Məhəmməd Cavad Bəlaği

Məhəmməd Cavad Bəlaği (Tam adı: Əllamə Məhəmməd Cavad Bəlaği Nəcəfi) (ərəb. محمد جواد البلاغي النجفي‎; 1865, İraq – 1933, Nəcəf) — ilahiyyatçı, təfsirçi, hüquqşünas, üsulist, şair və yazıçı, İraqlı şiə din xadimidir.

Məhəmməd Cavad Bəlaği
Məhəmməd Cavad Bəlaği
Doğum tarixi	1865
Doğum yeri	İraq
Vəfat tarixi	1933
Vəfat yeri	Nəcəf, Nəcəf mühafəzəsi, İraq
Dəfn yeri	İmam Əli türbəsi
Atası	Şeyx Həsən Bəlaği
Elm sahəsi	islam
Tanınır	Əllamə Bəlaği

Doğumu

1865-ci ildə Nəcəfin Baraq məhəlləsində anadan olmuşdur. Atası Şeyx Həsən Bəlaği alim idi. Bəlaği nəsli öz elmi və biliyi ilə məşhur olan ailələrdəndir və onun əcdadları hamısı elm və ədəbiyyat adamları olmuşlar. O cümlədən məşhur "Tənqihul-məqal" kitabının müəllifi də bu nəsildəndir.

Təhsili

Nəcəf seminariyasında müqəddimat elmləri üzrə təhsil almışdır. 24 yaşında Kazimeyn şəhərinə getmiş və 6 ilə qədər orada qalmışdır. Bu müddət ərzində müxtəlif dinlərin, məzhəblərin və məktəblərin ardıcılları ilə ünsiyyətdə olduğu üçün onların düşüncələri ilə yaxından tanış olmuşdur. Bir neçə il sonra Nəcəf qəzasına qayıtdı. Onun Nəcəfdə qalması 14 il davam etdi. Sonra Samirraya getdi və Mirzə Şirazinin dərslərində iştirak etdi. O, on il Samirrada qaldı və bu müddət ərzində bu şəhərdə araşdırma apardı və bəzi əsərlərini yazdı. Bu şəhər ingilis qüvvələri tərəfindən işğal olunana qədər bu şəhərdə qaldı. Buna görə də o, yenidən Kazimeyn şəhərinə köçdü. İki ildən sonra Nəcəf şəhərinə qayıtdı və ömrünün sonunadək elmi işlərini bu şəhərdə davam etdi.