Milli Müdafiə Universiteti (Azərbaycan)
Milli Müdafiə Universiteti — Azərbaycan Respublikası Müdafiə Nazirliyinin strukturuna daxil olan və tabeliyindəki xüsusi təyinatlı təhsil müəssisələri vasitəsilə müxtəlif səviyyələrdə kadr hazırlığını təmin edən xüsusi təyinatlı ali təhsil müəssisəsi.
| Milli Müdafiə Universiteti | |
|---|---|
 | |
| 40°23′17″ şm. e. 49°49′10″ ş. u.HGYO | |
| Şüar | Fəxr edəcəyin gələcəyi seç! |
| Əsası qoyulub | 2022 |
| Rektor | Gündüz Əbdülov |
| Ölkə | |
| Ünvan | Bakı şəhəri, Qızıl Şərq 13. AZ1065 |
| Sayt | mmu.edu.az |
Tarixi
redaktəMilli Müdafiə Universiteti 5 mart 2022-ci il tarixində Azərbaycan Respublikasının Prezidenti İlham Əliyevin 1626 nömrəli Fərmanına əsasən, qabaqcıl xarici orduların təcrübəsinə əsaslanaraq yaradılmışdır.[1]
Milli Müdafiə Universiteti Azərbaycan Respublikası Müdafiə Nazirliyinin strukturuna daxil olan və tabeliyindəki xüsusi təyinatlı təhsil müəssisələri vasitəsilə müxtəlif səviyyələrdə kadr hazırlığını təmin edən xüsusi təyinatlı ali təhsil müəssisəsidir. Universitet ali təhsilin bütün səviyyələri üzrə mütəxəssis hazırlığını, tam orta, orta ixtisas və əlavə təhsil proqramlarının həyata keçirilməsini, eləcə də hərbi sahədə fundamental və tətbiqi tədqiqatların aparılmasını təmin edir.[1]
Milli Müdafiə Universiteti müxtəlifpilləli təhsil proqramlarını ardıcıl həyata keçirən xüsusi təyinatlı təhsil müəssisələri və təhsili idarəetmə orqanlarından ibarətdir. Onun əsas məqsədi Silahlı Qüvvələr üçün mütəxəssislərin, elmi və elmi-pedaqoji kadrların hazırlanması, dövlət orqanlarının vəzifəli şəxslərinə hərbi-strateji, hərbi-iqtisadi və hərbi-siyasi məsələlərin öyrədilməsi, eləcə də hərb elmləri sahəsində elmi tədqiqatların və əlavə təhsil proqramlarının təşkilidir.[1]
Universitetin idarə olunması, heyətin və təhsilalanların hüquq və vəzifələri, həmçinin hərbi elm və təhsil sahəsində əsas prinsip və normalar müvafiq normativ sənədlər, o cümlədən "Elm haqqında" və "Təhsil haqqında" Azərbaycan Respublikasının qanunları əsasında tənzimlənir. Universitetinin əsas fəaliyyət istiqamətləri tədris, təlim-tərbiyə, metodiki, elmi tədqiqat və redaksiya-nəşriyyat işlərindən ibarətdir.[1]
22 may 2024-cü ildə Milli Müdafiə Universitetinin tabeliyində Bakı Hərbi Kolleci, Gəncə Hərbi Kolleci və Naxçıvan Hərbi Kolleci yaradılıb.[2]
Tədris
redaktəMilli Müdafiə Universitetində tədris müxtəlif təhsil pillələri və istiqamətləri üzrə olmaqla tabeliyindəki təhsil müəssisələri tərəfindən həyata keçirilir. Universitetin tabeliyindəki Heydər Əliyev adına Hərbi Lisey və Cəmşid Naxçıvanski adına Hərbi Lisey tam orta təhsil pilləsi, Bakı Hərbi Kolleci və Naxçıvan Hərbi Kolleci subbakalavr pilləsi, Heydər Əliyev adına Hərbi İnstitut isə bakalavr pilləsi üzrə təhsil verir.
Hərbi İdarəetmə İnstitutu magistratura proqramları, o cümlədən qərargah zabiti, idarəetmə akademik, müştərək idarəetmə, strateji araşdırmalar və dövlət müdafiəsini idarəetmə və yuxarı qərargah gizir kursları təklif edir. Adyunktura (doktorantura) pilləsi üzrə təhsil Hərbi Elmi-Tədqiqat İnstitutu tərəfindən təmin edilir. Azərbaycan Ordusu üçün tələb olunan istiqamətlər və ixtisaslar üzrə kadr hazırlığını həyata keçirən Azərbaycan Ordusunun Təlim Tədris Mərkəzində ehtiyat zabit, gizir və çavuş hazırlığı kursları təşkil olunur.
Azərbaycan Tibb Universitetinin Hərbi tibb fakültəsi 2022-ci ildən Milli Müdafiə Universitetinin tabeliyində fəaliyyət göstərir və hərbi həkim və hərbi feldşer hazırlığı ilə məşğuldur.
Milli Müdafiə Universitetinin bütün təhsil müəssisələrinə qəbul 2025-ci ilin 3 mart-30 may tarixlərində müvafiq il üçün nəzərdə tutulmuş sənəd qəbulundan etibarən ilk dəfə elektron qaydada həyata keçirilir.[3]
Bakalavr
redaktəHeydər Əliyev adına Hərbi İnstitutda aşağıdakı ixtisaslar üzrə tədris aparılır:[4]
l ixtisas qrupu üzrə:
redaktə- Sistemlər mühəndisliyi
- Aerokosmik mühəndislik
- Elektrik və elektronika mühəndisliyi
- Radiotexnika və telekommunikasiya mühəndisliyi
- Mexanika mühəndisliyi
ll ixtisas qrupu üzrə:
redaktə- Menecment
lll ixtisas qrupu üzrə:
redaktə- Beynəlxalq münasibətlər
- Tarix
Azərbaycan Tibb Universitetinin Hərbi Tibb Fakültəsində aşağıdakı ixtisaslar üzrə tədris aparılır:
Hərbi Tibb Fakültəsi
redaktə- Hərbi tibb
- Stomotologiya
- İctimai səhiyyə
- Hərbi feldşer işi
Elm
redaktəMilli Müdafiə Universiteti tərəfindən "Hərbi bilik", "Milli təhlükəsizlik və hərbi elmlər", "Elmi Əsərlər" jurnalları təsis olunub. Jurnallar elmi tədqiqatların əsas müddəalarının nəşr edilməsi üçün Azərbaycan Respublikası Prezidenti yanında Ali Attestasiya Komissiyası tərəfindən tövsiyə olunan nəşrlər siyahısına daxil edilmişdir.
Tərkibi
redaktə- Hərbi Elmi Tədqiqat İnstitutu
- Hərbi İdarəetmə İnstitutu
- Heydər Əliyev adına Hərbi İnstitut
- Azərbaycan Ordusunun Təlim və Tədris Mərkəzi
- Cəmşid Naxçıvanski adına Hərbi Lisey
- Heydər Əliyev adına Hərbi Lisey
- Bakı Hərbi Kolleci
- Naxçıvan Hərbi Kolleci
- Gəncə Hərbi Kolleci
- Azərbaycan Tibb Universitetinin Hərbi Tibb Fakültəsi
Rektorları
redaktə- Heydər Piriyev (2022–2024)
- Gündüz Əbdülov (12 yanvar 2024)
Xarici keçidlər
redaktəİstinadlar
redaktə- ↑ 1 2 3 4 "Azərbaycan Ordusunun hərbi elm və təhsil sistemi". AZƏRBAYCAN RESPUBLİKASI MÜDAFİƏ NAZİRLİYİ (az.). İstifadə tarixi: 2025-03-06.
- ↑ "Azərbaycan Respublikası Müdafiə Nazirliyinin strukturuna daxil olan Milli Müdafiə Universitetinin tabeliyində Bakı Hərbi Kollecinin, Gəncə Hərbi Kollecinin və Naxçıvan Hərbi Kollecinin yaradılması haqqında". nk.gov.az (az.). İstifadə tarixi: 2025-03-06.
- ↑ "Milli Müdafiə Universiteti xüsusi təyinatlı təhsil müəssisələrinə sənəd qəbulu elan edir » MİLLİ MÜDAFİƏ UNİVERSİTETİ - MMU.EDU.AZ". MİLLİ MÜDAFİƏ UNİVERSİTETİ - MMU.EDU.AZ (ingilis). İstifadə tarixi: 2025-03-06.
- ↑ "Ən çox verilən suallar » Heydər Əliyev adına Hərbi İnstituta qəbul". Heydər Əliyev adına Hərbi İnstituta qəbul (az.). İstifadə tarixi: 2025-03-06.