Məhəmmədhəsən bəy Atamalıbəyov
Atamalıbəyov Məhəmmədhəsən Qəzənfər oğlu (1890-1943) — aktyor, pedaqoq.
| Məhəmmədhəsən bəy Atamalıbəyov | |
|---|---|
| Atamalıbəyov Məhəmmədhəsən Qəzənfər oğlu | |
| Doğum tarixi | |
| Vəfat tarixi | |
| Fəaliyyəti | aktyor |
Həyatı redaktə
Məhəmmədhəsən Atamalıbəyov 1913-cü ildə Xarkov universitetinin tarix-filologiya fakültəsini bitirmişdir. İnqilabdan əvvəl və sonra maarif sahəsində fəaliyyətini davam etdirmişdir. Xalqın maariflənməsini məktəblə bərabər, həm də teatrda görən M.Atamalıbəyov müxtəlif təhsil ocaqlarında tədris işləri ilə məşğul olsa da, ömrünün axırına kimi səhnədən ayrılmamışdır.
Şamaxı, Cəlilabad, Göyçay və Bakıda xalq maarifi və türk teatrlarının inkişafı sahəsində fəaliyyət göstərmişdir. Şamaxıda yerli ziyalıların iştirakı ilə Üzeyir Hacıbəyovun "O olmasın, bu olsun" və "Arşın mal alan" tamaşalarını səhnəyə qoymuşdur. 1921-ci ildən ADT-nın aktyoru olmuş, Üzeyir bəy Hacıbəyovun "Arşın mal alan" və "O olmasın, bu olsun" musiqili komediyalarında Əsgər, Süleyman və İntelligent Həsən rollarında çıxış etmişdir[1].
İstinadlar redaktə
- ↑ "Atamalıbəyov Məhəmmədhəsən Qəzənfər oğlu". 2023-08-03 tarixində arxivləşdirilib. İstifadə tarixi: 2013-09-21.