Miruşa
Miruşa (alb. Mirusha / Mirushë; serb. Мируша / Miruša) — Kosovo Respublikasının mərkəzi hissəsində yerləşən regional park. Park Metohiya düzənliyinin şərqində yerləşir[1]. Ərazidə olan təbiət abidələri, özəl landşaft və biomüxtəlifliyə görə park 1982-ci ildə regional park elan edildi. Beynəlxalq Təbiətin və Təbii Sərvətlərin Mühafizəsi Birliyinin klasifikasiyasına əsasən beşinci kateqoriya statusu almış və 55 580 hektar sahə qorunma zonasına daxil edilmişdir. Park üç munisipalitet ərazisində yerləşir: Klina, Malişevo və Oraxovas[2].
| Miruşa | |
|---|---|
| alb. Mirusha / Mirushë; serb. Мируша / Miruša | |
 Miruşa kanyonu | |
| BTMB kateqoriyası — V (Qorunan landşaft/akvatoriya) | |
| Sahəsi | 55 580,70 ha |
| Yaradılma tarixi | 1982 |
| Yerləşməsi | |
| 42°31′25″ şm. e. 20°34′58″ ş. u.HGYO | |
| Ölkələr | |
| Yaxın şəhər | Klina, Malişevo |
|
|
|
Ümumi məlumat
redaktə
Miruşa parkı daha çox eyni adlı çayın axdığı kanyonla məşhurdur. Çay kanyon boyu kaskad şəlalələr, karst tipli göllər əmələ gətirmiş. Geoloji struktur baxımdan kanyon ultra əsas və vulkanik-çöküntü süxurlarından təşkil olunub. Yura, karbon və təbaşir dövrlərində formalaşmış kanyonun dərinliyi 200 metrdir[3].
Kanyonda olan göllər bir-biri ilə şəlalələrlə birləşir. Ən hündür şəlalənin hündürü 21 metrdir. Ümumən kanyonda 12 şəlalə və 16 göl yerləşir. Kanyon daha çox sonuncu və kanyonun ən dar yerində yerləşən göllə məşhurdur[4][5].
Park bölgəsi mülayim kontinental iqlimə malikdir və Aralıq dənizinin təsiri böykdür. Ərazi flora və fauna baxımdan zəngindir. Parkda bir çox endemik növlər mövcuddur.[2]
Miruşa parkı Kosovanın ən gözəl və maraqlı təbiət obyektlərindən biridir. Park üç munisipal vahidin ərazisinə aiddir. Miruşa parkı Qremnik dağının cənub ətəklərində, Miruşa çayının hər iki sahilində yerləşir. Park çayın Ağ Drinə töküldüyü əraziyə qədər davam edir[5].
Parkın qərb hissəsindən Klina-Cakovisa avtomobil yolu keçir (М9.1). Bu yola paralel Peç-Prizren dəmir yolu, 8 km şimaldan isə Priştina-Peş avtomobil yolu keçir.[2][6]
Ən yaxın hava limanı — Priştina Beynəlxalq Hava Limanıdır (PRN).
İstinadlar
redaktə- ↑ Bu coğrafi obyekt Kosovoda yerləşir. Serbiya inzibati bölgüsünə görə, Kosovo Kosova ve Metohiya muxtar vilayətinin bir hissəsidir. Əslində, Kosovo qismən tanınmış bir dövlətdir və ərazisi Serbiya tərəfindən idarə edilmir.
- ↑ 1 2 3 "Архивированная копия" (PDF). 2015-01-10 tarixində arxivləşdirilib (PDF). İstifadə tarixi: 2015-01-10.
- ↑ http://www.progeo.se/news/2011/pgn111.pdf{{%7Cdate=Март 2018 |bot=InternetArchiveBot }}[ölü keçid]
- ↑ "Arxivlənmiş surət" (PDF). 2016-03-03 tarixində orijinalından (PDF) arxivləşdirilib. İstifadə tarixi: 2018-05-29.
- ↑ 1 2 "アーカイブされたコピー" (PDF). 2015-01-10 tarixində arxivləşdirilib (PDF). İstifadə tarixi: 2015-01-10.
- ↑ "Arxivlənmiş surət". 2017-04-20 tarixində orijinalından arxivləşdirilib. İstifadə tarixi: 2018-05-29.