Mahir Qabiloğlu

Mahir Qabiloğlu — yazıçı, publisist, jurnalist, tərcüməçi.

Mahir Qabiloğlu
Mahir Qabil oğlu İmamverdiyev
Doğum tarixi	4 dekabr 1966
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Atası	Qabil İmamverdiyev
Fəaliyyəti	jurnalist

Həyatı

Mahir Qabil oğlu İmamverdiyev (Mahir Qabiloğlu)1966-cı ildə Bakı şəhərində anadan olub. Bakıdakı 190 saylı məktəbdə təhsil alıb. 1990-cı ildə Bakı Dövlət Universitetinin filologiya fakültəsini bitirib. Müxtəlif illərdə Azərbaycan Yazıçılar Birliyinin "Dədə Qorqud" ensiklopediyasında ədəbi işçi, AzTV-nin "Xəbərlər" redaksiyasında redaktor, "Space" televiziyasının "Hər gün" İnformasiya proqramında redaktor, baş redaktorun müavini, "Xalq qəzeti" qəzetinin Redaksiya Heyətinin üzvü, İnformasiya şöbəsinin müdiri vəzifələrində çalışıb. Azərbaycan Yazıçılar Birliyinin (2015) və Azərbaycan Jurnalistlər İttifaqının üzvüdür (2017).

Hazırda sərbəst yaradıcılıqla məşğuldur. "Modern.az" saytında və dövrü mətbuatda müəllif-yazar kimi bədii, publisistik yazıları və tərcümələri yayımlanır. Xalq şairi Qabilin 7 cildlik "Əsərlər" külliyyatının tərtibçisi, redaktoru və naşiridir. Prezident təqaüdçüsüdür.

Ailəlidir, iki övladı, beş nəvəsi var.

Əsərləri

• "Atam Qabilin qəribə əhvalatları" - 2011
• "Ərmən-Şuşanikin sevgisi" - 2014
• “Cəncəhim” (roman) - 2014
• "Alim-Hakim" (miniatür kitab) - 2014
• “Qurd yağı” (povest və hekayələr) - 2015
• “Sandıq” - 2015
• "Əlli yaşında mən..." - 2016
• "Leyla Əliyeva "Poeziya" (tərcümə kitabı) - 2016
• "Tanınmış tanışlar" - 2018
• "İtbaşı" (roman) - 1-ci hissə - 2019
• "İtbaşı" (roman) - 2-ci hissə - 2019
• "İtbaşı" (roman) - 3-cü hissə - 2020

"İTBAŞI" roman-trilogiya - 2021