Məhəbbət Kazımov

Məhəbbət Kazımov
Məhəbbət Kazımov
Ümumi məlumatlar
Doğum adı	Möhübbət
Doğum tarixi	2 iyul 1953
Doğum yeri	SSRİ; Azərbaycan SSR Laçın, Çorman
Vəfat tarixi	27 yanvar 2014 (60 yaşında)
Vəfat yeri	Azərbaycan
Dəfn yeri	Abşeron rayonu;
Milliyyəti	Azərbaycanlı
Musiqiçi məlumatları
Fəaliyyəti	Müğənni
Fəaliyyət illəri	1976 - 2014
Janrlar	muğam, estrada[d]
Mükafatları
	Vikianbarda əlaqəli mediafayllar

Məhəbbət Kazımov (d. 2 iyul 1953, Çorman, Laçın rayonu, Azərbaycan SSR, SSRİ – ö. 27 yanvar 2014, Bakı, Azərbaycan) — Azərbaycan müğənnisi, Azərbaycan Respublikasının Əməkdar artisti (2012).

Həyatı

Əsl adı Möhübbət Allahverdi oğlu Kazımov^[1] 1953-cü il iyul ayının 2-də Laçın rayonunun Çorman kəndində anadan olmuşdur. Ailədə səkkiz bacı, dörd qardaş olublar. Atası Allahverdi kənd təsərrüffatı ilə məşğul olub. Anası Südabə isə evdar xanım olmuşdur. Məhəbbət Kazımov ilk təhsilini Şamkənd kənd orta məktəbində alıbdır. Kiçik yaşlarından istedadına görə digər bacı-qardaşlarından seçilmişdir. Musiqi təhsili alması üçün qohum-əqrabanın təkidi ilə 1974-cü ildə Bakı şəhərinə getmişdir. Asəf Zeynallı adına musiqi texnikumuna qəbul olunmuşdur. İlk muğam dərslərini Nəriman Əliyevdən almış, sonradan Ağaxan Abdullayevin sinifində oxumuşdur.

1976-cı ildən peşəkar səhnədə çıxış edirdi. "Dan Ulduzu" ansamblının solisti olmuşdur. Azərbaycanın bir çox konsert salonlarında öz tamaşaçılarına solo konsertlər vermişdir. Bir çox xarici ölkələrdə, Türkiyədə, Rusiyada, İranda, Çexoslovakiyada və başqa ölkələrdə qastrol səfərlərində olubdur. Məhəbbət Kazımov əsasən Azərbaycan milli musiqisi janrında, bir çox tanınmış mahnı və muğamlar oxuyubdur. Ən çox sevilən mahnılarından biri də "Laçınım" mahnısıdır. 14 sentyabr 2012-ci ildə Azərbaycan Respublikasının "Əməkdar artist" fəxri adına layiq görülmüşdü.

1990-cı ildə ailə həyatı qurub, üç övlad atası idi.^[2]

Siyavuş Əmirli, Məhəbbət Kazımov, Arif Məmmədli, Rəşad Abasov

27 yanvar 2014-cü ildə uzun sürən xəstəlikdən sonra vəfat edib^[3]. O, yanvarın 28-də Xırdalan qəbiristanlığında dəfn olunmuşdur.

Məhəbbət Kazımov vəfat edənə qədər "Laçın" instirumental ansambılının rəhbəri olmuşdur.

Mənbə

Tapdıq Əlibəyli, "Yanğını sevdim yandığım zaman", "Nisgil odu" (kitab), Bakı, 2005. səh. 102-104.
"Məhəbbət Kazımovun müsahibəsi", "Laçın yurdu" jurnalı, № 1 (1), 2011, Bakı, “Elm və təhsil”, 2011.
Şamil Süleymanov, "Ruhu nigaran qalmasın Məhəbbətimizin, Biz mütləq Laçına qayıdacağıq", "Laçın yurdu" jurnalı, № 1 (12), Bakı, "Bəxtiyar-4" nəşriyyatı, 2014. səh. 21-23.
Qəni Qəmli, "Laçınla yaşadın, Laçınsız qaldın", "Laçın yurdu" jurnalı, № 1 (12), Bakı, "Bəxtiyar-4" nəşriyyatı, 2014. səh. 75-77.
Aqşin Hacızadə, "Laçına tac olan bir tacım gedir", "Laçın yurdu" jurnalı, № 1 (12), Bakı, "Bəxtiyar-4" nəşriyyatı, 2014. səh. 91-93.
Tapdıq Əlibəyli, "Laçınım səs çəkir...", "Sözün dan yeri" ( kitab) Bakı, 2014, səh. 130-135.

İstinadlar

↑ "Prezident Teymur Əmraha ad verdi". 2012-09-17 tarixində orijinalından arxivləşdirilib. İstifadə tarixi: 2012-10-02.
↑ Həmidqızı S. “Laçın yadıma düşəndə ağlayıram Arxivləşdirilib 2016-03-05 at the Wayback Machine”
↑ "Məhəbbət Kazımov vəfat edib" (azərb.). Lent.az. 27 yanvar 2014. 2014-01-30 tarixində orijinalından arxivləşdirilib. İstifadə tarixi: 27 yanvar 2014.

Xarici keçidlər

Laçın müharibəsi bitdi, amma “Laçınım” davası: “Bu, abırsızlığın son həddidir”

[1] "Prezident Teymur Əmraha ad verdi". 2012-09-17 tarixində orijinalından arxivləşdirilib. İstifadə tarixi: 2012-10-02.

[2] Həmidqızı S. “Laçın yadıma düşəndə ağlayıram Arxivləşdirilib 2016-03-05 at the Wayback Machine”

[3] "Məhəbbət Kazımov vəfat edib" (azərb.). Lent.az. 27 yanvar 2014. 2014-01-30 tarixində orijinalından arxivləşdirilib. İstifadə tarixi: 27 yanvar 2014.

[1]

[2]

[3]