Marakaybo gölü

Marakaybo — Venesuela ərazisində yerləşən iri duzlu göl. Göl tektonik məşəlli olaraq Serra-de-Periha (qərb) və Kordilera-de-Merida (şərq) sıra dağları ilə əhatələnir. Şimal hissədə dayaz, cənubunda isə dərinlik 250 m təşkil edir. Göl birbaşa Venesuela körfəzi ilə dayaz (2–4 m) boğazla birləşir. Gölə tökülən ən iri çay Katatumbo çayıdır. Cənubi Amerikanın ən böyük gölü olaraq 13 210 km² sahəyə malikdir. Dünyanın ən qədim göllərindən biri hesab edilir. Gölün sahilində Venesuelanın əhalisinin hardasa ¼ hissəsi yaşayır.

Marakaybo gölü
isp. Lago de Maracaibo
Ümumi məlumatlar
Mütləq hündürlüyü	0 ± 1 m
Eni	67 km
Uzunluğu	99 km
Sahəsi	13 210 km²
Həcmi	280 ± 1 km³
Dərin yeri	250 m
Tökülən çay	Katatumbo çayı
Yerləşməsi
9°48′57″ şm. e. 71°33′24″ q. u.
Ölkə	Venesuela
Marakaybo gölü
adalarla birlikdə
Vikianbarda əlaqəli mediafayllar

Gölün adı koloniyalaşma zamanı yerli sərkərdə Maranın şərəfinə adlandırılmışdır. Mənası isə "Maranın torpağı" anlamını verir.

Coğrafiya

Marakaybo gölünün dənizlə birbaşa yol vardır: Marakaybo və Kamibas limanları ilə əlaqə yaranır. Gölün hövzəsində böyük neft ehtiyatı vardır. Buda Venesuelanın inkişafına təkan verir. Gölü okeanla birləşdirən dərin kanal gölə iri takerlərin daxil olmasına imkan verir. Keçidin üzərində 8 kilometrlik körpü 1962-ci ildə istifadəyə verilmişdir.

Gölün üzərində Katatumbo ildırımı baş verir. Bu atmosfer hadisəsi Katatumbo çayının gölə töküldüyü yerdə baş verir.

Yaşayış məntəqələri

Gölün üzərində cənub, cənub-qərb hissədə bir neçə su üzərində asma kəndlər vardır. Burada yaşayan insanlar sivilizasiyadan kənarda yaşayır. Onlar bir sıra xəstəliklərdən əziyyət çəkirlər. Bu xəstəliklərdən ən geniş yayılanı Hantinqtona xəstəliyidir ki, yerli əhali bu xəstəliyi " Müqəddəs Vitanın rəqsi" adlandırırlar.

Mənbə

• Lake Maracaibo — Encyclopædia Britannica