Microsoft FrontPage

Microsoft FrontPage
Microsoft FrontPage
Tərtibatçı	Microsoft
Əməliyyat sistemi	Microsoft Windows, Mac OS
Yayımlanma tarixi	noyabr 1995
Sonuncu versiya	2003;

Microsoft FrontPage – veb-sayt yaratmaq və orada yerləşən veb-səhifələri idarə etmək üçün rahat redaktorlardan biri sayılır.

Ümumi məlumat

Vizual redaktorlardan ən çox yayılmış və istifadəçilərin daha çox istifadə etdiyi Microsoft Front Page (Microsoft Word redaktorunu xatırladır) proqram redaktorudur. Bu redaktorun köməyi ilə qısa bir zamanda gözəl sayt yaratmaq mümkündür. Microsoft Front Page redaktoru ilə işləyərkən HTML dilini mükəmməl bilmək vacib deyil.

Front Page-dən istifadə etməklə effektlər yaratmaq olur ki, kod redaktorlarında bunları yaratmaq üçün skriptlərdən və ya DHTML proqramından istifadə olunur. Yeganə mənfi cəhəti ondan ibarətdir ki, bu redaktorda yaradılan veb-səhifələr bəzi veb brauzerlər (veb səyyahlar) tərəfindən işıqlana bilmirlər, məsələn, Netscape.

MS FrontPage proqram redaktoru işçi sahadə çoxlu miqdarda funksiyaları yerinə yetirməyə qadirdir. Nəticədə FrontPage proqramından kənara çıxmadan qovluqlar, veb-sayt və bu veb-sayta daxil olan çoxlu sayda veb-səhifələr yaratmaq, faylları idarə etmək və s. olar. FrontPage-in işçi sahəsi bir neçə hissəyə bölünür ki, bu da veb-səhifənin bir təsvir rejimindən digərinə keçməsinə imkan verir, yəni FrontPage-də ekran üç hissəyə bölünür:

Rejimlər paneli.
Qovluqların siyahısı.
Cari səhifəni göstərən panel.

Rejimlər paneli veb-saytın və onun səhifələrinin strukturuna baxış rejiminə keçidi asanlaşdırır. Rejimlər panelində ayrı-ayrı rejimləri göstərən düyməciklər yerləşir:

Səhifə (Page). Veb-səhifəyə baxmaq və onu redaktə etmək üçün istifadə olunur.
Qovluqlar (Folders). Veb-sayta daxil olan qovluq və faylların siyahısını göstərir.
Hesabatlar (Reports). Veb-sayta daxil olan hesabatların siyahısını, yanlış istinadları, yuklənmə sürəti 28,8 Kbit/san olan, gec yüklənən səhifələrin sayını göstərir və veb-sayt haqqında digər informasiyalar verir.
Naviqasiya (Navigation). Veb-saytın strukturunu ağac şəklində göstərir.
Hiperistinad (Hyperlinks, Гиперссылки). Web-səhifənin hiperistinadlarını, həm də ona istiqamətlənən istinadları dioqram şəklində göstərir.
Məsələlər (Tasks). Veb-saytda işləyən zaman yerinə yetiriləcək məsələlərin siyahısını göstərir.

MS FrontPage proqram redaktoru yüklənən zaman kompüterin diskində avtomatik olaraq My Webs qovluğu yaranır. Bu qovluqda yaradılacaq Veb-saytların saxlanması nəzərdə tutulur. MS Front Page-də yeni veb-sayt yaradılan zaman avtomatik olaraq əlavə 3 qovluq yaranır ki, həmin qovluqlarda veb-saytın faylları və səhifələri saxlanılır.

Əsas qovluqda fayllar və şəkillər saxlanılır.
Private qovluğunda veb-saytı təşkil və idarə etmək üçün istifadə edilən fayllar saxlanılır. Heç bir halda bu qovluqdakı faylları silmək və dəyişmək olmaz, çunki nəticədə veb-saytın təşkili düzgün alınmayacaq.
Images qovluğunda istənilən qrafiki təsviri saxlamaq olar. Bu qovluqdan istifadə etməklə əsas qovluğun şəkillərlə doldurulmasının qarşısı alınır.

Mənbə

Osman Gündüz, Qorxmaz Əfəndiyev, Nazim Rüstəmov "kompüter", "Multimediya" mərkəzi, Bakı, 2006.
Jennifer Ackerman Kettell, Guy Hart-Davis, Curt Simmons "Microsoft Office 2003, The Complete Reference" McGraw-Hill Companies, 2005/
Ə.M.Abbasov, M.N.Əlizadə, E.V.Seyidzadə, M.Ə.Salmanova, "İnformatika və kompüterləşmənin Əsasları" Dərslik. Bakı, 2005.
Kərimov S. Q., Həbibullayev S. B., İbrahimzadə T. İ. "İnformatika". Dərslik. Bakı, 2002.
N.D.Cəfərov, N.Ə.Rəhimova. "İnformatika", Bakı, 2003.

Həmçinin bax

Xarici keçidlər

Microsoft FrontPage Arxivləşdirilib 2006-10-22 at the Wayback Machine