Məmməd Məmmədov (şəhid, Naxçıvan)
Məmməd Əli oğlu Məmmədov (1 may 1949, Danzik, Naxçıvan MSSR – 19 yanvar 1990, Sədərək rayonu) — Azərbaycanlı şəhid.
| Məmməd Məmmədov | |
|---|---|
| Məmməd Əli oğlu Məmmədov | |
.jpeg) | |
| Doğum tarixi | 1 may 1949 |
| Doğum yeri | |
| Vəfat tarixi | 19 yanvar 1990 (40 yaşında) |
| Vəfat yeri | |
| Dəfn yeri | |
| Vətəndaşlığı | Azərbaycan |
| Həyat yoldaşı | Reyhan Məmmədova |
| Uşaqları | Məmmədova Zəmanə, Məmmədov Zamin, Məmmədova Sevinc, Məmmədova Elnarə, Məmmədov Emin, Məmmədova Elnurə |
| Atası | Əli Məmmədov |
| Anası | Səkinə Məmmədova |
| Milliyyəti | Azərbaycanlı |
| Fəaliyyəti | Qara Yanvar şəhidi |
HəyatıRedaktə
Məmməd Məmmədov 1949-ci ildə 1 mayda Şərur rayonunun Danzik kəndində anadan olub. 1956-cı ildə həmin kənddə orta məktəbin birinci sinfinə daxil olmuş, 1966-cı ildə bitirmişdir. 1969-1971-ci illərdə hərbi xidmətdə olmuşdur.[1]
Uzun illər Şərur rayon 6 nömrəli mexanikləşdirilmiş səyyar dəstəsində sürücü işləyib.
20 Yanvar faciəsi ərəfəsində düşmənlər Naxçıvan Muxtar Respublikasını işğal planlarını həyata keçirməyə cəhd göstərirdi. 1989-cu il dekabrın 14-də ermənilər tərəfindən güclü atəşə tutulan Sədərək, Günnüt və Havuş kəndləri 1990-cı il yanvarın 19-da səhər saat 11 radələrindən etibarən daha intensiv hücumlara məruz qaldı. O vaxt ermənilər əsas qüvvələrini Sədərək istiqamətinə yönəltmişdilər. Həmin gün Sədərək ilk dəfə top atəşinə tutuldu.
Yanvarın 19-u axşam saat təxminən altı radələrində qərargah raketlərlə atəşə tutulur. 25-dən artıq adam yaralanır. Bir neçə nəfər həlak olur. Onların, içində Məmməd Məmmədov da var idi. Xəstəxanaya aparılarkən yolda keçinib. Bel nahiyəsində mərmi yarası olub.
Məmməd Məmmədov Şərur rayonunun Yenikənd (indiki Danyeri) qəbiristanlığında dəfn edilib.[2]
AiləsiRedaktə
Reyhan Məmmədova ilə ailə qurmuş, altı övladı olmuşdur: Zəmanə, Zamin, Sevinc, Elnarə, Emin, Elnurə.
İstinadlarRedaktə
- ↑ Zamin Məmmədov (2020-01-16). "Naxçıvanın şəhid övladlari: Məmməd Məmmədov" ( (azərb.)). ikisahil.com. 2020-05-06 tarixində arxivləşdirilib. İstifadə tarixi: 2020-05-06.
- ↑ Qulu Kəngərli (1992). 20 Yanvar şəhidləri (PDF). Bakı: Gənclik. 312 səh. ISBN 4702060204. 2015-07-17 tarixində orijinalından (PDF) arxivləşdirilib. İstifadə tarixi: 2017-01-18.