Mürəkkəb sözlər
Bu məqaləni vikiləşdirmək lazımdır. |
Mürəkkəb sözlər və mürəkkəb ifadələr iki qardaş və mürəkkəb quruluşlu və ya daha çox sözü birləşdirərək dildə yeni bir mənanı ifadə etmək üçün əmələ gətirilən sözlərə deyilir (Kontaminasiya).[1] Bu ifadələri məsələn, qızılgül, kitabxana, quldurbaşı, novruzgülü və s. təşkil edən sözlər səs düşməsi, səs törəməsi, söz növünün dəyişməsi və ya məna dəyişikliyi baxımından aralarına şəkilçi girməyəcək qədər formalaşırlar.
Qeyri-müəyyən ismi söz birləşmələrindən, sifət birləşmələrindən, mürəkkəb feillərdən, reduplikasiyalardan, stereotipli flektiv feillərdən ibarət ifadələr yeni mənalar ifadə etdiyi zaman mürəkkəb sözlərə çevrilirlər.[2][3][4]
Söz yaradıcılığının mühüm vasitələrindən biri də bir neçə sözün birləşərək yeni mənalı mürəkkəb sözlər əmələ gətirməsidir.[5] Mürəkkəb sözlər aşağıdakı müxtəlif yollarla əmələ gəlir:
1) İki müxtəlif mənalı sözün birləşməsi ilə. Məsələn: günəbaxan, dəvəquşu, yeraltı, əmioğlu, meşəbəyi, bağayarpağı, istiot və s.
İki müxtəlif mənalı sözün birləşməsindən əmələ gələn mürəkkəb sözlər bitişik yazılır, lakin mürəkkəb saylar və mürəkkəb feillər ayrı yazılır. Məsələn, on iki, yüz iyirmi dörd, kömək etmək, şad olmaq, niyyət eləmək, namaz qılmaq, dua etmək və s.
-Təbii ki, ayrı yazılan mürəkkəb sözlər 2 yerə ayrılır:
-1.Müstəqil olanlar Məsələn:Mən müəllim oldum
-2.Müstəqil olmayanlar Məsələn:Dua etmək
Burda müstəqil olanlar indiki zamanı və həmçinin mövcud olan hadisəni
Müstəqil olmayanlar isə hadisə hansı zamana aid olduğu bilinmir və tək bir suala cavab verir.
2) Yaxın mənalı sözlərin birləşməsi ilə. Məsələn: dəftər-kitab, taxta-şalban, söz-söhbət, toyuq-cücə, qoyun-quzu və s.
Bəzi mürəkkəb sözlərin tərəflərindən biri ayrılıqda işlənməyən sözlərdən əmələ gəlir. Məsələn, kağız-kuğuz, çör-çöp, bəzək-düzək, əzik-üzük, qab-qacaq və s.
3) Antonim sözlərin birləşməsi ilə. Məsələn: böyük- kiçik, az-çox, tez-gec, isti-soyuq, gecə-gündüz və s.
4) Eyni sözün təkrarı ilə. Məsələn: tez-tez, az-az, gündən-günə, başdan-başa, üz-üzə, birdən-birə və s.
5) Qeyri sözünün köməyi ilə. Məsələn: qeyri-adi, qeyri-təbii, qeyri-müəyyən, qeyri-səmimi, qeyri-dəqiq və s.
Yaxınmənalı sözlərdən, antonim sözlərdən, eyni sözün təkrarından və qeyri sözünün köməyi ilə yaranan mürəkkəb sözlər defislə yazılır.
Mürəkkəb sözləri söz birləşmələri ilə qarışdırmaq olmaz. Söz birləşmələri leksik vahid yox, sintaktik vahiddir və onun tərkibindəki hər sözün öz vurğusu olur. Söz birləşmələrinə daxil olan sözlər ayrı yazılır.[6][7]
İstinadlar
redaktə- ↑ Portmanteau // Merriam-Webster Online Dictionary. 18 March 2024.
- ↑ Garner's Modern American Usage, p. 644.
- ↑ Portmanteau // Merriam-Webster Offline Dictionary. 9 may 2008 tarixində arxivləşdirilib. İstifadə tarixi: 21 iyun 2008.
- ↑ Portmanteau // The American Heritage Dictionary of the English Language (4th). 2000. 26 noyabr 2007 tarixində orijinalından arxivləşdirilib. İstifadə tarixi: 21 iyun 2008.
- ↑ Portmanteau word // Encyclopædia Britannica. 2013-12-15 tarixində arxivləşdirilib. İstifadə tarixi: 2024-12-10.
- ↑ Valerie Adams, An Introduction to Modern English Word-Formation, Harlow, Essex: Longman, 1973; ISBN 0-582-55042-4, p. 142.
- ↑ Fandrych, Ingrid. "Submorphemic elements in the formation of acronyms, blends and clippings". Lexis (2). 10 November 2008. doi:10.4000/lexis.713.