Mais İbadov
Mais İbadov (tam adı: Mais İbadov; 2 avqust 1978, Separadi, Lənkəran rayonu) — Azərbaycan və Özbəkistan güləşçisi, 3 qat dünya çempionu.
| Mais İbadov | |
|---|---|
| Mais İbadov | |
| Doğum tarixi | |
| Doğum yeri | Azərbaycan, Lənkəran, Separadi |
| Vətəndaşlığı |
 Azərbaycan,  Özbəkistan |
| Fəaliyyəti | güləşçi |
| Mükafatları | Özbəkistan, Asiya və dünya çempionu |
Həyatı
redaktəMais İbadov 1974-cü ilin avqust ayının 2-də Lənkəran rayonunun Separadi kəndində dünyaya gəlib. 1987-1992-ci illərdə Bakı şəhərində Ümumtəhsil İdman İnternatında təhsil almışdır. [1994-cü ildən Özbəkistanda yaşayır.
Fəaliyyəti
redaktəTəhsil aldığı dövrdə sərbəst güləş idman növü üzrə müxtəlif yarışlarda iştirak edib və bəzilərində yüksək nəticə əldə edərək uğur qazanıb. Məşqçi Mamur Ruziyevin tələbəsi olmuşdur. Mamur Ruziyev SSRİ idman ustası olmuşdur. Güləş üzrə Azərbaycan və SSRİ çempionu olub. Beynəlxalq klassifikasiyalı idman ustasıdır. Peşəkar səviyyəli yarışlarda Özbəkistanın şərəfini qoruyub. Özbəkistan, Asiya və dünya çempionu olub (2012, 2013-cü illərdəl). 1995-ci ildə Manilada Asiya çempionatında güləş üzrə 52 kq çəki dərəcəsində gümüş medal qazanmışdır. 2001-2004-cü illərdə Özbəkistanın Polis Akademiyasında təhsil alıb. Hazırda veteranlardan ibarət yığma komandada iştirak edir. İdmanla yanaşı, diaspor sahəsində də aktiv fəaliyyət göstərir.
Mükafatları
redaktəO, həmçinin böyüklər və yeniyetmələr arasında yarışlarda bir sıra mükafatlar qazanmışdır:
- Yeniyetmələr arasında dünya çempionatı — 1996 (1-ci yer), 1997 (2-ci yer), 1998 (2-ci yer);
- Yeniyetmələr arasında Asiya çempionatı — 1998 (1-ci yer);
- Asiya Oyunları — 1998 (6-cı yer);
- Orta Asiya Oyunları — 1999 (2-ci yer).
- 2017-ci ildə Bolqarıstanda keçirilən Veteranların güləş üzrə Dünya Çempionatında qalib olub.
2013-ci ildə Azərbaycan yığmasında çıxış edərək, veteranlar arasında güləş üzrə dünya çempionatında Bosniya və Herseqovinada qızıl medal qazanmışdır.