Mixail Kozakov
Mixail Kozakov (rus. Михаи́л Миха́йлович Козако́в; d. 14 oktyabr 1934, Leninqrad, RSFSR, SSRİ – ö. 22 aprel 2011, Ramat-Qan, İsrail[1][2][3][4]) — məşhur teatr və kino aktyoru, Rusiyanın Xalq artisti (1980).
| Mixail Kozakov | |
|---|---|
| rus. Михаи́л Миха́йлович Козако́в | |
 24 aprel 2007 | |
| Doğum tarixi | |
| Doğum yeri | Leninqrad, RSFSR, SSRİ |
| Vəfat tarixi | (76 yaşında) |
| Vəfat yeri |
Ramat-Qan,  İsrail |
| Vəfat səbəbi | xərçəng xəstəliyi |
| Dəfn yeri |
|
| Vətəndaşlığı | |
| Fəaliyyəti | aktyor, teatr rejissoru, kinorejissor, ssenarist, teatr aktyoru |
| Fəaliyyət illəri | 1954-cü ildən |
| Təhsili |
|
| Üzvlüyü | |
| Mükafatları |
     |
| IMDb | ID0440397 |
 Vikianbarda əlaqəli mediafayllar | |
Həyatı və fəaliyyəti
redaktəMixail Kozakov 14 oktyabr 1934-cü ildə Leninqrad şəhərində anadan olmuşdur.[5]
Atası Mixail Kozakov əslən yəhudi idi, Kozakov familiyasını sonradan qəbul etmişdi. O, yazıçı olub, anası Zoya Kozakov isə televiziyada ədəbi-dram verilişləri redaksiyasında çalışıb. Ötən əsrin 30-cu illərin repressiyası onların da ailəsindən yan keçmir, Mixailin anasını və nənəsini bir neçə il müddətinə azadlıqdan məhrum edir, atasının yazılarına qadağa qoyurlar. Mixail 1945-ci ildən Leninqrad Xoreoqrafiya Məktəbində təhsil alır. Təbiətcə tənbəl idi, orta məktəbdə yalnız ədəbiyyat fənnini sevirdi. Elə buna görə də məktəbi bitirdikdən sonra teatr sənətini seçir. Ona elə gəlir ki, aktyorluq ən asan peşədir.[5]
Beləliklə, 1952-ci ildə Moskva Akademik Bədaye Teatrının məktəb-studiyasına daxil olur. Axırıncı kursda oxuyarkən, 1956-cı ildə "Dante küçəsində qətl" filmində Şarl Tibo rolu onun kinoda debütü olur. Bu rol çox uğurlu alınır. 1959-cu ildə V. Mayakovski adına teatrda işləməyə başlayır, sonra "Sovremennik" teatrına keçir. 1971-ci ildə isə MXAT-da işləməyə başlayır. Teatrda yaratdığı gözəl rollarla yanaşı, "Salam, mən sizin xalanızam", "Məhəbbət-kök", "Saman şlyapa" və digər filmlərə dəvət alır. 1961-ci ildə "Amfibiya adam" filmində soyuqqanlı, yalançı və fırıldaqçı Pedro rolunu çox məharətlə oynayır. Yeri gəlmişkən, bu filmin bir hissəsi Bakıda lentə alınıb.[5]
Taleyinə bir neçə dəfə ailə qurmaq nəsib olan Mixail Kozakov birinci həyat yoldaşı estoniyalı Qreta Taarla ilə məktəb-studiyada tanış olmuşdu. Onların Katerina adında qızı, Kiril adında (gələcəyin aktyoru) oğlu dünyaya gəlmişdi. Bir müddətdən sonra onlar ayrılırlar. 1968-ci ildə Mixail gürcü qızı Medeya Berelaşvili ilə ailə qurur. Onların Manana adında qızları dünyaya gəlir. Üçüncü dəfə o, tərcüməçi Regina Bıkova ilə evlənir. Bu nikahdan uşaqları olmasa da, 17 il — Regina ondan ayrılıb Amerikaya gedənədək — birlikdə yaşayırlar. Mixail Kozakov bundan sonra 31 yaşlı aktrisa Anna Yampolskaya ilə nikah bağlayır və bir oğulları dünyaya gəlir.[5]
1991-ci ildə Mixail Kozakov ailəsi ilə birlikdə İsrailə köçür, Təl-Əviv Kamera Teatrında çalışır, rejissor kimi də özünü sınayır. Burada bir qızları da doğulur. 1996-cı ildə onlar Rusiyaya qayıtsalar da, aktyor 2010-cu ildə xəstələnir və müalicə olunmaq üçün yenidən İsrailə gedir. 2011-ci ildə aprelin 22-də 76 yaşında ikən vəfat edir.[5]
Filmoqrafiya
redaktə- Amfibiya adam (film, 1961) / Человек-амфибия
İstinadlar
redaktə- ↑ "В Израиле скончался Михаил Казаков". cursorinfo.co.il. 2011-04-22. 2013-04-19 tarixində arxivləşdirilib. İstifadə tarixi: 2013-04-18.
- ↑ Трофименков М. "Испанский гранд советской эпохи: Умер Михаил Козаков". Коммерсант, №72(4613). kommersant.ru. 2011-04-23. 2013-04-19 tarixində arxivləşdirilib. İstifadə tarixi: 2013-04-18.
- ↑ "Умер Михаил Козаков". lenta.ru. 2011-04-22. 2013-04-19 tarixində arxivləşdirilib. İstifadə tarixi: 2013-04-18.
- ↑ "Умер актёр Михаил Козаков". РИАНовости.рф. 2011-04-22. 2012-07-17 tarixində orijinalından (#bad_url) arxivləşdirilib. İstifadə tarixi: 2013-04-18.
- ↑ 1 2 3 4 5 Səbinə Əlibalaqızı. Tənbəlliyi üzündən aktyor olmuşdu [ölü keçid] medeniyyet.az, 31.10.2014 (az.)
Xarici keçidlər
redaktə
- Mixail Kozakov — IMDb səhifəsi
- Биография на RusActors
- Михаил Козаков в телевизионной программе "Встречи на Моховой"
- Слушать: Михаил Козаков читает стихотворение Тютчева "Весь день она лежала в забытьи"
- Михаил Козаков на веб-сайте "Грани-ТВ"
- Интервью журналу "Искусство кино" (№ 7 за 2002 год)
- Михаил Козаков: "Я гражданин и России, и Израиля. А может быть завтра стану гражданином Америки или Канады, если Америка и Канада захотят и я захочу."
- "Двойник с улицы Данте", дружеская дневниковая заметка врача, писателя и психолога Владимира Леви, физиономического двойника великого артиста.
- Михаил Козаков на сайте Рускино.ру