Mimoza Kusari-Lila

Mimoza Kusari-Lila (alb. Mimoza Kusari-Lila 16 oktyabr 1975) — Kosovo-Albaniya dövlət və siyasi xadimi, Yeni Kosovo İttifaqının və daha sonra Alternativ partiyasının üzvü.

Mimoza Kusari-Lila
Doğum tarixi 16 oktyabr 1975(1975-10-16) (48 yaş)
Uşağı 2
Fəaliyyəti siyasətçi
mimozakusari.com
Vikianbarın loqosu Vikianbarda əlaqəli mediafayllar

Bioqrafiyası redaktə

Mimoza Kusari 16 oktyabr 1975-ci ildə Kosovonun cənub-qərbindəki Cyakovitsa şəhərində ziyalı ailəsində anadan olmuşdur: atası pulmonoloq, anası məktəbdə alban dili və ədəbiyyatı müəllimi idi. Bir müddət ailə Kosovo Peç şəhərində yaşayır, sonra 1980-ci illərin ortalarında Cyarkovisaya qayıdır.

«Hajdar Dushi» gimnaziyasını bitirdikdən sonra Priştina Universitetinin İqtisadiyyat fakültəsinə daxil olur (universitet 1999-cu ildə fəaliyyətini dayandırır), İdarəetmə və İnformasiya Sistemləri ixtisası üzrə məzun olarkən təhsilini ödəmək üçün işləyir. 1998-1999-cu illərdə Kosovoda münaqişə baş verəndə, Sərhədsiz HəkimlərATƏT-də işləmişdir[1]. O, həmçinin ABŞ-də MBA təhsilini davam etdirmək üçün ABŞ Dövlət Departamentindən nüfuzlu Ron Braun Təqaüdü alaraq Makedoniyadakı qaçqın düşərgəsində işləmişdir. ABŞ-də olarkən Kusari-Lilya, İqtisadiyyat İnstitutunda, Kolorado Universitetində və Pittsburqdakı Dyukeyn Universitetində elektron biznes sahəsində magistr dərəcəsi ilə təhsilini davam etdirir. Amerikada liderlik keyfiyyətlərini göstərən tələbə icmalarının təşkili və işində fəallıq göstərir. Dyukeyn Universitetinin İşadamı Qadınlar Assosiasiyasının təsisçisi, ilk prezidenti olur və Vaşinqtonda Beynəlxalq Təhsil Həftəsini qeyd etmək üçün Dövlət katibi Madlen Olbraytın dəvət etdiyi Şərqi Avropadan gələn üç Ron Braun təqaüdçülərindən biri idi. Təhsilini bitirdikdən sonra Pittsburqdakı Bayer Korporasiyasının elektron satış şöbəsində təcrübəçi kimi çalışmışdır[1]. Enerqetika və Kömür Sənayesi Nazirliyinin departament direktoru və 2006-2009-cu illərdə sonradan Kosovo Amerika Ticarət Palatasında icraçı direktor işləyir. 2009-cu ildə Vaşinqtonun Corctaun Universitetində dörd aylıq Fulbrayt tədqiqat proqramında iştirak edir. Elə həmin il Yeni Kosovo Alyansı partiyasından Cyakovitsa şəhərinin meri vəzifəsinə namizəd olur, ancaq seçkidə qalib gələ bilmir. 2011-ci ilin fevral ayında o, Kosovo Baş nazirinin müavini və Ticarət və Sənaye naziri təyin edilir. 2 oktyabr 2013-cü il tarixində hökumətdəki vəzifələrindən istefa verdikdən sonra ikinci dəfə Cyarkovitsa meri vəzifəsinə seçki kampaniyasında iştirak edir. Bu dəfə seçkilərin ikinci turunda qalib gələn Mimoza Kusari-Lilya Kosovo tarixində ilk qadın bələdiyyə başçısı olur. 2013-cü ilin noyabr ayından bu vəzifədədir[2].

Ailəlidir, iki övladı var.

İstinadlar redaktə

Mənbə redaktə