Manzo Naqano
Manzo Naqano (永野万蔵, Naqano Manzo?, 26 noyabr 1853, Kuçinotsu[d], Naqasaki prefekturası – may 1924, Kuçinotsu[d], Naqasaki prefekturası) – rəsmi olaraq Kanadaya immiqrasiya etmiş ilk yapon şəxs. O, 1877-ci ilin martında Yaponiyanı tərk etmiş və may ayında Britaniya Kolumbiyasına çatmışdır.[1]
| Manzo Naqano | |
|---|---|
 1910-cu ildə çəkilmiş şəkli. | |
| Doğum tarixi | 26 noyabr 1853 |
| Doğum yeri |
|
| Vəfat tarixi | may 1924 (70 yaşında) |
| Vəfat yeri |
|
| Vəfat səbəbi | vərəm |
| Fəaliyyəti | iş adamı |
Naqano Viktoriyada məskunlaşaraq bizneslə məşğul olmağa başlamışdır. Səhhətindəki problemlərə görə 1923-cü ildə Yaponiyaya qayıtmış və növbəti il ölmüşdür.
Həyatı
redaktəManzo Naqano 1853-cü ildə müasir Naqasaki prefekturasının ərazisində yerləşən Kuçinotsu balıqçı kəndində anadan olmuşdur.[1] O, atası Kihey Naqanonun yeddi övladından dördüncüsü idi.[1]
Yaponiyada izolyasiya dövrünün başa çatması səbəbilə canlanan beynəlxalq dəniz ticarəti Naqanonun diqqətini cəlb etmiş, Britaniyaya məxsus ticarət gəmisi ilə Şanxaya və Kanadaya səyahət etmişdir.[1] 1877-ci ildə daimi olaraq Kanadada məskunlaşmağa qərar vermişdir.[1] O, əvvəlcə yerli xalqların arasında yaşamış, balıqçılıq və odunçuluq kimi işlərlə məşğul olmuşdur.[1] O, Viktoriyadakı çinli immiqrat icmasına qarışmış, dəmiryol tikintisində də iştirak etmişdir.[1]
1886-cı ildə evlənmək məqsədilə Yaponiyaya getsə də, həyat yoldaşının ölümündən sonra 1896-cı ildə Naqano oğlu və yeni həyat yoldaşı Tayoko ilə Kanadaya qayıtmışdır.[1] O, 1897-ci ildə Klondayk qızıl hərisliyində iştirak edən şəxslər üçün ləvazimatlar satan mağaza açmışdır.[1] Bundan əlavə, hotelçilik və Yaponiyaya salmon balığı ixracatı ilə də məşğul olmuşdur.[1] O, biri ABŞ-də, biri Yokohamada olmaqla, "Ricksha" adlı iki restoran açsa da, uğur qazana bilməmişdir.[1]
Birinci dünya müharibəsi zamanı Naqano İskvaymoltda lövbər atmış Yaponiya donanması üzvlərinə ev sahibliyi etmişdir.[1] Müharibədən sonra vərəm olmuş və 1923-cü ildə həyat yoldaşı ilə Kuçinotsuya qayıtmağa qərar vermişdir.[1] 1924-cü ilin mayında burada ölmüşdür.[1]
Ailəsi
redaktəNaqano 1886-cı ildə Yaponiyada 17 yaşlı Tsuya İçi ilə evlənmişdir.[1] 9 dekabr 1893-cü ildə doğulmuş birinci oğlu Corc Tatsuoya Britaniya monarxının adını vermişdir.[1] Bir müddət sonra həyat yoldaşı ölmüş və Tayoko adlı qadınla evlənmişdir.[1] 3 oktyabr 1898-ci ildə Manzo və Tayokonun Frenk Terumaro adlı oğlu olmuşdur.[1]
Corc Tatsuo 1917-ci ildə həyat yoldaşı ilə birlikdə ABŞ-yə immiqrasiya etmişdir.[1] Frenk Terumaro isə Kanadada qalmışdır.[1] Onlar böyük beysbol fanatları olmuşdurlar.[1] Frenk Kanada yaponları tərəfindən yaradılmış "Vankuver Asahi" beysbol klubunda çıxış etmiş, Corc isə birinci oğluna ABŞ beysbolçusu Tay Kobbun adını vermişdir.[1]
Xatirəsi
redaktə1977-ci ildə Naqanonun Kanadaya gəlişinin 100 illiyi münasibətilə Britaniya Kolumbiyasında yerləşən Sahil sıradağlarının bir zirvəsinə onun adı verilmişdir.[1] Naqanonun həyatı Toyo Takata və ulu nəvəsi Pol Naqano tərəfindən araşdırılmışdır.[1]