Maksim Prokopenko

Maksim Prokopenko (23 mart 1984, Olşanka^[d], Kirovoqrad vilayəti) — Ukraynanı və Azərbaycanı təmsil edən idmançı, Avropa Çempionatının qalibi.

Maksim Prokopenko
Şəxsi məlumatlar
Tam adı	Maksim Sergeyeviç Prokopenko
Vətəndaşlığı	Ukrayna → Azərbaycan
Doğum tarixi	23 mart 1984(1984-03-23) (40 yaş)
Doğum yeri	Olşanka[d], Kirovoqrad vilayəti, Ukrayna SSR, SSRİ
Boyu	182 sm.
İdman növü	Kanoe sprint
Medallar Azərbaycan üçün Dünya Çempionatı Bürünc 2009 Dartmut C-2 500 m. Gümüş 2009 Dartmut C-2 1000 m. Gümüş 2010 Poznan C-2 500 m. Gümüş 2011 Seqed C-2 500 m. Gümüş 2011 Seqed C-2 1000 m. Gümüş 2011 Seqed C-1 4x200 m. Avropa Çempionatı Bürünc 2009 Brandenburq C-2 500m. Gümüş 2010 Trazona C-2 500 m. Qızıl 2010 Trazona C-2 1000 m. Gümüş 2011 Belqrad C-2 500 m. Ukrayna üçün Dünya Çempionatı Bürünc 2006 Seqed C-2 1000 m. Avropa Çempionatı Gümüş 2008 Milan C-2 1000 m.

Karyerası

Ruslan Cəbrayılov və Maksim Prokopenko dueti 2004-cü ilin avqustunda Yunanıstanın Afina şəhərində baş tutan XXVIII Yay Olimpiya Oyunlarında mübarizə apardı. C-2 500 metr və C-2 1000 metr turnirlərində çıxış edən duet müvafiq olaraq dördüncü və altıncı pillələrdə qərarlaşmaqla mübarizəni yarım-final mərhələsində başa vurdu. Ruslan Cəbrayılovun idmanla vidalaşmasından sonra Maksim Prokopenko Sergey Bezuqlıyla duet oldu və beynəlxalq turnirlərdə çıxış eləməyə başladı.

Sergey Bezuqlı və Maksim Prokopenko dueti 2006-cı ilin avqustunda Macarıstanın Seqed şəhərində baş tutan Dünya Çempionatında C-2 1000 metr turnirində 3 dəqiqə 46.768 saniyə nəticə göstərdi və turnirin bürünc medalına sahib oldu.

Daha sonra Sergey Bezuqlı və Maksim Prokopenko dueti 2008-ci ilin mayında İtaliyanın Milan şəhərində baş tutan Avropa Çempionatında C-2 1000 metr turnirində 3 dəqiqə 40.192 saniyə nəyicə göstərdi və turniri gümüş medalla başa vurdu. Həmin ilin avqustunda Sergey Bezuqlı və Maksim Prokopenko dueti Çində baş tutan XXIX Yay Olimpiya Oyunlarında mübarizə apardı. C-2 500 metr turnirinin final mərhələsində 1 dəqiqə 44.156 saniyə nəticə göstərən Sergey Bezuqlı və Maksim Prokopenko dueti olimpiadanı 8-ci pillədə başa vurdu.

Olimpiadadan sonra Azərbaycan Kanoe Federasiyası bir sıra idmançıları, o cümlədən Sergey Bezuqlı və Maksim Prokopenko duetini Azərbaycan yığmasının heyətinə cəlb elədi.

Sergey Bezuqlı və Maksim Prokopenko dueti 2009-cu ilin iyununda Almaniyanın Brandenburq şəhərində baş tutan Avropa Çempionatında C-2 500 metr turnirində bürünc medalın sahibi oldu. Həmin ilin avqustunda Kanadanın Dartmut şəhərində baş tutan Dünya Çempionatında isə Sergey Bezuqlı və Maksim Prokopenko dueti C-2 500 metr turnirini bürünc, C-2 1000 metr turnirini isə gümüş medalla başa vurdu.

2010-cu il də Sergey Bezuqlı və Maksim Prokopenko dueti üçün uğurlu oldu. İyunda İspaniyanın Trasone şəhərində baş tutan Avropa Çempionatında Sergey Bezuqlı və Maksim Prokopenko dueti C-2 500 metr turnirində 1 dəqiqə 38.825 saniyə nəticə göstərdi və turnirin gümüş medalına sahib oldu. C-2 1000 metr turnirində isə Sergey Bezuqlı və Maksim Prokopenko dueti 3 dəqiqə 34.115 nəticə göstərdi və Avropa Çempionatının qalibi oldu. Duetin növbəti turniri avqustda Polşanın Poznan şəhərində baş tutan Dünya Çempionatı oldu. Sergey Bezuqlı və Maksim Prokopenko dueti bu səfər C-2 500 metr turnirində 1 dəqiqə 40.277 saniyə nəticə göstərdi və Dünya Çempionatının gümüş medalına sahib oldu.

Sergey Bezuqlı və Maksim Prokopenko duetinin 2011-ci ilin iyununda Serbiyanın Belqrad şəhərində baş tutan Avropa Çempionatında C-2 500 metr turnirində gümüş medalın sahibi oldu. Avqustda Macarıstanın Seqed şəhərində baş tutan Dünya Çempionatı isə Sergey Bezuqlı və Maksim Prokopenko dueti üçün tarixi uğurla nəticələndi. Sergey Bezuqlı və Maksim Prokopenko dueti C-2 500 metr və C-2 1000 metr turnirində gümüş medalın sahibi oldu. C-1 4x200 metr turnirində isə Andrey Kraytor, Maksim Prokopenko, Sergey Bezuqlı və Valentin Demyanenkodan ibarət olan qrup Dünya Çempionatını gümüş medalla başa vurdu.

Sergey Bezuqlı və Maksim Prokopenko dueti Azərbaycanı 2012-ci ildə London şəhərində (Birləşmiş Krallıq) baş tutan XXX Yay Olimpiya Oyunlarında təmsil elədi. Sergey Bezuqlı və Maksim Prokopenko dueti olimpiada da avqustun 7-də mübarizə apardı. Təsnifat mərhələsinin "B" qrupunda çıxış edən Sergey Bezuqlı və Maksim Prokopenko dueti 3:38.042 dəqiqə nəticə göstərdi. Qrupu altı duet sırasında birinci pillədə başa vuran duet yarım-final mərhələsində mübarizə aparmadan birbaşa final mərhələsinə vəsiqə qazandı. Final mərhələsi avqustun 28-də baş tutdu. 8 duetin mübarizə apardığı final mərhələsi gərgin idman mübarizəsi şəraitində baş tutdu. Nəticədə Sergey Bezuqlı və Maksim Prokopenko dueti 3:36.218 dəqiqə nəticə göstərdi. Bu nəticələ əsasən duet üçüncü pillənin sahibi olan Rusiya nümayəndələrindən cəmi 1.195 saniyə geri qalaraq medalın bir addımlığı turniri başa vurdular.

London Olimpiadasından sonra Maksim Prokopenko idmanla vidalaşdı.