Mübariz Göyüşlü

Mübariz Müstəqim oğlu Göyüşlü (23 yanvar 1981, Daş Salahlı, Qazax rayonu) — Müasir İnkişaf İctimai Birliyinin sədri, Yeni Media Qrupunun təsisçisi və baş redaktoru[1]Türk Eli jurnalının baş redaktoru.[2] AMEA Mərkəzi Elmi Kitabxanasının Beynəlxalq Əlaqələr Şöbəsinin müdiri, Bakı Dövlət Universitetinin müəllimi, siyasi şərhçi.

Mübariz Göyüşlü
Göyüşlü Mübariz Müstəqim oğlu
Doğum tarixi (43 yaş)
Doğum yeri Daş Salahlı, Qazax, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti azərbaycanlı
Dini islam
İxtisası jurnalistika
Təhsili Bakı Dövlət Universiteti
Fəaliyyəti ictimai
Tanınır Jurnalist, ictimai xadim, siyasi şərhçi

Türk-İslam ideoloji prinsipini müdafiə edir. 2001-ci ildən 2005-ci ilə kimi müxtəlif gənclər təşkilatlarinda çalışaraq həmin prinsipləri təbliğ edib. Bu ideoloji prinsipləri daha geniş təbliğ etmək üçün 2005-ci il 5 iyunda “Müasir İnkişaf” İctimai Birliyinin əsasını qoyub və daha geniş aiditoriyanı əhatə etməyə, həyata keçirilən tədbirlərin səmərəliliyini artırmağa çalışır.[3]

Həyatı redaktə

Mübariz Göyüşlü 1981-ci il yanvarın 23-də Qazax rayonunun Daş Salahlı kəndində anadan olub. Bakı şəhəri, Xətai rayonundakı 269 saylı orta məktəbdə 1987-1997-ci illərdə orta təhsil; Bakı Dövlət Universitetinin Jurnalistika fakültəsində 1998-2003-cü illərdə bakalavr (qiyabi), 2005-2008-ci illərdə mətbuat tarixi və ideoloji iş metodları istiqaməti üzrə magistraturada (qiyabi) ali təhsil alıb. 2014-2015-ci illərdə Bakı Dövlət Universitetinin nəzdində fəaliyyət göstərən tələbələrin akademik məsləhətçisi kursunu müvəffəqiyyətlə bitirib[4].

2016-cı ildən Bakı Dövlət Universitetinin Jurnalistika fakültəsinin Beynəlxalq jurnalistika kafedrasında siyasi elmlər üzrə fəlsəfə doktoru alimlik dərəcəsi almaq üçün (“Azərbaycan-Türkiyə strateji müttəfiqliyinin informasiya təminatı (iki ölkənin 2005-2015-ci illər media materialları əsasında”) elmi iş üzərində çalışır. İxtisasca jurnalistdir.

1999-2000-ci illərdə Beyləqan rayonundakı “N” saylı hərbi hissədə həqiqi hərbi xidmət keçib[4].

Ailəsi redaktə

Ailəlidir, bir qızı var.

Fəaliyyəti redaktə

2014-2015-ci illərdə Bakı Dövlət Universitetinin nəzdində fəaliyyət göstərən Tyutor (tələbələrin akademik məsləhətçisi) kursunu müvəffəqiyyətlə bitirmişdir. 2016-cı ildən Bakı Dövlət Universitetinin Jurnalistika fakültəsinin Beynəlxalq jurnalistika kafedrasında siyasi elmlər üzrə fəlsəfə doktoru alimlik dərəcəsi almaq üçün (“Azərbaycan-Türkiyə strateji müttəfiqliyinin informasiya təminatı iki ölkənin mediasında 2005-2015-ci illər” mövzusunda) elmi iş üzərində çalışır. İxtisasca jurnalistdir.

1998-2001-ci illərdə “Olaylar” və “525-ci qəzet”də, 2001-2008-ci illərdə “Şərq” qəzetində müxbir, parlament müxbiri vəzifəsində çalışıb. 2006-cı ildən 2008-ci ilə qədər “Dialoq – XXI əsr”, 2008-ci ildən “Türk Eli” adıyla çap olunan jurnal təsis etmiş və hazırda bu jurnalın baş redaktorudur.


1 fevral 2014-cü ildən fəaliyyət göstərən və dörd dildə yayımlanan yenimedia.org saytının (1 fevral 2014 - 8 dekabr 2021-ci illərdə sayt dialoq.info olaraq fəaliyyət göstərib) təsisçisi və baş redaktorudur. 2017-ci ilin 22 iyulundan rusdilli oxucular üçün, 2018-ci ilin 1 fevralından ingilisdilli oxucular üçün, 2019-cu ilin 1 sentyabrından türkdilli oxucular üçün bölmələri fəaliyyət göstərir. Redaktor və jurnalist kimi fəaliyyət göstərdiyi 1998-2011-ci illərdə Mübariz Aşırlı, 2011-ci ildən isə Mübariz Göyüşlü imzası ilə publisistik və elmi məqalələri çap olunmaqdadır. 1 fevral 2018-ci ildən Yeni Media TV-nin (2020-ci ilə qədər kanal Dialoq TV adlanıb) həmtəsisçisidir.[4]

2005-ci ildən “Müasir İnkişaf” İctimai Birliyinin təsisçisi və İdarə Heyətinin sədridir. 2008-2010-cu illərdə Azərbaycan Milli Elmlər Akademiyasının İnsan Hüquqları İnstitutunda elmi işçi vəzifəsində çalışıb.

2016-2019-cu illərdə AMEA Mərkəzi Elmi Kitabxananın Beynəlxalq və ictimaiyyətlə əlaqələr şöbəsinin müdiri, 2020-ci ildən Beynəlxalq əlaqələr şöbəsinin müdiri vəzifəsində çalışır.

Beynəlxalq fəaliyyəti redaktə

2005-ci ilin oktyabr ayında Gürcüstanda (Azərbaycan Respublikası Diasporla İş üzrə Dövlət Komitəsinin təşkilatçılığı ilə orada yaşayan soydaşlarımızla bağlı problemlərin araşdırılması və ictimailəşdiriməsi üçün), 2010-cu ilin iyul-avqust aylarında Gürcüstanda (soydaşlarımızın yaratdıqları təşkilatlarla əlaqələr qurmaq üçün), 2019-cu ildə Gürcüstanda (“Azərbaycan-Gürcüstan münasibətlərinin inkişafında ictimai təşkilatların rolu” mövzusunda beynəlxalq konfransın təşkilatçısı olaraq)[4].

2009-cu ilin noyabrayında Türkiyənin İstanbul və Ankara şəhərlərində (yerli təşkilatlarla əməkdaşlıq və tanışlıq məqsədilə), 2010-cu ilin noyabrında Türkiyənin İstanbul və Ankara şəhərlərində (Ortaq Türk Əlifbası ilə bağlı kampaniyaya dəstək məqsədilə), 2011-ci ilin aprel ayında Türkiyədə (İzmirdə keçirilən Türkiyədə yaşayan Azərbaycan Türklərinin I Qurultayının nümayəndəsi kimi iştirak üçün), 2011-ci ilin may ayında Türkiyənin Ankara şəhərində (Otaq Türk Əlifbası və Ortaq Türk Ədəbi Dili kampaniyasına dəstək məqsədilə), 2011-ci ilin 3-4 oktyabrında Türkiyənin Ankara şəhərində (“Türk Dünyası Günü” tədbirində iştirak, çıxış və Türk Dünyasına Xidmət mükafatı ilə mükafatlandırılma mərasimi üçün), 2014-cü ilin 15-18 martında Türkiyənin İstanbul, Eskişəhər, Bursa şəhərlərində (“Eskişəhər-2013” Türk Dünyasının Mədəniyyət Paytaxtı çərçivəsində keçirilən tədbirlərə qatılmaq üçün), 11-14 may 2014-cü il tarixdə Türkiyənin Eskişəhər, Kocaeli şəhərlərində (Türk Dünyası QHT-lərinin Zirvə toplantısında iştirak, “Siyasi, mədəni, ictimai münasibətlərdə QHT-lərin rolu” mövzusunda çıxış, Mükafatlandırma mərasiminə qatılma, Türkiyə televiziya və saytlarına müsahibə vermək üçün)[4].

2015-ci ilin avqust ayında Türkiyənin İstanbul və Ankara şəhərlərində (BDU-nun Jurnalistika fakültəsinin nümayəndə heyətinin tərkibində), 3-5 mart 2016-cı ildə Türkiyənin Ankara şəhərində (Beynəlxalq “İpək Yolu və Türk Dünyası” konfransında iştirak üçün); 2007-ci ilin may ayında Rusiyada (Nijni-Novıqorod şəhərindəki Azərbaycan diasporasına dəstək məqsədilə), 2013-cü ilin 27 iyun-1 iyulunda Rusiyanın Moskva şəhərində (“Cənubi Qafqazda konfliktlər və onların həlli yolları” mövzusunda beynəlxalq konfransda iştirak və çıxış etmək üçün), 23-30 yanvar 2015-ci il tarixdə Rusiyanın Moskva, Rostov-Velikiy, Yaroslavl, Kastroma, Suzdal, Vladimr, Sankt-Peterburq şəhərlərində (“Rusiya Azərbaycan şagirdlərinin və tələbələrinin gözüylə” müsabiqəsinin qaliblərinin səfərini təşkil etmək üçün); 2017-ci ilin noyabr ayında Belarusun Minsk şəhərində (Belarus Milli Kitabxanası ilə əməkdaşlığın genişləndirilməsi üçün) səfərlərdə olub[4].

Jurnalist fəaliyyəti redaktə

2004-cü ildə Bakı şəhərində YAP Gənclər Birliyi və Bakı şəhər Gənclər və İdman Baş İdarəsi tərəfindən Fəxri Diplomla; 2005-ci ildə Gənclər Təşkilatları Milli Şurası tərəfindən Diplomla; “Əkinçi” Cəmiyyəti tərəfindən Həsən bəy Zərdabi adına Fəxri Diplom və Medalla; “Bakcell” şirkəti tərəfindən Fəxri Diplomla[4];

İctimaiyyətlə əlaqələr sahəsindəki fəaliyyəti redaktə

2018-ci ildə IFAC - Ümumdünya Avtomatik İdarəetmə Sistemləri təşkilatı tərəfindən Sertifikatla; 2018-ci ildə İslam Əməkdaşlıq Təşkilatı Gənclər Forumu tərəfindən Mükafatla; 2018-ci ildə Azərbaycan Milli Elmlər Akademiyası tərəfindən Təşəkkürnamə, AMEA Mərkəzi Elmi Kitabxanası tərəfindən Təşəkkürnamə ilə mükafatlandırılıb[4].

İstinadlar redaktə

  1. Təsisçi və baş redaktor Mübariz Müstəqim oğlu Göyüşlü[ölü keçid]
  2. "Mübariz Aşırlı". 2016-03-15 tarixində orijinalından arxivləşdirilib. İstifadə tarixi: 2011-01-11.
  3. "Mübariz Aşırlı - "Azəri" və "Türkdilli" ifadələrinin yanlışlığı haqqında". 2016-03-17 tarixində orijinalından arxivləşdirilib. İstifadə tarixi: 2011-01-11.
  4. 1 2 3 4 5 6 7 8 "Mübariz Göyüşlünün tərcümeyi-halı" (az.). yenimedia.org. 2021-07-16 tarixində arxivləşdirilib. İstifadə tarixi: 16 iyul 2021.