Matsey Rıbinski

Matsey Rıbinski (pol. Maciej Rybiński; 24 fevral 1784, Slavuta^[d], Volın quberniyası^[d] – 17 yanvar 1874, Paris) — Polşa generalı, Noyabr üsyanının son lideri. General Paskeviçlə təslim olma danışıqları aparılmasında ittiham olunurdu.

Matsey Rıbinski
Şəxsi məlumatlar
Doğum tarixi	24 fevral 1784(1784-02-24)
Doğum yeri	Slavuta[d], Slavuta volostu[d], Zaslavl qəzası[d], Volın quberniyası[d], Rusiya imperiyası
Vəfat tarixi	17 yanvar 1874(1874-01-17) (89 yaşında)
Vəfat yeri	Paris, Paris, İl de Frans, Fransa metropoliyası, Fransa
Dəfn yeri	Monmartr qəbiristanlığı
Vətəndaşlığı	Polşa çarlığı Reç Pospolita
Hərbi fəaliyyəti
Mənsubiyyəti	Fransa İmperiyası → Polşa çarlığı
Xidmət illəri	1809—1831
Rütbəsi	general-leytenant
Döyüşlər	Napoleon müharibələri (1809—1814) Polşa Noyabr üsyanı (1830-1831)
Təltifləri
Vikianbarda əlaqəli mediafayllar

Həyatı

1805-ci ildə Napoleonun ordusuna qoşuldu. Gələcək marşal Lui Qabriel Süşenin yanında adyutant vəzifəsində çalışırdı, 1807-ci ildən Varşava Hersoqluğunun ordusunda xidmət edirdi.

1809-cu ildə Avstriya və 1812—1813-cü illərdə Rusiyaya qarşı Napoleon müharibələrində iştirak etmişdir. Smolens, Maloyaroslavtsem və Leypsiq döyüşlərində fərqlənmişdir. Sonuncuda əsir alınmışdır

1815-1831-ci illərdə Polşa çarlığının silahlı qüvvələrində mayor rütbəsində xidmət etmişdir. 1830-cu ilin noyabr ayında Polşa üsyanının başlanmasına fəal dəstək verdi. 1831-ci ildə Ostrolenka döyüşündə iştirak etdi.

1831-ci ilin sentyabr ayında general oldu və Polşa üsyançılarının qüvvələrinə rəhbərlik etdi.

General M. Rıbinski mühacirətdə (rəssam Aleksandr Raçinski).

Həmin ilin noyabr ayında general Paskeviçlə təslim olma danışıqları aparılmasında ittiham olunurdu. Başçılıq etdiyi 20 minlik ordu ilə Prussiyayla sərhədi keçdi.

Üsyanın yatırılmasından sonra Parisdə sürgündə yaşadı.1843-cü ildə Polşa mühacirləri arasında Hərbi Partiya (pol. Stronnictwo Wojskowe) qurdu. Polşa Noyabr üsyanı barədə xatirələrini yazmışdır.

Monmartr qəbirstanlığında dəfn olunub.

Ədəbiyyat

• Mirosław Krajewski, Usque ad finem. Powstanie listopadowe i partyzantka 1833 r. na ziemi dobrzyńskiej, Dobrzyńskie Towarzystwo Naukowe, Rypin 2011, ss. 205. (pol.)

Xarici keçidlər

• Powstanie listopadowe  (pol.)