Mişov dağı (dərgi)
Mişov dağı — Tehranda Azərbaycan və fars dillərində nəşr olunan dərgi.[1]
| Mişov dağı | |
|---|---|
| Təsis tarixi | 1998 |
| Qərargah | |
Ümumi məlumat redaktə
"Mişov dağı" dərgisi 1998-ci ildən Tehranda nəşr olunur. Mişov Mədəniyyət Mərkəzi tərəfindən yayınlanan dərginin baş redaktoru tanınmış şair və həkim Aqşin Ağkəmərlidir. Dərgi latın və əski (ərəb) əlifba ilə Azərbaycan türkcəsində və farsca nəşr olunur.[2]
Dərginin ildə dörd sayının nəşri nəzərdə tutulsa da, fasilələr səbəbindən bu ardıcıllıq gözlənilməmişdir.
Dərginin ümumi həcmi 250 səhifədir.
Rubrikaları redaktə
Nəşrə başladığı gündən dərginin səhifələrində Azərbaycan və İran mədəniyyəti, incəsənəti, yazıçı və şairləri haqqında müxtəlif səpkili yazılar dərc edilmişdir. Dərginin müxtəlif saylarında Məhəmməd Füzuli, Xurşidbanu Natəvan, Səməd Vurğun, Məmməd Araz, Bəxtiyar Vahabzadə, Nəriman Həsənzadə və b. şeirləri, həmçinin Türkiyənin şair, yazıçılarının həyat və yaradıcılığı haqqında məqalələr verilmiş, müasir dünya ədəbiyyatın aparıcı nümayəndələrindən söhbət açılmışdır. Burada 20 Yanvar faciəsi, Xocalı soyqırımı, Qarabağın işğalı ilə bağlı məqalələr də yer almışdır.[3]
Dərginin müxtəlif sənətkarların yaradıcılığına həsr olunmuş özəl sayları da dərc olunur. Eyni zamanda, Azərbaycan klassikləri ilə yanaşı, dünya ədəbiyyatından tərcümələrə də yer verilir.
İstinadlar redaktə
- ↑ ""Mişov dağı" jurnalı – ədəbi körpü". 2017-11-25 tarixində orijinalından arxivləşdirilib. İstifadə tarixi: 2020-05-21.
- ↑ ""Mişov dağı" jurnalının yeni nömrəsində…". 2020-08-10 tarixində arxivləşdirilib. İstifadə tarixi: 2020-05-21.
- ↑ ""Mişov Dağı" jurnalının 25-ci nömrəsi Xalq şairi Səməd Vurğuna həsr edilib". 2020-03-04 tarixində arxivləşdirilib. İstifadə tarixi: 2020-05-21.