Məmmədbağır İbrahimov

Məmmədbağır İbrahim Əli oğlu (12 dekabr 1905, Ordubad, Naxçıvan qəzası – bilinmir) — Azərbaycan həkim-gigiyenisti, Azərbaycan SSR əməkdar elm xadimi (1967).

Məmmədbağır İbrahimov
Məmmədbağır Əli oğlu İbrahimov
Doğum tarixi	12 dekabr 1905(1905-12-12)
Doğum yeri	Ordubad, Naxçıvan qəzası, İrəvan quberniyası, Rusiya imperiyası
Vəfat tarixi	bilinmir
Vətəndaşlığı	Rusiya imperiyası→ AXC→ SSRİ
Elm sahəsi	gigiyena
Elmi dərəcəsi	tibb elmləri doktoru
Elmi adı	professor
İş yeri	Azərbaycan Dövlət Tibb Universiteti
Təhsili	Azərbaycan Dövlət Tibb Universiteti
Elmi rəhbəri	N.A.Semaşko
Tanınır	həkim-gigiyenist

Həyatı

İbrahimov Məmmədbağır Əli oğıu 12 dekabr 1905-ci ildə Naxçıvan Muxtar Respublikasının Ordubad şəhərində anadan olmuşdur. 1964-cü ildə tibb elmləri doktoru, 1965-ci ildə professor, 1967-ci ilə Azərbaycan Respublikasının əməkdar elm xadimi adını almışdır. 1930-cu ildə Azərbaycan Dövlət Tibb Universitetinii stomatologiya fakültəsini bitirmişdir.

Fəaliyyəti

Azərbaycanda işlədikdən sonra Qazaxıstana ezam olunmuş, Cənubi Qazaxıstan vilayət apteklər idarəsinin rəisi, Alma Ata vilayət səhiyyə şöbəsi müdirinin müavini, Cambul vilayət səhiyyə şöbəsinin müdiri vəzifələrində çalışmışdır. 1941-ci ildə Monqolustanda işləmişdir. Monqolustan Xalq Respublikası Səhiyyə Nazirinin müşaviri olmuşdur. 1946-cı ildən Moskvada aspiranturada oxumuş, görkəmli səhiyyə təşkilatçısı N.A.Semaşkonun rəhbərliyi ilə namizədlik dissertasiyası müdafiə etdikdən sonra Bakıya qayıtmış, Ə.Əliyev adına Azərbaycan Həkimləri Təkmilləşdirmə İnstitutunda sosial gigiyena və səhiyyənin təşkili kafedrasının müdiri vəzifəsində çalışmışdır. Tədqiqatları Azərbaycanda və Monqolustanda səhiyyənin tarixi və inkişafına həsr olunmuşdur.

Əsərləri

1. Здравоохранение Монголской Народной Республики, М., 1963;
2. Здравоохранение Советского Азербайджана, М.. 1967.