Mir Mehdi Mir Mustafa oğlu Ağamirov (yanvar 1873, Şuşa qəzasının Malıbəyli kəndi – 1933, Yaroslavl) — pedaqoq.

Mir Mehdi Ağamirov
Mir Mehdi Mir Mustafa oğlu Ağamirov
Doğum tarixi
Doğum yeri Malıbəyli kəndi, Şuşa qəzası
Vəfat tarixi
Fəaliyyəti pedaqoq

HəyatıRedaktə

Əvvəlcə dini təhsil almış, 1903-cü ildən Malıbəyli rus-tatar məktəbində şəriət müəllimi işləmişdir. 1915-ci ildə Gəncədə pedaqoji kurs bitirmiş, müəllimlik fəaliyyətini doğma kəndində davam etdirərək həmkəndlilərinin övladların pedaqoji məktəblərə hazırlıq işi ilə məşğul olmuşdur. O, Malıbəylini mədəni abad kəndlər sırasına çıxarmağa çalışmış , müəllim yoldaşı Məmməd bəy Qarayevlə birlikdə burda bir neçə nəfərdən ibarət həvəskar teatr kollektivi yaratmış, mədəni-kütləvi, xeyriyyə tədbirləri, ədəbi gecələr, müsamirələr təşkil etmiş , qadın azadlığı və hüququ uğrunda fəal mübarizə aparmışdır. 1910-cu ildə kənddə Qarabağda ilk dəfə olaraq rus-tatar qız məktəbinin açılmasında da onun böyük xidməti olmuşdur.

1920-ci ildə Mir Mehdi Ağamirov Şuşa qəza Maarif İşçiləri İttifaqına üzv keçmişdi. 1922-ci ildə gizli Müsavat partiyasına daxil olmuş, Malıbəyli kənd Müsavat özəyinin rəhbəri kimi Qarabağ müsavatçılarının Şuşada keçirilən ilk gizli konfransının nümayəndəsi olmuşdur (1922). 1927-ci ilin əvvəllərində o, müsavat fəaliyyətinə son qoymuşdur.

Mir Mehdi Ağamirov 1927-ci ilin mayın 31-də dağlıq Qarabağ Muxtar vilayəti Siyasi İdarəsi tərəfindən həbs olunmuş, üç il iş alaraq sürgünə göndərilmiş və həbsxanada vəfat etmişdir.

Həmçinin baxRedaktə