Mixail Kalinin

Mixail Kalinin — SSRİ dövlət xadimi.

MİXAİL KALİNİN
Mixail İvanoviç Kalinin
Doğum tarixi	19 noyabr 1875
Doğum yeri	Tver quberniyası, Verxnyaya Troitsa kəndi, Rusiya
Vəfat tarixi	3 iyun 1946 (70 yaşında)
Vəfat yeri	Moskva, Rusiya
Vəfat səbəbi	kolorektal xərçəng
Dəfn yeri	Kreml divarı nekropolu
Vətəndaşlığı	Rusiya İmperiyası  RSFSR[d]  SSRİ
Fəaliyyəti	siyasətçi
Mükafatları
Vikianbarda əlaqəli mediafayllar

Həyatı

Kəndli ailəsində doğulmuşdur. Əmək fəaliyyətinə 1893-cü ildə Peterburqda başlamışdır. 1896-cı ildən Putilov zavodunda (Peterburq) tokar işləmiş, marksist dərnəyi yaratmışdır. 1900-cü ilin aprelində Tbilisiə sürgün olunmuşdur (oraya gedərkən yolüstü Bakıya gəlmiş, Balaxanıda gizli yığıncaqda iştirak etmişdir.). Həmin ildə həbs olunub Metex qalasına salınmış, 1901-ci ildə Revelə (indiki Tallin) sürgün edilmişdir. Leninçi "İskra"nın agenti və müxbiri idi. 1905-ci ildə Putilov zavodunun bolşevik təşkilatına başçılıq etmiş, 1906-cı ildə RSDFP Peterburq Komitəsinin üzvü seçilmiş, partiyanın 4-cü qurultayının nümayəndəsi olmuşdur. 1908-1910-cu illərdə Moskvada, 1911-1912-ci illərdə Peterburqda işləmiş, RSDFP Peterburq Komitəsinin tərkibinə daxil olmuş, Vıborq rayonunun partiya təşkilatına rəhbərlik etmişdir. Oktyabr inqilabından sonra Petroqrad şəhər bələdiyyəsinin başçısı, 1918-ci ildə şəhər təsərrüfatı komissarı vəzifələrində işləmişdir. 1922-ci ildən SSRİ MİK-in sədri, 1938-1946-cı illərdə SSRİ Ali Soveti Rəyasət Heyətinin sədri olmuşdur. Qızıl meydanda dəfn edilmişdir.

Adlar və mükafatlar

1. Sosialist Əməyi Qəhrəmanı (1944)
2. "Qırmızı Əmək Bayrağı" Ordeni
3. 3 dəfə "Lenin Ordeni"

Filmoqrafiya

1. M. İ. Kalininin Bakıya səfəri (film, 1923)(Qısametrajlı Sənədli Film)