Maku

Maku və ya Makı (həmçinin Daşmakı olaraq da tanınır) — İranın Qərbi Azərbaycan ostanında şəhər, Maku şəhristanının inzibati mərkəzi.

Maku
39°17′26″ şm. e. 44°27′30″ ş. u.
Ölkə	İran
Tarixi və coğrafiyası
Mərkəzin hündürlüyü	1.304 m
Əhalisi
Əhalisi	46.581 nəf. (2016)
Rəsmi dili	fars dili
Digər
maku.ir
Maku
Vikianbarda əlaqəli mediafayllar

Coğrafiyası

Maku şəhərinin arasından Zəngmar çayı axır. Mülayim iqlimi olan, dəniz səviyyəsindən 1634 m hündürlükdə dağ ətəklərində yerləşən və yarımdairəvi formaya malik şəhər sanki çətirlə örtülmüşdür.

Maku şəhəri Urmiyadan təxminən 278 km, Təbrizdən təxminən 251 km, Tehrandan təxminən 939 km, Türkiyə sərhədindən (Gurbulaq sərhəd qapısı) təxminən 20 km aralı yerləşir.

Tarixi

Makı şəhərinə açılan mənzərə

Maku I Şah Abbasın hökmdarlığının əvvəlində sadəcə bir qala idi. Şəhərin salınma tarixi eramızın 1012-ci ilinə təsadüf edir. Maku, Səfəvilər zamanında İrəvan şəhərindən köçmüş azərbaycanlı türk bayat tayfasına məskən olur. Bayatlar Pəhləvi dövrünə qədər (20-ci əsrin ortaları) Makuda hökm sürürlər.

Təbiəti və abidələri

Maku şəhərinin gözəl təbii landşaftı, çox qədim tarixi və təbiəti zəngin olan yerlər var. Onlardan aşağıdakıları qeyd etmək olar:

Hacıbulağı, Makı

• Hacıbulağı və digər mineral su bulaqları
• Qalacıq şəlaləsi;
• Mərakan qoruq zonası;
• Bağçacıq sarayı, Kolah Fərəngi binası və Maku Paşs Mərkəzinin köhnə binası;
• Rəvaz və Qaraqala (Qale-ye Siyah) köhnə qəsrlər;
• Qabanqalası tarixi qalası və dağı
• Beşgöz köhnə körpü, Makıdan 5 km. aralıdır;
• Makı şəhərində Rusa tarixi şəhərinin qədim daş epiqrafık abidələri;
• Makıda Səngər adlanan Urartu daş məzarı;
• Bir neçə qədim kilsə;
• Çaldıran döyüş yeri. Şah İsmayıl və Sultan Səlimin tarixi döyüş yeri.

Xarici keçidlər

• Rəsmi dövlət Saytı - Farsca
• Maku Azad Universiteti Arxivləşdirilib 2008-12-05 at the Wayback Machine - Farsca
• Maku news Arxivləşdirilib 2015-08-04 at the Wayback Machine - Farsca