Məmməd İsgəndərov (dövlət xadimi)

(Məmməd İsgəndərov (siyasətçi) səhifəsindən istiqamətləndirilmişdir)

İsgəndərov Məmməd Əbdül oğlu (4 [17] dekabr 1915, Eyvazlı, Yelizavetpol quberniyası28 may 1985(1985-05-28), Bakı) — Azərbaycan SSR Ali Soveti Rəyasət Heyətinin sədri.

Məmməd İsgəndərov
Məmməd Əbdül oğlu İsgəndərov
Məmməd İsgəndərov.jpg
bayraqAzərbaycan SSR Nazirlər Sovetinin 6-cı sədribayraq
10 iyul 1959 — 29 dekabr 1961
Sələfi Vəli Axundov
Xələfi Ənvər Əlixanov
bayraqAzərbaycan SSR Ali Soveti Rəyasət Heyətinin sədribayraq
29 dekabr 1961 — 25 dekabr 1969
Sələfi Səftər Cəfərov
Xələfi Qurban Xəlilov
bayraqAzərbaycan SSR Lenin rayonunun birinci katibibayraq
1953 — 1959
Şəxsi məlumatlar
Partiya
Təhsili
Doğum tarixi
Doğum yeri Eyvazlı, Zəngəzur qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi (69 yaşında)
Vəfat yeri Bakı, Azərbaycan SSR, SSRİ
Elmi fəaliyyəti
Elmi dərəcəsi geologiya-mineralogiya elmləri doktoru

Təltifləri "Lenin" ordeni "Lenin" ordeni

HəyatıRedaktə

Məmməd İsgəndərov 1915-ci ildə Qubadlı rayonunun Eyvazlı kəndində dünyaya gəlib. Ailədə beş qardaş olublar: Süleyman, Kərim, Səlim, Xanlar və Məmməd. 1919-cu ildə ermənilər kəndə hücum edəndə Süleyman erməni gülləsinə tuş gəlib.

M. İsgəndərov 1929-cu ildə Bakıya gələrək Sabir adına Pedaqoji məktəbə daxil olub və Xanlıq kənd orta məktəbində bir müddət dərs dedikdən sonra 1935-ci ildə Azərbaycan Sənaye İnstitutunda mühəndis-geoloq ixtisasına yiyələnərək, neft mədənlərinin birində işə düzəlib. 1953-cü ildə Lenin RPK-nın 1-ci katibi seçilib. 1959-cu ildə Nazirlər Sovetinin sədri təyin olunub. 1961-ci ildə Azərbaycan Ali Soveti Rəyasət Heyətinin sədri seçilib. İki çağırış (1961-1969-cu illər) ali qanunverici orqana başçılıq edib.

O həm də elm sahəsində böyük nailliyətlər qazanıb. 1956-cı ildə "Neft-mədən geologiyası və neft-qaz yataqlarının işlənməsi" adlı əsərini çap etdirərək geologiya-mineralogiya elmləri doktoru elmi adına layiq görülüb. 1970-ci ildə Dərinlik qazma elmi-tədqiqat İnstitutuna direktor təyin edilib və ömrünün sonuna qədər burada işləyib. 1985-ci ildə, 70 yaşında dünyasını dəyişib.

İstinadlarRedaktə