Vikipediya

Macarıstan dəmir yolu tarixi parkı

Macarıstan dəmir yolu tarixi parkı (mac. Magyar Vasúttörténeti Park) — Macarıstanın paytaxtı Budapeştdəki dəmiryol stansiyasında və Macarıstan Dövlət Dəmir Yollarının emalatxanalarında, Budapeştin keçmiş Şimal Deposundakı dəmiryol muzeyidir.

Macarıstan dəmir yolu
Magyar Vasúttörténeti Park
Xəritə
Əsası qoyulub 2000
Açılış tarixi 14 iyul 2000
Ölkə
Yerləşir Budapeşt, Macarıstan
Telefon +36-1-450-1497[1]
47°32′31″ şm. e. 19°05′52″ ş. u.HGYO
[http://www.vasuttortenetipark.hu// vasuttortenetipark.hu
Vikianbarın loqosu Vikianbarda əlaqəli mediafayllar

Muzey 70.000 kvadratmetrdən çox ərazini əhatə edir və yüzdən çox eksponata sahibdir. Əsasən nəqliyyat vasitələrinə (lokomotiv, vaqon və s.) və dəmir yolu texnikasına malikdir[2].

Baxış

redaktə

Muzeydə Macarıstan Dövlət Dəmir Yollarına məxsus buxar mühərrikləri ilə işləyənlərdən başlayaraq elektrik mühərrikləri ilə idarə olunanlara qədər olan 50-dən çox lokomotiv var. Ancaq onlardan bəziləri hələ də istismar edilə bilər. Muzey digər dəmir yolu nəqliyyat növlərini məsələn: əl ilə işləyən araba və relslərin vəziyyətini izləmək üçün yoxlama avtomobillərini də nümayiş etdirir. Eksponatlar arasında Orient Express üçün hazırlanmış restoran avtomobili və müvafiq olaraq 1912 və 1934-cü illərdə yığılmış Arpad avtomobili də var.

Muzeydə Macarıstan Xalq Respublikası Nazirlər Sovetinin sədri Yeno Fokun rəsmi avtomobili olan Çayka (GAZ-13) avtomobili də var. Daha sonra avtomobil Macarıstan Dövlət Dəmir Yolları tərəfindən relslərdə hərəkət etmək üçün yenidən işlənmişdir[3].

Muzeyin əsas binasında dəmiryol stansiyaları, dəmir yolu avadanlıqları və Macarıstanda dəmir yollarının tarixi ilə bağlı eksponatlar yer alır. Eksponatların çoxu interaktivdir. Modellər arasında dəmir yolu üzərində hərəkət edən ev də vardır. Muzeydə uşaqlar üçün miniatür park dəmir yolu mövcuddur.

Mövcud lokomotivlər Macarıstanda və xaricdə dəmir yolu ilə nostalji gəzintilər üçün istifadə olunur

Macarıstan Dəmir Yolları Muzeyindəki lokomotivlərdən biri postsovet məkanında "Şa" tipli lokomotiv kimi tanınan MÁV 411.118-dir. Bu buxar lokomotivləri ABŞ-da "Baldwin" və "ALCO" zavodları tərəfindən USATC S160 hərbi buxar teplovozları olaraq istehsal edilmişdir.

Tarixi

redaktə

Macarıstan Dəmir Yolu Muzeyi 14 iyul 2000-ci ildə qapılarını ziyarətçilərin üzünə açmışdır. Muzey 22 noyabr 1999-cu ildə qurulan Macarıstan Dəmir Yolları Fondu tərəfindən dəstəklənir[2][4].

Qalereya

redaktə

İstinadlar

redaktə
  1. ↑ http://www.vasuttortenetipark.hu.
  2. ↑ 1 2 "History of Park". Magyar Vasúttörténeti Park (ingilis). 2019-02-03 tarixində arxivləşdirilib. İstifadə tarixi: 2019-02-02.
  3. ↑ "Hungarian Railway Museum". Museums (ingilis). 2019-02-03 tarixində arxivləşdirilib. İstifadə tarixi: 2019-02-03.
  4. ↑ "Foundation". Magyar Vasúttörténeti Park (ingilis). 2019-02-03 tarixində arxivləşdirilib. İstifadə tarixi: 2019-02-02.
Mənbə — "https://az.wikipedia.org/w/index.php?title=Macarıstan_dəmir_yolu_tarixi_parkı&oldid=6667850"