redaktə- ↑ "DISA VEÇORI TË MALEVE TË SHARRIT". 2017-05-22 tarixində arxivləşdirilib. İstifadə tarixi: 2018-03-21.
- ↑ "Kosova: Monumentet dhe bukuritë". 2017-04-28 tarixində arxivləşdirilib. İstifadə tarixi: 2018-03-21.
- ↑ Village Stare Selo — Ljuboten peak — Mountain HUT Ljuboten Arxivləşdirilib 2018-03-16 at the Wayback Machine // balkanhikingadventure.com
- ↑ "LJUBOTEN MOUNTAIN IN THE ŠAR MOUNTAIN RANGE". 2017-05-20 tarixində orijinalından arxivləşdirilib. İstifadə tarixi: 2018-03-21.
- ↑ World Around Us — the Encyclopaedia for Children and Youth, XI edition, Školska knjiga, Zagreb, 1987, vol. II (A-M), page 242