Məryəm Babayeva
Bu səhifədə iş davam etməkdədir. Müdaxilə etməyə tələsməyin!
|
Məryəm Babayeva (tam adı: Babayeva Məryəm Şaqi qızı) — ADMİU-nun Estrada sənəti kafedrasının müdiri, sənətşünaslıq üzrə fəlsəfə doktoru, dosent, Əməkdar müəllim.[1]
| Məryəm Babayeva | |
|---|---|
| Musiqiçi məlumatları | |
| Fəaliyyəti | vokal musiqi sahəsində elmi-pedaqoji |
| Fəaliyyət illəri | 1981-ci ildən bugünə qədər |
| Janr | vokal |
| Musiqi aləti | fortepiano |
| Təhsili |
Sumqayıt Musiqi Texnikumu Üzeyir Hacıbəyli adına Bakı Musiqi Akademiyası |
| Mükafatları |
Azərbaycan Respublikasının əməkdar müəllimi “Qızıl qələm” "Ustad sənətkar" |
Həyatı
redaktəTəhsili
redaktəMəryəm Babayeva ilk musiqi təhsilini 1981-ci ildə Soltan Hacıbəyov adına Sumqayıt musiqi texnikumunda almışdır. O, ali təhsilini 1988-ci ildə Üzeyir Hacıbəyov adına Azərbaycan Dövlət Konservatoriyasında tamamlamışdır.[1]
Fəaliyyəti
redaktəMəryəm Babayeva ilk əmək fəaliyyətinə 1984-cü ildə Sumqayıt şəhər 3 saylı musiqi məktəbində başlamış və 1988-ci ilədək burada çalışmışdır. O, 1988-2001-ci illərdə Rusiyanın paytaxtı Moskva şəhərində müxtəlif tədris müəssisələrində işləməklə yanaşı, 1996-1998-ci illərdə Rimski-Korsakov adına Sankt-Peterburq Konservatoriyasında görkəmli musiqişünas alim V.V.Yemelyanovun Vokal-yaradıcılıq laboratoriyasında təhsilini davam etdirmişdir.
2001-2002-ci illərdə Sumqayıt Musiqi Texnikumunda, 2002-2008-ci illərdə Bakı şəhər Bülbül adına orta ixtisas musiqi məktəbində pedaqoji fəaliyyətlə məşğul olmuşdur.
2006-2007-ci təhsil ilindən Azərbaycan Dövlət Mədəniyyət və İncəsənət Universitetində “Musiqi sənəti” fakültəsinin “Estrada və populyar musiqi” kafedrasında elmi-pedaqoji fəaliyyətə başlamışdır. 2017-ci ildən "Estrada sənəti" kafedrasının müdiridir.[1]
2004-cü ildən bugünə qədər Azərbaycan Milli Konservatoriyasının “Muğam” kafedrasında çalışır.
Məryəm Babayeva 2011-ci ildən sənətşünaslıq üzrə fəlsəfə doktorudur, 2013-cü ildə Ali Attestasiya Komissiyasının qərarına əsasən "Dosent" elmi adına layiq görülmüşdür.
Məryəm Babayeva “Rəşid Behbudovun sənətkarlığı” adlı dərs vəsaitinin, “Kamera-konsert ifaçılığında səsin inkişaf mərhələləri” adlı metodik vəsaitin, vokal ifaçılığına dair 5 proqram və bir çox məqalənin müəllifidir.[1]
Mükafatları
redaktə- 2009-cu il — Azərbaycan Respublikasının əməkdar müəllimi fəxri adı ilə təltif edilmişdir.
- 2014-cü il — Azərbaycan Kütləvi İnformasiya vasitələri işçilərinin Həmkarlar İttifaqı tərəfindən “Qızıl qələm” və “Ustad sənətkar” media mükafatlarına layiq görülmüşdür.[1]
İstinadlar
redaktə- ↑ 1 2 3 4 5 ""ESTRADA SƏNƏTİ" KAFEDRASININ MÜDİRİ" (az.). https://www.admiu.edu.az. 28.06.2024 tarixində arxivləşdirilib. İstifadə tarixi: 28 iyn 2024.