Memorial skamya

Memorial skamya və ya memorial oturacaq — vəfat etmiş şəxsin xatirəsinə ithaf olunan oturacaq. Memorial skamyalar əsasən ağacdan hazırlansa da, metal, daş və ya sintetik materialdan hazırlanan skamyalara da rast gəlinir. Əsasən ictimai yerlərdə qurulur, şəxsi bağ ərazilərində də yerləşdirilə bilir.

Kirsti MakKoll memorial skamyası, Soho meydanı, London; həkk olunmuş sözlərin yaxından görüntüsü

Memorial skamyalar ABŞ və Böyük Britaniyada geniş yayılmışdır və demək olar ki, bütün ictimai parklarda, tələbə kampuslarında və digər ictimai yerlərdə mövcuddur. Bəzi skamyalar çox məşhur insanlara həsr olunur, məsələn, ABŞ-də Kurt Kobeynin, Estoniyada isə Pyotr Çaykovskinin xatirəsinə həsr olunmuş memorial skamya var.

Qalereya

• 
  Robert Ask Memorial oturacağı. Sveinbay, Nort-Yorkşir
• 
  İen Dyuri memorial skamyası. Riçmond Parkı, cənub-qərbi London
• 
  Volter Lord memorial skamyası. Burada onun kitablarının adları həkk olunub. Baltimor, Merilend
• 
  Sesil Frenk Pauellə həsr olunmuş memorial skamya və lövhə. İtaliyada, Alp dağlarının ətəklərində vəfat etdiyi yerdə qurulmuşdur.
• 
  Alan Türinqə həsr olunmuş memorial skamya. Karnegi Mellon Universitetinin kampusu, Pittsburq

Həmçinin bax

• Memorial lövhə