Mahmud sultan Bayat

Mahmud sultan Baba İlyas bəy oğlu Bayat (?-1591) — Bayat elinin Nişapur qrupunun başçısı.

Mahmud sultan Bayat
Mahmud sultan Baba İlyas bəy oğlu Bayat
Nişapur hakimliyi
Şəxsi məlumatlar
Doğum yeri	Nişapur, Səfəvilər
Vəfat tarixi	1591
Vəfat yeri	Nişapur
Vəfat səbəbi	edam
Fəaliyyəti	hərbi lider[d]
Atası	Baba İlyas bəy
Rütbəsi	general

Həyatı

Mahmud sultan Bayat Nişapur şəhərində anadan olmuşdu. Qarabayatların rəisi idi. Şah Məhəmməd Xudabəndə onu Nişapura hakim təyin etmişdi. I Şah Abbas da onu vəzifəsində saxlamışdı.

XVI əsrin sonlarına doğru Xorasanın bəzi vilayətlərini ələ keçirən özbək hökmdarı Abdulla xan buraları oğlu Əbdülmömin xana vermişdi. Əbdülmömin xan 1591-ci ildə Nişapuru geri almaq istəyən Səfəvi sərkərdəsi Fərhad xan Qaramanlı geri çəkilməyə məcbur etdikdən sonra qara bayatlar ona tabe olmağı qəbul etdilər.

Lakin onlar daha əvvəl cağataylardan çoxlu adam öldürdükləri üçün Mahmud sultan və digər bayat başbilənləri xanın hüzuruna gedərək, ona itaət etdiklərini bildirsələr də, bağışlanmayaraq öldürüldülər.